家庭理財 今日: 39 | 主題: 46278

積分: 28721

2024年龍年勳章

202^#

發表於 19-5-28 14:49 |只看該作者

2019投資學堂進階班（廿二）

作為一個有經驗的投資者，除了現貨市場（包括股票、債券、外匯、貴金屬等）外，亦應對derivatives有一定認識。一般認為derivatives屬於高風險。其實因為過去有不少大鍋野都涉及衍生工具，所以一些對此不甚瞭解的投資者就怕怕。筆者相信這些衍生工具其實和現貨一樣有風險，只要認真看清楚背後的risk是什麼，我們實在可好好利用這些工具，配合埋我們的投資組合，作出更理想的部署。不過可能要個組合有番咁上下大嘅先有得玩。

今天先講一下options。筆者強烈建議大家只用最單一的期權（即係一個call 或者put）。這些簡單的options所牽涉的風險相對容易明白。相反一些複雜且涉及多個期權的策略的風險就難以控制，而且交易成本亦會相對較貴，作為非專業的投資者實在不宜沾手。有時候，甚至professional traders都會搞不清楚自己的risk呢。所以一個call 或者put已經夠用了。

簡單地説，call 就是一個買入的權利（right) 而put 則是 a right to sell。其他要素還包括underlying asset係乜（EUR或者匯控）；option的時限；一個預先定下的價格（strike price）同埋成個交易嘅size 。有啲同學可能亦聽聞option會分European style 同 American style。一個係option 到期嗰日先可以exercise, 另一個係成個時限內個buyer隨時都可以行使他的權利。其實分別不大。下一堂介紹幾個筆者最喜歡的玩法。

私人傳訊

積分: 2766

203^#

發表於 19-5-28 15:42 |只看該作者

平平無奇2 發表於 19-5-28 14:49
2019投資學堂進階班（廿二）

作為一個有經驗的投資者，除了現貨市場（包括股票、債券、外匯、貴金屬等）外 ...

呢個我想學下，等你

私人傳訊

積分: 28721

2024年龍年勳章

204^#

發表於 19-5-30 16:39 |只看該作者

2019投資學堂進階班（廿三）Option戰術之一

Option交易另一重要因素係個買家要支付premium俾個賣家，Premium嘅高低取決於你的strike price同現價差幾遠(越近越貴），option有幾長期限（越長越貴），仲有市場的volatility有幾高（越高越貴）。

作為一個長線投資者，你一定持有股票、債券、甚至持有各種貨幣。當你想take profit時，除了在現貨市場沽出獲利外，你也可以利用option的。

用匯豐做例子，你持貨至今一段時間，升到$64.5，你打算係66蚊沽出，你可以sell 一個 1-month call，strike 就係66。無論一個月後發生什麼事，你係T+2 (即兩日後）便先收到premium。然後一個月之後，匯豐升到66或以上，你就以$66沽出食糊。如果唔到$66，個option 無左，無野發生。當然你亦唔介意繼續持有，更唔介意sell多一個call, 再收premium...

呢啲叫做covered call, 即係你揸住underlying 隻貨，所以風險十分低，而且仲有premium收。除了股票、債券，甚至外幣都可以咁做。再次強調：如果你本身無隻貨仲sell call，咁樣就係naked position, 十分危險，可以輸死人！

私人傳訊

積分: 2766

205^#

發表於 19-5-30 17:10 |只看該作者

平平無奇2 發表於 19-5-30 16:39
2019投資學堂進階班（廿三）Option戰術之一

Option交易另一重要因素係個買家要支付premium俾個賣家，Premi ...

