自由講場今日: 201|主題: 1304153

收藏本版

發帖

返回列表

跳至頁

查看: 2992 | 回覆: 25

訓唔著開個post 先--今日有幸遇到皇后 [複製鏈接]

LedTV

瑪瑙宮

積分: 145765

虎到金來勳章好媽媽勳章醒目開學勳章畀面勳章環保接龍勳章

1^#

發表於 16-8-7 05:15 |只看該作者 |倒序瀏覽 |打印

今晚遇到個極品皇后

真係印象深刻

係青衣城玩game,半小時一節到啦

我地入晒場，皇后就係入口另一面大叫問呢節開始左幾耐。

因為工作人員坐入口根本聽唔到，皇后就不停繼續大大聲叫喊....入口d姐姐終於聽到佢d煩音，專登行過去答左佢。

人人想知下節幾點都會行去入口問，係呢個皇后又要玩又要人服侍，路程都唔駛30秒。

不幸既事就發生啦，因為我地啱啱開始，所以個女人就帶埋佢2個小學公主入場。

場內除左一個似初小女仔外，其餘都係1-4歲小朋友。

大家都好乖架，各有各玩。

呢2個大公主同佢個皇后阿媽一入黎，就衝入去執晒地下所有大lego走，圖中8個格個款，全場係晒地下個d都已經比個皇后同公主拎晒，個公主仲唔比其他人掂，要獨霸。個皇后不停全場咁衝同「抄」，睇下有無漏網之魚。

搵到無得搵，皇后開始打我同初小女仔主意，我地個d已經由上一節d小朋友砌好既Lego,
佢一行埋黎問我可唔可以拎咁我都ok la..人地問我都算唔想第一嘢就拒絕人。我女自在疊下，仲之有窿比佢cup到佢都ok...

所以佢出手拆2舊，之後佢就我隔離個初小女仔。你大人大姐開到口，小朋友都唔會一口拒絕佢。又比佢拆2舊。

我就遠望佢個座嘢，入邊已經起到夠佢個女訓咁大。全場8格大lego已經比佢收晒。

其他Bb 已經只可以單格咁砌高。

個皇后仲唔收手，再行埋黎打我地主意，我地都無大Lego,已經用平面大塊疊高就算，點知佢又出手拆，跟住我望一望佢，佢一句話「唔拆得吖？」我就簡單回應佢「玩緊」

佢即刻再去打初小女仔主意，好彩個爸爸係外欄陪住個女，亦有眼見到佢地3個所為，爸爸今次好有禮貌出聲啦，大家個小朋友都玩緊，你拆晒人地個d，咁其他人玩咩？你地已經拎晒啦，你地就砌緊城堡，我地都無得砌，仲黎拆。

皇后話頭先問左佢個女話比㗎....個爸就話，你叫小朋友比錢你佢都比晒，你係大人，佢都唔敢拒絕你啦。

我初初都比,但我都無諗過你咁唔識做...

我地已經唔係好多，全場9成大lego已經係你地到，其他細小朋友只可以玩細格個d...同單邊斜斜地做屋頂個d...你仲埋黎拆人地？

其實佢都係香港人，點解咁教女？

個爸爸就同我係到繼續細細聲話下佢...

其實比你拆多幾舊，你2個公主都唔會滿足，因為地你手上已經有百幾舊，多個幾舊有乜意思？只係你地目標要掃晒全場砌得既Lego..

其實呢幾年同個女出去玩，接觸到d家長都好鬼禮讓，呢個係我第一次遇到既自私家長。

寫完，訓得著啦....訓先