美容扮靚今日: 88|主題: 136645

收藏本版

發帖

返回列表

跳至頁

查看: 4397 | 回覆: 7

慎防霧眉黑店 - 尖沙咀 semx.p.tattxx [複製鏈接]

SliverAshley001

洋房

積分: 52

1^#

發表於 21-1-10 17:29 |只看該作者 |倒序瀏覽 |打印

本帖最後由 SliverAshley001 於 21-1-11 08:43 編輯

自己系結婚籌備都幫襯過唔少小店，從來未試過有甘差既服務體驗，大家如果要整眉，千祈唔好幫襯呢間黑店 Semx.p.tattxx！！！

事緣舊年10月約左呢間店霧眉，佢既整眉系整一次再包免費補眉一次。當時上到去佢間鋪已經心知不妙，因為衛生環境真係完全唔似一間美容院，d野系亂甘擺，d床既毛巾都有污跡，但當時因為同另外2個朋友join有優惠，所以試下睇下點先。

我地其實系上去之前已經諗好左要整邊款，但呢個店主就一直hard sell我地整貴d既款，話我地堂眉唔整佢推介個隻會唔自然，因為我地第一次整又無經驗，比佢講兩講心軟就試左佢講個款，之後整完佢又力sell一款藥膏話搽完唔會有疤痕，盛惠500, 最後加埋都比多千幾佢，而家諗翻真係覺得自己好蠢，個所謂藥膏其實系類似凡士林個d。

當日整完後佢建議我地2，3個月後搵佢補色，因為個package系包左。好戲就系呢度發生啦.......

話說11月倒我地就想約佢補眉，點解甘早？因為佢整既眉勁快已經甩色，好快就變到好淡，都無諗過原來佢既技術甘差。甘好啦，我就whatsapp問佢期，佢真係180度大轉變，當初約整眉個時，所有回覆都好快，但到約補眉，10問9唔應，要我打電話比佢先搵到佢。搞左一輪先約好左12月中補色。

後來到左12月，政府宣布美容院需要關閉營業，我就事前問佢係咪需要改期，但佢回覆話唔需要，因為佢間店唔屬於美容院。到當日，店主突然致電話自己病左，話而家整唔到，怕自己中左招，所以要隔離14日後先整得。仲要系約左佢下午2點整，佢1點半先打泥，當時我地已經出左門口到左尖沙咀，當下真系好angry, 問佢點解甘遲先通知，當然佢話自己病左唔舒服趕唔切通知d客，甘就幫我再約1月頭。

好啦，經過上次既經歷，再到當日我就事先打比佢同佢再confirm，佢條友系電話度竟然同我講無約過期，仲話自己店未開，甘我當時就問佢間店唔系話唔屬於美容院咩，又話自己會keep住開，但而家又話要close, 前後矛盾wor, 當然佢系甘話唔關佢事，系佢助手搞錯。之後就再改期1月9號整，同樣地我事前有再查詢佢係咪會開定點，但之後已經收唔到任何回覆。

去到今日，佢終於應機，話自己比人報左警，雖然唔知真定假，但相信應該有唔少人中過伏，可能系佢d仇家報佢。系佢ig post 負評全部都會比佢mute曬，所以街外人系唔會知道佢呢間系黑店，仲有佢個d所謂既好評全部都系叫d客整完後系佢ig留言，呢d就系佢sell野既技巧

呢個人誠信極度有問題，前後答問矛盾，3番4次欺騙消費者。當初查詢有問即答，後來到約補眉時就回覆得好慢，甚至唔回覆。所有對答都有記錄，唔介意如果大家想知更多可以pm我，奉勸大家唔好中伏！！以後都系搵翻d正規或者大型既整眉店，千祈唔好貪平，唔系就好似我地甘唔好彩