2012年媽媽會今日: 0|主題: 24639

收藏本版

回覆發帖

返回列表

跳至頁

查看: 493 | 回覆: 3

是我太保守還是她早熟 [複製鏈接]

ks2媽

民房

積分: 17

1^#

發表於 24-5-14 09:11 |只看該作者 |倒序瀏覽 |打印

本帖最後由 ks2媽於 24-5-14 09:12 編輯

我個女由細到大都好獨立，又乖，讀書都中上，上年發現佢成日同人信息，當我睇佢電話時，發現佢打機識咗個男人，發展一段所謂嘅網戀，如果正正常常互相鼓勵對方努力讀書，我唔抗拒嘅，畢竟我見到對方嘅相，校服，生活環境，對話應該喺台灣生活，反正都唔會見到面，但愈睇佢地信息愈唔對路，我發現我個女有影裸照俾對方，嗰一刻我真係好心痛，點解唔潔身自愛，最後同個女慢慢傾，傾到大家都喊哂，最終佢封鎖咗對方，我亦要求對方刪除相片，否則報警處理，再叫對方影底身份證明文件俾我，如果相片流出，我就報警，對方有道歉並承諾會刪除相片，仲要求想繼續同我個女做朋友，但我女覺得丟臉所以拒絕了，以為咁樣個女就會吸取教訓，咁一直都相安無事，亦無異樣，仲好開心入到心儀中學添，但早排發現個女成日覆信息，有時喊有時笑有時匿喺廁所半個鐘，老母嘅直覺係好準，當我再睇佢電話時，佢又同一個打機識嘅人網戀，應該戀咗唔夠三十日，我睇唔到有裸照，但就一堆色情對話，露骨到連我都講唔出口嘅說話，今次我直接同對方說話，對方一句都無回應，我個女仲未發現我知道，我應該點處理？我係咪要搵心理醫生或社工同佢傾下呢？