親子旅遊今日: 4|主題: 160867

收藏本版

回覆發帖

返回列表

跳至頁

查看: 7063 | 回覆: 6

[台灣] 8.5m台北旅行分享 [複製鏈接]

APa1006d4c7159

洋房

積分: 33

1^#

發表於 24-4-7 00:46 |只看該作者 |倒序瀏覽 |打印

上年9月結婚周年紀念決定帶埋bb一齊去旅行慶祝下

以下嘅分享會分返衣食住行幾部分

衣(emoji)

我哋去4日3夜基本要有3套衫台北天氣都比較熱所以都只係需要一層嘅衫就可以我哋額外帶咗2套做後備亦都有帶褸仔以防商場太涼

衣物list:
裙仔 x 3
打底褲 x 3
包屁衫 x 2
(如果全部包屁衫可以直接包屁衫 x 5 我哋比較貪靚着裙(emoji))
襪仔 x 5對 (最後無着過)
褸仔 x 2 (商場冷氣啱啱好，無着過)
口水肩 x 8 (有時食嘢飲奶滴到濕哂，預備多幾條)
紗巾 x 3 (主要沖涼用)

————————————————————————

食(emoji)

BB當時8個幾月因為之前有便秘問題所以仲係4奶1固不過嗰1固食得好穩定所以為咗方便我哋決定去旅行只係俾奶+水果+零食

BB 90%時間係飲泵出嚟嘅人奶所以去旅行我都keep住每日泵3次奶

為咗減少洗嘢嘅次數同數量我哋買咗六甲村拋棄式奶樽佢本身會配咗一個奶嘴但你都可以配返自己用開嘅奶嘴上返官網可以check邊個奶嘴適用我喺bb展買 $65一盒組合包有手握器奶嘴同5個奶樽補充包有8個奶樽

呢款拋棄式奶樽其實同奶袋好相似唔同嘅只係佢上面多咗個接口位可以裝奶嘴佢同奶袋有同一個問題就係上面嘅刻度非常唔準確由於我係泵奶我唯有每次預比平時多2,30ml

如果你係沖奶粉嘅我建議帶一個量杯或者奶樽去量度水嘅分量

安全起見我哋都準備咗奶粉喺香港裝好呢款Mother-K奶袋都幾方便個底可以搣開倒奶粉

熱水方面其實台北都算好方便基本上我去過嘅育嬰室都有熱水無嘅都可以去7-11或者family mart 如果有擔心可以自己帶旅行熱水壺煲水再帶出街我攞嚟暖奶所以無乜concern

水果同零食方面便利店有好多一杯杯嘅雜果質素可以的我哋打邊爐都有攞水果俾佢食仲初嘗熱情果酸到變哂樣都要繼續食

去夜市BB都有份食啲夜市阿姨好nice 雞蛋糕同都送多一舊原味俾BB食原來帶BB去夜市咁着數

泵奶gear list:
主機x 1
喇叭/鴨嘴 x 2對

飲奶gear list:
六甲村拋棄式奶樽 x 20
拋棄式奶樽手握器 x 1
奶粉(packed in奶袋) x 8
奶嘴 x 5

————————————————————————

住(emoji)

揀住宿都算係一個大難題我哋當時嘅諗法係希望落街就有嘢行地點方便空間較大最好有提供bb用品

最後我哋喺airBnB訂咗一間西門町嘅民宿位置喺DONKI對面睇相佢哋有消毒奶樽機同bb沖涼盤

雖然話係民宿但佢嘅規格同酒店都好似連埋lobby嗰層一共有4層有(emoji) 出入大門拍卡入自己房門係用鎖匙 BB車friendly 入大門都係小斜坡嚟無梯級

我哋訂完房就話俾佢知要準備bb用品我哋都唔知佢哋有幾多set 所以盡早通知等佢哋可以安排俾我哋

(emoji)位置:
一落去就係西門町中間唔近捷運站但我哋坐的士無乜concern 機場搭的士大概40分鐘大門喺一條巷仔入面 checkin當日有工作人員喺大街接我哋仲幫手攞行李

(emoji)整潔度:
可以話係非常乾淨乾淨過我哋自己屋企

無乜塵有少少wear and tear

(emoji)設備:
雪櫃有兩層上層係冰格實測過非常凍啲冰種keep得好好下層係普通雪櫃

廁所啲水熱得好快個花灑水壓超~誇張勁一開嗰下嚇親打落皮膚會痛嗰款 keep住提自己較細啲

(emoji)床:
間房有2張床一張三邊落床一張床尾落床我哋本來打算同BB同床但BB比較反瞓 2大1細同床佢會好辛苦我哋又無準備床欄怕佢會喺床尾跌落街最後我哋一個打橫瞓床尾另一個獨霸一張床

