自由講場今日: 995|主題: 1303528

收藏本版

發帖

返回列表

跳至頁

查看: 3889 | 回覆: 97

貶值FTM [複製鏈接]

12 3 4 5

20100328

大宅

積分: 4004

1^#

發表於 14-9-25 03:36 |只看該作者 |正序瀏覽 |打印

本帖最後由 20100328 於 14-9-27 09:41 編輯

4年前，C6怕我喺屋企悶，幾次想買Ipad俾我，但都被我一一拒絕咗！（因FTM唔想亂洗錢）

2年後，阿哥送咗部IPhone俾我，令我初次體驗智能電話原來咁方便，尤其幫小朋友影相。

但最近部lPhone跌爆咗，C6竟然提議買部仟幾蚊嘅電話俾我（據講佰佬滙賣2仟幾，同事出讓只需仟幾）

我聽完個心有D梗住梗住！由4年前追住買IPad，IPhone俾我，到而家嘅仟幾蚊手提，我接受唔到個落差（注：2年前C6買部電話俾在職嘅姑仔都幾仟）

其實呢4年來，生完2個小朋友，日日圍住2個細路轉，連自己都冇埋；但係喺C6心中的地位竟一年不如一年，好灰吖！！！
-----------------------------------------------------------------------

好意外!無諗過會有咁多人回覆.有見好多jm都誤會咗我既意思,現將25/9回覆貼埋喺度:

感恩！多謝各JM & JM\'s C6回覆！睇完你哋嘅評論，回覆忍唔住眼濕濕；其實我都係第一次喺網絡世界發牢騷。因為覺得有好多嘢喺一般生活中實在好難搵人傾訴，於是仿效各JM訴諸BK。

同C6拍咗12年拖先結婚，我份人性格急躁，而C6慢熱，成日都d火星撞地球，我就成日谷到一肚氣，拍拖時，無論佢認為自己對錯都讓我3分，生活上我有咩唔開心，C6都願意細心聆聽；拍拖時，我一直同自己講，未到最後，唔知呢個男仔會否成為MR Right ，唔想有錢銀瓜葛（又或者呢個男仔如果成為終身伴侣，更應為日後嘅生活節約）所以即使C6唔鍾意，我都堅持AA制。去旅行俾番自己份錢。食飯今餐你俾，下餐我付。如此這般，呢幾年雙方都各自有積蓄，C6更晉身業主，但我仍擔心二人性格不合，遲遲未願結婚，直至有咗大B，順理成章結婚。

因身體唔好，冇再返工，成為FTM，之後留喺屋企湊仔。小朋友未出世前，覺得個C6都算OK嘅！小朋友出世後，他依然故我，收工返屋企淨識對住電視，電腦，電話，夜晚唔瞓，放假瞓到2，3，4點係平常事，（2個小朋友加埋佢幫手換5塊片都冇）叫佢幫手睇細路，佢就教佢哋打機，開電視俾佢睇。為此，我傾過，我勸過，甚至冷嘲熱諷過過，佢死性不改，我亦懶得再費唇舌。而平時同佢傾嘢，對眼望住三寶（電話電視電腦），莫講情深對望，連基本嘅eye contact都無，自此心灰意冷，唔想同佢講太多。

婚前，佢承諾要對我好好好好。點解婚後，我默默付出，他卻視而不見！！！望住眼前這熟悉的陌生人，我極度沮喪，我心隱隱作痛，我無處可訴，欲哭無淚，我等待12年嘅愛情，何以如此收場，我有種深深不忿嘅恨。我都知我算係比上不足，比下有餘⋯⋯

從來我都唔係追風者，從來我都唔追求物質生活，更何況而家有咗2個小魔怪，更加事事要慳。

尋晚，C6話佢要換部貴價新電話，好貴好肉赤，跟住同我講佢同事有部市價2仟幾嘅電話出讓，現只需仟幾蚊，叫我換埋電話。
JM＆JM\'s C6，佢自用就貴價機，買俾我就係同事出讓嘅；幾年前買俾姑仔幾仟，而家買俾我就仟幾；新婚就一再問買新型號俾我，變成黃面婆後就買同事出讓嘅！就係呢個落差，令我心隱隱
老實講，買部iPhone6，我唔係俾唔起，我冇諗過要買IPhone 6，就算送俾我，我都唔捨得。

有情飲水飽，但此情不在。作為夫妻，要以物質量度在丈夫心目中的價值，真係好悲哀！一部電話又值得幾個錢吖！

------------------------------------------------------------------------更新#73,#97,#98