婆媳關係今日: 11|主題: 27701

收藏本版

發帖

返回列表

跳至頁

查看: 3577 | 回覆: 37

我的汕尾99之咩事要甘講野呀大家都係自己孫(52) [複製鏈接]

joechan1999

男爵府

積分: 7839

1^#

發表於 13-7-29 09:04 |只看該作者 |倒序瀏覽 |打印

大家好, 好耐冇見, 因為轉工問題. 又搞左一大輪, 而家先叫好返D. 見得閒D, 今日同大家分享一件發生左冇耐既事.

其實呢件事呢我不在場, 因為我地都好耐都冇返99度. 對上一次都係父親節同佢2老係樓下飲茶. 其實呢件事係甘既. C6個堂細佬係早2個星期生左BB, 到左12朝呢99同無賴哥, 自找嫂一家去左堂嬸屋企睇BB同食薑甘啦. 係食薑期間, 堂嬸就問左99我個仔個名搵邊個師父改. 因為佢都想幫個孫仔搵個師父改名. 呀99好大反應話: 我唔知喎, 佢個家D野我唔知喎! 甘堂嬸見到甘就唔出聲啦.

到食完薑, 9962同無賴哥一家返左99屋企食飯, 坐上低B叔仔同佢女朋友都係度. 係佢地食飯期間, 99就將堂嬸問改名呢件事拎返出黎講, 99話:呀堂嬸問我４磅仔個名係邊度改，　我條氣都順Ｄ丫。　　問我佢個仔喎，　我鬼知呀。　９９仲話：我叫左佢（佢＝我）唔好出聲，　唔係俾人讚２句又鬆毛鬆翼呀。　　

點解我會知，　因為自找嫂問返我，　係唔係９９打俾我剷我。　　我收到電話都一頭霧水。　自找嫂就講返成件事俾我聽。　　我梗係慶啦，　一來我個仔出世到改名，　９９都冇出聲要搵人改名，　再者個女都係自己改，　甘你唔出聲，　即係我地自己搞掂啦。　　而家又話咩都唔知。　　二黎，　咩叫條氣順Ｄ先。　　唔抵得我個仔被人欣賞，　自己最錫個孫呀４磅仔冇人理呢。　　２個都係自己孫，　咩事好似而家深仇大恨甘。　　　三黎咩叫我唔好出聲，　９９根本冇打俾我講呢件事，　唔好老屈我。　　再者咩叫鬆毛鬆翼。　　我個仔俾人讚梗係開心啦。　唔通話人地好讚我個仔。　呢Ｄ係禮貌，　唔似佢甘唔上得大台。　　

人地呀堂嬸都唔知我地屋企咩事。問佢２句就甘樣，　仲話做人大嫂，　真係失禮６２，　話晒６２屋企係條村都有頭有面。　９９呢Ｄ甘既人做埋Ｄ甘既野。　真係笑死人。　　不過到而家我都冇咩反應，　因為都冇返過去食飯同見面。　　我同Ｃ６講返呢條事。　Ｃ６話９９即係唔抵得。　口講唔ＣＡＲＥ，　內心好介意，　所以我地要開心先岩。　點解，　因為佢心有我地，　先事事甘上心。　人地講下９９又即刻嬲到甘。　即係９９覺得我地好過無賴哥先會有甘大反應。　所以要開心先岩。　嬲就得９９一個人嬲囉，　呢Ｄ野都係佢自己搞出黎。　自己仔都搞到不和，　而家連孫都想搞到唔岩。　ｃ６話睇下佢老時邊個理佢。　聽到ｃ６甘講，　真係覺得佢ｅｑ好高。　我自問真係比不上ｃ６。

如果大家有興趣聽下故仔，　不妨留個言支持一下丫。　　ｔｈａｎｋｓ