請教：咁short 有幾安全(相信是與Long比較), 願聞其詳 ?
多謝。

私人傳訊

積分: 28721

2024年龍年勳章

206^#

發表於 19-5-30 18:20 |只看該作者

答莎拉公主，我們不應籠統地説 long 就一定風險低過short。因為我們千萬不要單獨去看一個交易所帶來的風險，一定要全面去配合你的投資組合一起去衡量。

在廿三課的例子，我們sell 了一個call，單睇option盤，你亦可以説是sell short 左。但這些covered call 風險並不高是因為我們持有underlying隻貨-即係匯豐。嚴格來說，我們並没有short 到。即使一個月後，滙匯豐升到$150，你只需將手頭的匯豐用$66賣俾對方便可以。最多只能說你賺少左。如果你無貨去sell call, 咁就真係short咗，風險完全唔同，因為你必須用市價$150一股嘅價錢去買匯豐然後按option嘅strike price-$66蚊賣俾你option嘅買家，無端端輸足$84。收到的premium點都唔會夠衾啲損失。

至於long / short 風險之不同，希望這樣解釋你會清楚啲：long 你輸曬就係你買入的價錢，因為最惡劣佢都係跌到零；而short一樣野，交收之前你都唔知要用乜嘢價先買得番曬你short 左嘅盤，個loss 可以令人一鋪清袋。

私人傳訊

積分: 2766

207^#

發表於 19-5-31 07:58 |只看該作者

平平無奇2 發表於 19-5-30 18:20
答莎拉公主，我們不應籠統地説 long 就一定風險低過short。因為我們千萬不要單獨去看一個交易所帶來的風險 ...

老師：多謝你無私的分享，我係認真想學野的，睇完你既答案我再上網睇左一小時關於covered call ,除左最大風險係畀人call走之外，似乎都好似冇乜點輸，咁我有批939正股喺度，請問點定價和到期日好呢？我見到有啲無咩成交。遠期和近期價高同價低多成交既集中喺某兩個價。應該點部處呢？希望老師可以指點下。我係白紙一張。多謝老師。

私人傳訊

積分: 28721

2024年龍年勳章

208^#

發表於 19-5-31 11:46 |只看該作者

再答莎拉公主。你想就手持的一批939去sell call，當然要找一個買家。通常就是你的股票經紀或者是你的banker。除非你係一個不能得失的大戶，他們願意開個call option價俾你(先要問過盤房啲trader) ，一定佢地有錢賺先會做。亦即是說一，佢想同你對賭；或者二，佢有其它客做另一邊（想buy 939 call)。如果唔係，佢哋就唔會嘥時間。你問strike price 幾多, 做幾長，一般比較比較多人做都係25 delta，一個月。一般呢啲比較liquid，喲價都會靚D。仲有你最好問多一間，格吓價，唔好俾人呃。呢啲係正常做法，超級大戶都係咁。最後要提一下，可能你做trade之前要簽一些legal document, 以保障交易雙方，都花一點時間。

私人傳訊

十五樓師奶

伯爵府

積分: 16348

209^#

發表於 19-5-31 15:06 |只看該作者

平平無奇2 發表於 19-5-31 11:46
再答莎拉公主。你想就手持的一批939去sell call，當然要找一個買家。通常就是你的股票經紀或者是你的banker ...

樓主，請問你現在mpf做緊咩plan?

私人傳訊

積分: 28721

2024年龍年勳章

210^#

發表於 19-5-31 16:09 |只看該作者

答十五樓師奶。筆者現時MPF絶大部分投資落香港基金。原因有二：一，唔想太active去轉組合，手續費不便宜；二，希望佢會買D我唔會買的股票去平衡番我整體的風險。至於整體而言，我依家股票的風險大致中性。等緊買平嘢。

私人傳訊

十五樓師奶

伯爵府

積分: 16348

211^#

發表於 19-5-31 21:44 |只看該作者

平平無奇2 發表於 19-5-31 16:09
答十五樓師奶。筆者現時MPF絶大部分投資落香港基金。原因有二：一，唔想太active去轉組合，手續費不便宜； ...

謝謝樓主無私解答

私人傳訊

積分: 2766

212^#

發表於 19-5-31 21:48 |只看該作者

平平無奇2 發表於 19-5-31 11:46
再答莎拉公主。你想就手持的一批939去sell call，當然要找一個買家。通常就是你的股票經紀或者是你的banker ...

