懷孕前後今日: 21|主題: 329781

收藏本版

發帖

返回列表

跳至頁

查看: 28665 | 回覆: 7

小心請陪月, 唔好好似我咁請左個老佛爺 [複製鏈接]

gcyn

大宅

積分: 1124

1^#

發表於 21-2-22 16:16 |只看該作者 |倒序瀏覽 |打印

請陪月真係要小心, 朋友介紹都要睇清楚. 我產前完全冇濕疹問題, 但佢日日整冬菇(好濕好毒), 同佢講極佢都唔聽, 我當時又唔識, 結果, 宜家過左成年幾, 我啲濕疹都唔斷.

(長文) 我之前post過, 但唔知點解比人delete左. 以下係佢其他問題.
產後體虛血弱，好多媽咪都想請個陪月幫下自己，但係我就唔好彩畀錢請著個老佛爺。希望各準媽媽請陪月前要小心。鄭芬X Josephxxx (9087xxxx)

1. 推卸責任
清洗bb衫奶樽: 全部我姐姐去做

煲米茶: 又係姐姐煲，就連我開口叫佢去炒定D米，佢都推三推四，最終咪又係我地教姐姐去炒。

煲薑水沖涼: 冇錯又係姐姐做呀，第三日我直接同佢講話叫佢預備，佢先好怪我呢幾日冇話要沖涼，但其實佢一嚟第一日，我已經同佢講話我日日都要沖。好在每一日姐姐都幫我預備。

買餸: 可能見我會chk單，唔可以打太多斧頭，夠膽死同我講不如叫婆婆去幫佢買晒所有餸，藉口佢知道附近邊度買啲嘢靚喎，其實咪又係佢自己懶。有一次媽媽陪我同BB去檢查遲左，想佢落樓下買隻雞，明明係cam見佢坐左係度玩左成朝電話，都推三推四，又話夠餸，又話等我返黎先買，好似佢係老細要聽佢指揮咁，其實咪又係想偷懶，買完返仲要比說話我聽，我心諗，買餸時係工作時間，原來阻住你工作時間玩電話係我錯。

坐月餐單: 要我自己諗食咩，我只好自己上網search。

幫產婦補身：in時就話到自己咩都識，會睇返個產婦體質幫佢調理。真正上班時就話補身呢Ｄ你自己揾返中醫啦。

照顧BB: 一整日都唔會主動睇下呀B有咩需要，要產婦休息中都要"教"定鬧鐘起身，提佢餵奶換片，已經有一個表寫低晒BB幾時食過奶換過片，亦從來冇睇過。

幫BB沖涼：持住成日話自己要保護腰骨，所有粗重野都叫姐姐／我老公去做都算，但我叫佢教姐姐點幫BB沖涼，佢就一直推，當然啦，佢妄想我地加時間（我請佢一個月）

餵奶: 一黎要求我換晒佢指定既奶樽，因為佢話個隻奶樽防風喎，但我知道呢隻奶樽會自己滴奶, 唔駛等呀B啜，咁佢就可以好快餵完加唔駛掃風。我堅持唔換，佢就成日話呀B食奶食得慢，但其實呀B通常15分鐘內一定食晒支奶，相反，佢自己一個大人食個飯都冇咁快啦。

2. 固執, 堅持就自己而唔理產婦同BB健康
餵奶佢慣左一路發Ｄ"得得"聲，又不停搖奶樽崔呀Ｂ食，我好聲好氣提出唔好咁，會整壞呀B食奶習慣，佢笑笑口認左衰話以後唔會之後，點知我睇返cam轉頭趁我地唔覺，又係咁。即係明知有問題都要堅持咁做。

佢差不多每一日都會用冬菇, 但產婦成日食會太濕，咁我當然好聲好氣同佢講話可唔可避免唔好用咁多:
第一次講: 答話好，可以用其他野代替。
隔左兩日都見日日用，再講: 答好，冇問題，但話今日浸左，食埋今日。(黑面)
隔左兩日仲見, 再講: 好，之後唔整囉。(黑面) 今日整左你自己挑返出黎唔好食囉。(但佢係切絲焗飯，點挑呀，即係我又要食多餐)
之後到婆婆同老公都講左幾次之後，先終於冇用，以為已經告一段落，點知佢就開始唔識煮餸咁，一係整黎整去都係個樣，一係要你比菜單佢，仲隔幾日就有意冇意比說話你聽。

3. 唔適合做陪月
我估計佢係有潔癖，佢可以兩日用我一卷廚房紙，大部份係比佢用黎抺手。咁你會問乾淨D對BB唔係好咩，但...最大問題係佢只係要佢自己雙手乾淨，唔係對BB乾淨，見佢幫BB抺patpat，你會見到佢好怕掂到咁，更加可以因為清潔綿唔夠大, 容易整污糟佢對手而對產婦發脾氣，原來我比錢請佢幫唔到我，仲要受佢氣。

4. 唔識扮識
佢好識用一個好專業既口吻去講解佢所謂既"知識"，interview時就係比佢呢D"知識"騙了請左佢，但一上班就現形，所謂既"知識"其實只係佢自己吹水老作。
講到自己係母乳專家，一定可以幫媽媽上奶，但係竟然連奶泵都唔識用，又用錯晒方法上奶，就賴你本身冇奶，但我之後唔理佢，自己跟上網資料試，一試就又比我上到奶，但可惜已經錯過晒了上奶黃金時間.
起了硬塊，可以好驚訝咁同我講佢從未見過，第二日又同我講可能塞淋巴，要做機打散佢。唔識既話真係會比佢嚇死。最後要個產婦自己上網了解係咩一回事話返比佢知，佢可以又厚顏到過兩日又用一個專家口吻講解返同一段說話比你知，仲自我感覺良好。

總括來說, 佢未必係一個黑心陪月, 但佢唔會幫到你, 仲要你比錢請佢返黎供奉.