懷孕前後今日: 17|主題: 329759

收藏本版

回覆發帖

返回列表

跳至頁

查看: 7941 | 回覆: 2

產後吸宮分享 [複製鏈接]

Yin807

大宅

積分: 3950

1^#

發表於 24-3-24 21:37 |只看該作者 |倒序瀏覽 |打印

本帖最後由 Yin807 於 24-3-24 21:40 編輯

以為苦盡甘來，最後命運又選中我

2月頭生完bb, 惡露過左6星期都keep 住鮮紅
去私家照完有2cm 組織痴住，都係建議我去吸宮
因為自己知自己事，相信食藥對我黎講係無用，手術係最好既方法。

今次係我既第三次做半身麻醉，21年小產食左兩次藥加埋中藥剩左1cm 組織排唔清要吸宮，22年胎停胎盤出唔到要入手術室做手術挖番出黎，今年生b先知果時原來係植入性胎盤。

今次生果時話胎盤出晒以為無事，但結果都係痴得好實，我唔知係體質問題定係我每次都有中西藥安胎痴得特別實。拎左轉介信政府本身bk 到個期係三日後見醫生。不過趕住湊b, 第二日去左急症，個零鐘已經比我上病房。

本身有問醫生吸宮會唔會吸唔清，因為真係驚自己咁黑仔，見手術風險果欄有吸宮不全。原來吸宮佢係有支管道，都係吸附近範圍, 準成度係冇咁高.

後尾見左個顧問醫生，佢話我case 特殊，近呢一兩年多左個宮腔鏡手術，可以放個鏡頭入去睇住黎吸，可以比我做，果下都安心d.

中午入院吊住鹽水禁食禁水，準備手術前打左支抗生素，因為呢個星期有試過發燒。今次都係㨂番半身麻醉，其實吸宮唔痛，反而麻醉針打得好唔好先係關建。記得頭一年果支針，我蚊開紗布d 血有一蚊銀咁大，術後係坐同訓都好明顯勁痛，條腰果年仲要無乜力。

經歷過催生探宮同穿唔到水既經歷，今次手術已經無乜感覺，過程大約半個鐘，過左麻醉無肚痛傷口痛，可以正常走動。血量除左第一兩條巾比較多，之後暫時都無再有野流出黎麻醉針口都無乜野，隔日晚已經可以出院。生b之路真係唔容易，不過灰心過後都係要積極面對，大家都要加油