開新AC 免得被同事認出
話說年幾前認識一個同住一座的隣居
佢有個仔,老公平日大陸工幹,星期六日回港
初初以為佢好NICE,可以做值得交心的朋友
但識耐咗發現佢係唔可以俾人好過佢的人
都算成日 FB SHOW OFF 的人
但我都認為佢基本上都係一個好人
只係喜歡比較啫,或者八封D,無傷害人
不過為免比較,所以少講自己的事
也開始生疏了
幾個月前佢 ADD 左老公的 FB,初初無察覺什麼
近呢幾個月,老公FB POST 嘢就秒回秒 LIKE
仲有少少撒嬌語氣
例如:老公POST靚裝修的 CAFE 和地方
佢就會話,「好靚啊」,「希望可以去嗰度」
「有嘢可以搵我幫手啊」.....等等
連朋友的老公都話有留意個女人
秒LIKE秒回的行為,覺得有D嘢
仲有佢上班時侯會成日撞到我老公
有陣時見到我個女又會問
我屋企係咪買咗D XXXX,又問我地去咗邊,
仲成日問我的家事,鎖碎事等
我感到有少少煩,有「關你什麼事」呢的感覺
其實佢可以WHATSAPP直接問我,佢完全無
老公話,可能佢想搵話題啫
我因此嬲過我老公,但佢話做咩我對自己咁無信心
又話同佢肯定無可能,不要亂諗......等等
現在我同個女人只 SAY Hi SAY BYE
其實真係我亂諗定真係個女的有問題
講真,自己即使和朋友的老公再熟都不會這樣
覺得有點嬲,係因為成日同人交個心出來做朋友
到最後原來人地另有企圖
想問JM們你地有咩睇法??係咪我呷醋,諗多咗?