| |||||||||||
大台翻播神劇《大時代》引起全城熱話，唔止劉松仁、鄭少秋、藍潔瑛等人被讚演技出色，丁蟹四子更成為焦點，包括演「丁孝蟹」邵仲衡、「丁益蟹」陶大宇、「丁旺蟹」吳啟明、「丁利蟹」郭政鴻，當中以「丁孝蟹」邵仲衡同李麗珍嘅感情線最為感人，「四蟹」當中亦以「丁孝蟹」邵仲衡最搶鏡。
今日有周刊指，當年得28歲嘅邵仲衡係大台力棒小生之一，95年約滿大台，忽然投身越野賽車界搵銀，去過東南亞拍劇，上年先突然喺本土電影《點對點》客串演出，生意更交由拍檔打理，有意回歸幕前，即被翻舊情史，傳佢同郭藹明拍過拖，又真係好少人知。
今日有報遁指，當年邵仲衡同郭藹明拍過拖，疑因為有人撬牆腳，先搞散咗佢哋，唔怪之得雖然話係由「慳妹」周慧敏撮合劉青雲同郭藹明，佢哋喺拍完《大時代》翌年先走埋一齊，上個禮拜周刊曾問過邵仲衡，佢就未有公開女友姓名，只係話當時佢有一個女朋友，被某君追緊，有人更成日喺佢女朋友屋企樓下等，佢女朋友都有同佢講呢件事，當時佢同某君開工，某君仲對佢「鞋口鞋面」，又指對方講嘢衰衰格格，不過就冇講嗰個人係唔係青雲，亦未有講女方係唔係郭藹明?
邵仲衡當年個樣都算係英俊小生，除咗疑同郭藹明疑拍過拖，仲同女神級嘅李麗珍、邱淑貞傳過緋聞，不過邵仲衡直言佢同李麗珍冇發展過，只係合作上嘅拍檔，至於同邱淑貞嘅緋聞，佢就唔願多講，只透露自己當年係被人飛，邵仲衡仲話自己95年離開咗「公仔箱」，覺得自己雖然冇過億身家，但佢開嘅店舖都好多識，目前係想做演員，亦唔介意被人話佢講嘢好直，因為佢唔會為咗有演出機會而造「假」。 
 「慳妹」周慧敏撮合劉青雲同郭藹明。 |  邵仲衡直言佢同李麗珍冇發展過。 |  劉青雲同郭藹明結婚多年都係咁恩愛。 |
發表於 
返回列表
