第一:你要叫先生問清楚保險有冇得保埋你同BB,產檢唔少錢,仲未計醫院費用,到時要用麻醉師同開刀又另計,有D公司冇包,要自己另買。
第二:你先生申請緊綠卡,即係未有,冇得申請你過嚟,你會點過美國?如果你申請旅遊嚟到,之後過期居留的話,到真正入紙申請會有麻煩,隨時唔批即時要走。
第三:喺美國你有冇人照顧?冇的話你要計劃點坐月點照顧BB,初生BB好多檢查,出院第2日第7日兩星期一個月兩個月三個月。。。都要見醫生,你自己過到嚟冇身份証冇車牌點搞?下下要老公請假同你去?唔係個個城市公共交通都方便。
當然父母都想見到BB出世,又想日日睇住BB大,但好多配套要考慮清楚至好。
花旗太太生活在花旗國,留意時差,你問我未必即時答到。