床嘅軟硬度同本來屋企bb床差唔多 BB瞓得好自在

(emoji)燈光:
BB 9點就瞓而且習慣自己喺全黑嘅環境入睡佢瞓嘅床離窗較遠拉埋窗簾基本上唔會照到但係會俾廁所燈照到而且間房嘅設計個洗手盤係喺洗手間出面如果要洗嘢開燈會好光照到BB 所以我哋盡量入返廁所洗嘢or等朝早洗廁所門開少少照住走廊就算

另外房嘅另一邊有企燈 BB瞓咗我哋就喺嗰個角落頭活動個燈光好勁所以我哋將佢照向牆 (加添咗幾分浪漫氛圍)

全黑係做唔到不過光暗度足夠令BB都瞓到

(emoji) bb用品:
佢哋提供奶樽消毒烘乾機奶樽消毒液沖涼盤沖涼液
對於我哋嚟講方便咗好多不過我哋都有帶自己嘅沖涼液始終用開嘅會好啲

睇返同一間民宿嘅其他房有啲係有4張床如果同埋屋企人or其他family一齊嚟都可以考慮

結論:
整體非常滿意不過如果你bb好需要獨立bb床+全黑可能都係考慮返啲國際品牌或者大型啲嘅酒店會好啲相信佢哋會提供到比較多嘅bb用品最好訂之前問清楚訂完亦要即時同酒店溝通所需嘅物品因為好多時呢啲bb用品庫存未必太多 (by前酒店從業員)

如果想要民宿資料可以PM我(emoji)(emoji)(emoji)

————————————————————————

行(emoji)

首先由機場交通開始講起

由桃園機場到市中心嘅交通最常用有: 1)捷運 2)巴士 3)機場接送 4) 的士

1)捷運
有分普通車同直達車終點都係台北車站車程分別係35分鐘同50分鐘價錢單程只係TWD150 (約HKD37.5)

由於我哋住西門町到台北車站都仲要再轉線或者搭的士如果大家有去過台北車站都會知道嗰個站係好複雜又上又落好多出口呢個方法就太麻煩了

巴士
機場巴士有好多架唔同路線唔同編號價錢好平單程最貴都只係TWD140 (約HKD35) 我哋好耐之前搭過一次並唔覺得舒適(emoji)帶Yula更加唔會考慮

機場接送
如果你想有人接機可以喺klook訂機場接送根據人數有唔同車種 3-4個人大概係HKD250 平過坐的士佢會喺接機大堂舉牌接你不過通常都有時限即係佢唔會無止境等你免費等候時間會係航班實際降落時間加1至1.5小時(唔同公司唔同時間)

咁由於我哋無同bb去過旅行我哋怕會有好多阻滯(e.g. 要飲奶，要換片) 我哋最後無book到

的士
最後我哋選擇咗的士最簡單直接出咗機場有一條的士隊上車就搞掂

不過當日好塞車比我哋預算嘅時間耐咗車費都貴咗我哋搭咗45分鐘大概TWD1400 (約HKD350)

——————
餘下嘅旅程我哋一律坐的士(emoji) 周街都截得到點到點夠方便

有啲人會選擇包車我哋都有睇過大概係HKD1000/ 8小時如果你嘅行程好緊湊又有好多遠嘅地方要去包車的確會方便好多 BB仲可以喺車上面開餐換片瞓覺

不過我哋嘅行程非常輕鬆車程絕不超過30分鐘如果揀包車會好嘥

——————
除咗交通帶BB出街必備就係BB車同孭帶去行街我哋兩樣都帶夜市就只係用孭帶

行街有機會要試衫而且要行比較耐如果孭住個8,9kg嘅BB行街好易會攰戰鬥力大減⬇️⬇️BB車仲可以裝戰利品一物二用 BB有幾次都喺BB車瞓着我哋就可以輕輕鬆鬆行街我哋會帶埋孭帶係in case BB喊或者上的士咁嘅情況我哋就會轉用孭帶

而夜市人非常多路又窄孭住會方便好多起碼都仲行動自如當然要小心啲嘢食唔好跌咗落BB度啦(emoji)

❗️想提提大家到埗同離開嘅嗰兩日 transit嘅時間非常多(屋企-機場香港-台北機場-酒店) 舟車勞頓唔好講BB 大人都會好攰記得俾BB早啲休息 BB喺西門町街頭孭帶孭住都恰着咗

以上係我嘅分享有乜想知可以留言問