本帖最後由 rose-mag 於 15-12-5 10:46 編輯
kicks_collector 發表於 15-12-5 00:03
本人有5歳兒子, AUTISM AND SPEECH DELAY ,一月過 SAN FRANC 插班 KINDERGARTEN , 但 SCHOOL PLACEMENT CEN ...
SFUSD 校區係唔會安排到任何support,你要到埗後開學第一樣就捉住老師同校長講,要求做評估,佢地有form俾你填,係一份好長好多問題嘅form,如果有特殊老師駐校的話,好多時係會由該個老師倍你填,因為都好多嘢問,我填過無數同類forms,學校當時有班主任同specialist一邊解釋一邊幫我填,老師順便了解埋小朋友喺屋企情況,我建議你影印一份你手頭上嘅評估資料做attachment,香港做嘅評估報告校區唔會作準,但會參考,我自己小朋友果份係三藩市呢邊兒童醫院做,有成十幾廿頁紙,係標準自閉症評估格式,包括語言、感統等共5個範疇。
正如lottieclee所講,校區收到申請,30內要回覆,60日內完成評估,你1月插班,即刻同校長及班主任講要申請,唔好等,係要經學校申請至得,placement center係做唔到D咩,不過佢應該可以講俾你聽應該點做。
你有心理準備SFUSD可以提供嘅係有限,除非係好嚴重需要去讀特殊班,否則係會讀普通general education class再加一對一時間,語言同學習遲緩係普遍有support,由校區提供導師去學校安排時間做指導,時間可以係每日45分鐘到一星期一次不等,睇學生需要,每年都有一次叫IEP嘅會議,包括家長、當年班主任、校長、specialist(s),一齊去訂立學生學習目標,第二年作檢討同調整,家長同意後就著手安排實行,每三年作一次大檢討IEP,睇下小朋友仲有冇需要繼續接受support,如評估後覺得小朋友已唔符合資格的話會close IEP file 。
如有需要的話,呢個IEP 係會一直跟住小朋友由小學上中學上高中,如小朋友符合資格,校區係要一直提供support,只不過SFUSD資源有限,而家效定係嚴重個案就去特定學校嘅day school,即全班都係特殊需要兒童,就係你話果種,但真係唔係個個入讀得,入唔到其實係好事嚟,即係程度唔嚴重。幾年前開始,所有學校有需要學生都會由校區安排導師去學校提供指導,但唔係間間學校都有全職導師日日駐校,有D係幾間學校share一個。另外,如有感統問題的話,校區係冇support,只能你自己睇下保險包唔包。
你或先生有工作嗎?睇清楚醫療保險會唔會包括自閉support services,有的話去要求兒科醫生轉介做評估,然後睇下保險包咩嘅therapy,三藩市最好最出名又最搶手就係CPMC旗下屬下嘅Kalmanovitz Child Development Center,有語言治療、統感、心理治療、行為治療等,如果要自掏腰包係二三百蚊一堂,有保險包就最好,唔係都幾重皮,我個人覺得佢提供嘅social group好有用,但要排隊輪候同試堂合格至收,最多可以上兩年,之後就要讓番個位出嚟再排過隊。
我住三藩市,仔女讀呢度公校,我仔係自閉譜系,有社交問題(主要因為語言表達唔好)同統感問題,你有問題可以隨時PM我,我略知一二,唔知嘅都可以幫你問我仔嘅導師。
花旗太太生活在花旗國,留意時差,你問我未必即時答到。