fasola 發表於 21-6-19 00:43
睇過有啲報導講, SEN 小朋友將來係罪犯機會係多過其他人好多倍.
以前啲人唔識咁多, 連學校都放棄佢地.
SEN小朋友將來係罪犯機會係多過其他人好多倍>>有機會,不過就算普通小朋友唔正確引導佢地成長,不斷灌輸錯誤思想及行為模式的話,任何人都會成為罪犯,只不過SEN小朋友思想一般單純,冇普通人咁複雜,佢地認定某一個思想就會一直相信,除非有人可以指出問題同佢地解釋到明白,所以要多觀察同了解佢地嘅想法,大大吓會受到同輩及外來資訊影響,更要小心佢地誤信錯誤觀點,個人覺得教育普通同SEN喺呢個點上係冇分別。
我本身兩個小朋友,一個係SEN,一個唔係,各有各思想,各有各難教,慶幸佢地互相陪伴互相理解,俾到唔同視野佢地去睇呢個世界,但我知唔係所有有兄弟姊妹嘅SEN小朋友同家人相處融洽,我見有兄妹水火不容,最終父母要租開地方俾其中一個住,兩兄妹十年冇講過一句說話。
花旗太太生活在花旗國,留意時差,你問我未必即時答到。