少年成長今日: 2|主題: 15862

收藏本版

發帖

返回列表

跳至頁

查看: 19339 | 回覆: 2

矜貴得過份 [複製鏈接]

csir3290

子爵府

積分: 11013

1^#

發表於 23-2-12 11:23 |只看該作者 |倒序瀏覽 |打印

農曆年假期少不免又係同對仔女入迪士尼玩。唔知係咪因為通咗關所以人真係比以往多咗好多，人頭湧湧嘅情況再次出現。本來大家都守秩序排隊嘅話都冇乜問題。但係因為人多隨之而嚟好耐冇畀人打尖嘅情況今次亦都開始出現返。排隊玩小小世界時有個媽媽拖住兩個細路女扮無知，唔知道龍尾喺邊就喺啲排隊嘅轉彎位就咁插咗入隊中間，人哋開聲都仲扮無知扮聽唔到咁繼續企咗喺度，可能大家都香港人又新年流流費事鬧交，咁嗰個媽媽同對女就咁就一路唔理人嘅說話就排咗喺度。

今次入迪士尼仲見到一樣之前冇乜留心嘅情況，就係好多家長原來都會帶埋工人姐姐一齊入去迪士尼。啲家長就真係當工人姐姐係工人姐姐，入到去迪士尼當然係冇得玩啦！佢哋唯一嘅作用一係就係抱住個細路仔一係就推住架bb車，再唔係就係抱住個細路仔之餘兩隻手同埋背囊都孭住曬爸爸媽媽買嘅嘢同埋細路仔要用嘅物品。冇錯家長就玩得輕鬆，細路仔亦都好似少爺咁全程有人抱住或者有人推住bb車，但係啲工人我就覺得好慘囉！當然佢哋入迪士尼已經冇得玩啦，食嘢仲要照顧住個細路仔。最經典嘅係我哋去食飯嘅時候，正正就係隔離枱一對父母帶住個三四歲嘅細路仔同埋工人坐喺張四人枱度，爸爸媽媽就有自己喺度食同玩電話，個仔就擺咗部ipad喺枱面一路玩，工人坐喺個仔嘅隔離就不停將所有食物剪碎然之後一羹一羹送到個細路仔面前，個細路仔就一路玩跟住就擘大個口工人就將食物送入個口入面。食飯期間呢四個人差唔多全程都冇交流，父母就玩自己嘅手機個仔就玩自己部ipad，個工人當然就係招呼呢三個人啦！

其實我真係唔明兩個成年人係咪真係湊唔掂一個細路仔入去迪士尼玩呢！我明白年幼嘅細路仔可能出街真係要帶好多嘢，咁但係家長其實都可以安排得好啲，其實好多家長就係因為帶埋工人喺身邊佢先至乜嘢都帶。除此之外，喺迪士尼入面就會發現原來好多細路仔其實又唔企得，又唔可以等得耐，又唔可以餓親，連排隊都可能要搵人排咗先，排到入去先至嗌曬班細路仔入嚟。我明白細路仔鍾意玩，但係正正就係一個好機會去教細路仔要玩就要付出，就要守規矩！吓吓都要咁樣去服侍啲細路仔，其實最終只係訓練到一班孩子王出嚟，我都見過好多細路仔一唔滿意就連爸爸媽媽都鬧，但係啲阿爸阿媽又好似冇嘢咁，為咗唔想個細路仔鬧脾氣就乜都應承！細個係咁樣湊細路仔到將來苦咗嘅除咗係父母之外連個細路仔最終都會受返曬！去迪士尼除咗好玩之外，作為家長仲可以觀察下其他人點樣湊細路仔，一定大有裨益！

0 0 0

私人傳訊

CCHINGC

子爵府

積分: 10539

2^#

發表於 23-2-13 18:19 |只看該作者

本帖最後由 CCHINGC 於 23-2-13 18:20 編輯

我地家有請工人姐姐，但我地放假出街玩，一定唔會帶工人，因為有工作在身，先需要請工人，無工作時，當然係自己湊，加上係家中小朋友都係無電子產品下自己食，所以帶出去玩食野時，係佢地自己食，我地協助下，我地大人同時可以一齊食，至於排隊，都係同小朋友講玩就需要排隊，唔係就返屋企，但主題公園唔會成日去，惟一一次一家四口去，係因為有朋友帶入去，如果唔係太貴啦，平時星期日使費儘量唔用咁多錢，留D錢長假住下酒店、去下camping