明白，多謝。

私人傳訊

積分: 28721

2024年龍年勳章

213^#

發表於 19-6-1 17:02 |只看該作者

2019投資學堂進階班（廿四）Option戰術之二

另一個option戰術和上一堂的相反，是當你想買貨時用的。

當市場回軟，你準備入貨的時候，但又未到你目標價時，你亦可以利用option去部署。今天用3號煤氣公司做例子。除淨後股價稍回落，但是你想在17蚊先買（昨天收市價17.32)，你可以sell 一個put，strike 係17，for 一個月。無論呢個月股價表現如何，你在T+2已收到對方俾你的premium。一個月後，股價係17蚊樓上，option expired無事發生，你亦買不到貨，只不過收到多少premium。如果煤氣跌穿17蚊，你就必須以17蚊向你對家買入（反正這是你的target）。

所以當你想買貨，可以試試sell put。好處係計埋premium，你會有平啲嘅成本價。不過唔好的地方係：就好似你係市場擺order ，永遠不會知道個order最尾能否fill 到。有陣時，個option expires嘅時候（交易雙方會講清楚option係邊日幾點鐘expires）啱啱個價就係正strike price嗰度上上落落。對於trader嚟講，都唔知hedge 定唔hedge好。不過你唔洗煩，你係seller，put 唔put個權唔係你度。

私人傳訊

積分: 28721

2024年龍年勳章

214^#

發表於 19-6-3 19:12 |只看該作者

2019投資學堂進階班（廿五）

啱啱講左兩種option之戰術，細心的同學可有留意到兩者有共通之處？對了，在兩個option戰術中，我們都是seller，在第一個例子我們sell一個call，在第二個例子我們sell了一個put。

一位行家曾經說，亞洲投資者都喜歡sell options。因為要真金白銀去買option,我們都會很猶豫。其實很簡單，option的價值大致分為兩部分，一是它的intrinsic value，如果你有個option嘅strike price 係in the money（call 嘅價低過市價；put嘅則高過市價），咁個option就會較貴，因為佢有較大的intrinsic value嘛。另一部份（可能係大部份）就是option嘅time value。個option越長就越值錢。不過亦要留意，隨著時間過去，option就泥到期，剩下的time value越少，直到零為止。即是説，大市可能無郁過，但你買option嘅錢就逐漸消失了。

咁你一定以為買option一啲都唔吸引？錯了，下一堂介紹另一種戰術。

私人傳訊

積分: 2766

215^#

發表於 19-6-5 15:23 |只看該作者

平平無奇2 發表於 19-6-3 19:12
2019投資學堂進階班（廿五）

啱啱講左兩種option之戰術，細心的同學可有留意到兩者有共通之處？對了，在兩 ...

等學野。謝謝

私人傳訊

積分: 28721

2024年龍年勳章

216^#

發表於 19-6-6 10:13 |只看該作者

2019投資學堂進階班（廿六）

市場間中就會出現些黑天鵝事件，令投資者措手不及。

應對此等市況，有時候我們可考慮所謂deep of of money 嘅option。既然係deep out of money，個strike price 離現貨價相當遠，正常情況下個option只有time value，所以比較平。舉例來說，恒生指數trade緊係兩萬六，你擔心一啲負面因素，個市會大散，就去買一個月、strike係兩萬三甚至更低嘅put。絶大多數時候，呢啲strike 咁遠嘅option只會逐漸無曬啲time value, 一個月後一個仙都唔值。但如果黑天鵝出現，個市急挫幾千點，你個put就可能好值錢了。

不過，呢啲好似lottery ticket 嘅options，一定要拿捏得準個入市時機，咁先可以hedge 到你嘅portfolio。不然你買幾多次都可能全軍盡墨，渣都無剩，同買六合彩一樣。

私人傳訊