係換工人還是自己湊? 工人走之前自己放長假陪住兩個小朋友, 等佢地適應由媽咪或者將來新工人湊! 仲有, 慎防工人畀左d負面情緒小朋友, 例如: 姐姐走左你會唔會掛住我? 你要乖喇, 新姐姐唔會好似我咁就你架!
我朋友個工人用左8年, 大女出世一直用, 細女工人走果年都5歲幾, 諗住細女升小學唔用工人, 由婆婆照顧, 兩姐妹為左個工人走, 情緒都幾唔好, 佢個工人係真係唔捨得兩個小朋友, 所以不自覺成日問佢地會唔會掛住佢, 大個會唔會唔記得左佢, 又叫佢地去探佢, 又叫佢地去旅行, 同佢地去買手信返鄉下又講下果邊d野, 最後我朋友索性放長假陪住兩個小朋友(佢係舊制公務員, 放左個幾月假), 實有唔開心, 不過陪佢地去玩去癲, 開始返學又無乜事!
講野唔好笑又唔識講爛gag
上forum只為吹水唔好同我認真