臨近新年大家都想趁過年前整頭
今次真係唔方唔俾佢整死個頭
直接開名 ig: Rosie_hairsalon
地址:尖沙咀諾士佛臺4-5號東港商業中心1樓102室
一去到都見到好多人整緊頭,都覺得make sense大家都趕新年前整,再加上哩間野話佢新店開張做promote。
我揀嘅係電曲+染剪 $900 (佢話新年前減$50多L謝晒)
坐低冇耐個髮型師就同我傾我想點整,我俾左張佢地ig嘅reference圖俾佢話我想電攣髮
,咁佢睇完我個頭話我之前有做過highlight,唔係好建議我成頭電,佢俾我睇我啲hightlight長度,我目測5-6cm左右,於是佢反建議我改做梨花,即只做髮尾攣,同埋有同我講我hightlight過嘅地方會傷啲,最好加個treatment,咁個treatment要加多$600,即total $900 + $600 - $50= $1450,我個心都覺得加左貴,但自知自己個頭真係傷所以答應左。
首先,我一瞓低洗頭,佢地話今日冇熱水,因為太多客人煲唔切熱水,我個心已經涼左涼,大L鑊,冬天喎,剪咗咁多年頭髮未聽過一間髮型屋會冇熱水洗頭。
成件事我由中午12點整到下午4點,吹完頭我摸自己個髮尾,我仲好天真認為應該係未整好,因為當時我摸個髮尾係用手指都叉唔開啲頭髮,係每一條都曲晒,係成個髮尾燶左,啲頭髮完全死左咁,好似人哋睇卡通片一個炸彈炸左落你個頭度咁。
我問個髮型師,係咪係咁㗎?我啲頭髮好似燶咗。佢話係呀,係咁嫁,我聽到後成個人驚到震晒,因為嗰度都有6-8cm,佢不斷話係呀係咁㗎同你講咗㗎啦,話做highlight嘅嗰個部份係會咁樣,但我真係冇expect會咁,因為講真,客人一般都係信任你先會交個頭俾你,亦都有遇到一啲真係有良心嘅,睇到你個頭唔應該做嗰樣嘢,佢會真係建議你唔好做養返好個頭髮先做,而且我完全唔係唔聽你意見一意孤行要做嘅嗰啲,如果你話俾我知我最終效果會係咁,我係會唔做。但佢比我感覺覺得你嚟得呢啲地方唔係乜高級地方,仲要講話你當今日嚟做咗個免費剪髮同Treatment,我唔收你錢,我聽到呢句真係着咗,我話依家唔係我唔想俾錢你賺,如果我貪平就唔會當初加個$600 total成千幾蚊去整個頭。唔係人哋睇唔起你個地方,係你自己標籤咗你自己。
最終我唯有將電燶咗嘅地方剪咗佢,我都好慶幸自己當初冇答應成頭電,同埋因為我今次係隔咗半年先去剪頭髮個頭真係好長先可以夠俾佢咁樣玩法。仲要因為佢冇熱水要拿拿聲洗頭,我見我自己頭皮仲kick住啲染髮膏根本未洗得乾淨,正常都知染完嗰晚其實唔可以洗頭住,但我都冇辦法唔洗。
上網睇返呢間嘢之前都係黑店名單,唔確定佢係咪改咗名,但其實係同一班人。
希望大家睇完我嘅分享小心啲,真係千祈唔好去呢一間。,千幾蚊有好多選擇。