懷孕前後

收藏本版
發帖
返回列表
跳至頁

首頁
1

尾頁
   0
abbielau


大宅

積分: 1659


1#
發表於 09-4-23 00:43 |只看該作者
你地有無人有左bb之後, 有食緊中藥調理/安胎呢?? 可否分享下?


其實我睇完中醫, 但我唔知飲唔飲好?
本人有個9cmX5cm既水瘤生係卵巢到, 醫師話係因為我好濕. 西醫又幫唔到我. 我怕飲完會影響個B,
想知你地有左bb仲會唔會飲中藥???
私人傳訊

cc881


別墅

積分: 654


2#
發表於 09-4-23 00:51 |只看該作者
其實最緊要睇下您信唔信得過那位中醫，我有左時約5 , 6個月時開始有睇中醫，我係睇惠X堂，貴D但有信心D，因為D中藥唔會比次貨，而且醫師係註冊中醫，仲係廣州中醫大學畢業，而且每次用藥都真係會視乎當時我的體質，唔似得D屋村的表列中醫求其，每次都用同一樣的藥...由於係有左 BB 所以，我貴 D 都會比，每次連診金都超過 100 有時仲 200 幾，睇下用 D 咩藥，不過當時佢話我體虛，叫我食東蟲夏草，後來我先知原來好好的，不但只增強我自己的體質及免疫力，對 BB 都好好，我 BB 2月出左世，中碼 BB 好健康

原帖由 abbielau 於 09-4-23 00:43 發表
你地有無人有左bb之後, 有食緊中藥調理/安胎呢?? 可否分享下?


其實我睇完中醫, 但我唔知飲唔飲好?
本人有個9cmX5cm既水瘤生係卵巢到, 醫師話係因為我好濕. 西醫又幫唔到我. 我怕飲完會影響個B,
想知你地有左bb仲 ...
私人傳訊

mingw89


大宅

積分: 2556

陪月勳章


3#
發表於 09-4-23 05:48 |只看該作者
你找一個信得過中醫，自己至可以食佢Ｄ藥
私人傳訊

pigpig


琥珀宮

積分: 152003

秋日勳章 炎夏勳章 遊學勳章 春季勳章 趣教勳章 冬日勳章 畀面勳章 環保接龍勳章 大廚勳章 親子達人勳章 wyeth冷知識勳章 叻叻勳章 有「營」勳章


4#
發表於 09-4-23 08:29 |只看該作者
無錯，只要搵一個可靠既中醫，飲安胎藥無問題呀！
我上星期無晒胃口，不停反胃，跟住飲左2劑安胎止嘔藥，情況好左好多，可以食到野，而且無再反胃呀.....
我好同意樓上既媽咪所講，好既中醫會按你既體質開唔同既藥，唔會次次都一樣，我以前調理身體時，D藥好難飲 但依家既安胎藥就係酸酸地，好似入口，用藥完全唔同，中醫話，依家有左BB，如果再飲苦藥，未飲已經嘔啦！所以，佢話安胎藥係好易入口ga

[ 本帖最後由 pigpig 於 09-4-23 08:31 編輯 ]

私人傳訊

py84ko


子爵府

積分: 11462

好媽媽勳章 畀面勳章 hashtag影視迷勳章


5#
發表於 09-4-23 09:34 |只看該作者
我未有 BB 之前幾個月開始睇中醫, 目的只想調理身體,後來發現有咗兩個月, 都 keep 住睇到有咗五個月, 其間都冇作嘔作悶唔舒服, 後來又聽阿媽講有 BB 唔好飲咁多補藥, 因為佢睇報紙話有個女人懷孕期間飲太多中藥搞到生咗過13磅嘅巨嬰.

嚇倒我即刻停咗唔睇中醫, 停了一個半月中藥, 跟住就"懶"嘢. 所有妊娠初期徵兆都出哂嚟, 包括肚痛, 作嘔作悶, 失眠, 又冇哂胃口, 感冒......等. 持續一個月我頂唔住, 成半個月請病假返唔到工.

後來同我老公商量之後, 再睇番中醫, 中醫話我氣虛血弱, 所以容易病, 佢幫我清咗我 d 感冒兩星期, 之後再調理. 加上我去照超聲波, 醫生話我 BB 係中 size BB, 又唔太大又唔太細, 我先至繼續睇中醫到而家已經约兩個月喇!

現在我31週了, 我已經再無以上唔舒服嘅情况發生, 冇便秘, 又瞓得.....

所以我個人認為要揾一個好嘅中醫要夾到你. 亦好同意樓上既媽咪所講，好既中醫會按你既體質開唔同既藥，唔會次次都一樣.
私人傳訊

SunriseSunset


複式洋房

積分: 242


6#
發表於 09-4-23 10:08 |只看該作者
我體質虛弱又貧血,所以我有咗前後都有飲開中藥,個位醫師都係信得過的,因為係醫院裏的醫師。託賴到現在10wk,妊娠症狀尚算輕微。所以我認為中醫是有用的。不過d安胎藥有阿膠,係好有益但我就越來越頂唔順隻味,諗起都想反胃,下次要反影下,希望有代替品啦!
至於補,懷孕初期真係唔駛,但係中醫師應該係唔會開補藥,只會安胎。所以找位信得過的醫師真的很重要。
私人傳訊

pandaphia


複式洋房

積分: 247


7#
發表於 09-4-23 10:10 |只看該作者
我太太有左3個幾月, 由第2個月開始已經晚晚作嘔, 早排開始同佢睇余x生, 第一次開左三日藥, 第二次開七日, 都係D止嘔安胎藥, 飲完好好多, 診金+藥又唔貴(第一次$3xx, 第二次$7xx), 其實睇中醫最緊要係藥材質數, 搵間老字號會安心D, 起碼對佢藥材sourcing有信心, 你知la, 大陸好多野你諗唔到嘅都有番版/假貨, 平時好人好姐食錯D假髮菜, 假雞蛋都唔好la, 何況孕婦呢!!!
私人傳訊

ChowChowbb


複式洋房

積分: 303


8#
發表於 09-4-23 15:04 |只看該作者
我係大學員工, 所以都有睇大學o既中醫師, 我而家有血糖高o既問題, 中醫唔建議我食藥, 盡量從飲食方面著手, 佢覺得冇必要都唔好食藥.

另外, 我之前去過一個中醫o既talk, 我問過佢關於頭痛o既問題, 個醫師叫我煲紅棗龍眼肉的補氣血湯水, 當水飲, 佢話血氣好就樣樣都會有改善, 不過我怕紅棗龍眼肉的糖份, 唔敢飲.

我都有睇過廣華醫院o既中醫, 朋友介紹的, 我二月開始睇佢, 不過未真正調理身體就有左, 所以之後就係安胎藥 (不過我而家冇必要都唔再食藥喇). 我老公都同我一齊睇佢, 睇得幾好, 原本我老公血壓高同工作壓力大而成日頭痛, 睇左三次就冇再痛喇.

不過都係o個句, 睇你信唔信佢啦.
私人傳訊


首頁
1

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見