香港18區媽媽會今日: 2|主題: 156884

收藏本版

發帖

返回列表

跳至頁

查看: 6867 | 回覆: 4

[屯門區] 呈分試/校內名次/全港排名/Pre-S1的關係 [複製鏈接]

sensei

男爵府

積分: 7324

好媽媽勳章

1^#

發表於 17-11-15 13:13 |只看該作者 |倒序瀏覽 |打印

其實喺呢度同教育王國好多前輩已有分享, 為方便爬文, 喺呢度同大家分享一吓, 如有錯漏, 請賜教.

大家都知呈分試有3次, 分別係小五大考, 小六第1同第3次考試.

中英數X9, 常X6, 視藝X3, 音樂X2. 個別小學會有宗教X2, 普通話X1. 另外要注意係你間學校中英文呈咩嘢分. 有啲小學唔呈中英文默書, 有啲小學會連聆聽/Listening都呈, 一定要清楚自己間學校嘅玩法.
視藝平時分佔20%考試佔80%, 睇吓你嗰間派唔派番屋企做. 我嗰間唔派, 但有學校考試嗰幾份都會派, 咁又要睇吓有冇家長打茅波, 幫手或攞去平時學畫嘅地方加工.
音樂分3份卷, 唱歌30%/筆試50%/樂器20%

咁考完試梗係計分啦, 呢個時候就會出現2種排法, 一種係校內, 會SHOW喺成績表度, 另一種係上報俾教育局, 決定呈分排名, 所以每間學校Banding分佈可以好唔同.

0 0 0

私人傳訊

sensei

男爵府

積分: 7324

好媽媽勳章

2^#

發表於 17-11-15 13:28 |只看該作者

可能大家又會諗...份卷深淺唔同, 分數就算有高低又點分全港排名呢, 呢個就要靠你哋嘅師兄師姐考Pre-S1嘅往績.

大家都應該知, 小六畢業生每年7月喺註冊中學要考Pre-S1, 除咗用嚟分班試/精英班用, 每兩年會被教育局採納數據, 簡單啲講係雙數年份7月考嗰份. 即出年升中嘅小朋友, 會用而家讀緊中四同中二呢兩年嘅成績嚟計. 因為份卷係一樣, 咁就立見高下.

假設中四全級考第10嗰位師兄/姐當時攞90分, 中二嘅攞92分, 咁今年嘅小六生校內名次第10嘅就會被設定為中位數91分, 咁全港計, 91分排幾多名嚟定全港排名.

所以呈分試分試固然重要, 名次都唔好睇少. 我嗰間差1分可以差10名, 那怕是零點幾分就足以令你全港排名前或後好多名.

由此可見, 二線A校頭一可以排得後過一線B頭十. 所以唔好再問考第幾至可以考四大天王.

咁全港排名又重唔重要呢? 最重要係1)分banding 2)自行收生時作參考用

如果你嗰間頭40(呈分數, 唔係校內) 係band 1, 你考35-4X係邊緣人就最煩, 因為你報自行時只考咗2次呈分, 你唔知你個小朋友第三次係突飛猛進定失手.

私人傳訊

sensei

男爵府

積分: 7324

好媽媽勳章

3^#

發表於 17-11-15 13:32 |只看該作者

本帖最後由 sensei 於 17-11-15 13:54 編輯

就算我哋大人去見工, 都要講實力, 臨場表現, 彩數同埋供求問題.

因應早幾年殺校潮, 成個屯門區中學都統一只開4班 (陳瑞芝除外, 佢用教會資源將中一其中兩班分拆3班小班教學補底), 全級128人, 所以自行收生一律收38人. 而留班位8, 甲一6/8(有聯繫/冇聯繫小學), 乙一55+21聯繫位/74冇聯繫小學.

若你想喺自行收生收咗先, 你必須係呢間中學心目中排頭38人, 按面試(佔30~50%)學業(即全港排名)+操行+課外活動(即奬狀或特異功能). 有啲中學只分3部份, 有啲就有齊呢4部份計分. 亦有攞開全港大奬嘅學生未IN就數倒神校邀請信邀請入讀.

如果想小朋友讀四大, 課外活動比重冇咁大嘅係陳中, 運動係LKK, 跳舞係董中, 成績比重可以較重嘅係百周. 零活動零奬狀嘅入紙只係得個面試經驗.

都係嗰句, 要考好呈分試, 平時要講多啲嘢, 練臨場反應, 留意時事留意身邊物, 留意埋你會揀嗰2間自行中學有咩嘢喜好, 計分比重. 例如早輪新聞都有, SPCC面試考蝦點解熟咗變紅, 蘋果點解會切開變色, 分分鐘除咗考得叻, 仲要咪埋十萬個為甚麼.

私人傳訊