吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 其實有同冇老公有咩分別?

夫婦情感今日: 2|主題: 42446

收藏本版

發帖

返回列表

跳至頁

查看: 19236 | 回覆: 51

12 3

積分: 3134

1^#

發表於 18-4-26 11:20 |只看該作者 |正序瀏覽 |打印

本帖最後由 Bbtvsvod 於 18-4-26 12:18 編輯

先講下我background，一小孩，5歲，今年升小學。現時做全職工作，但返工唔定時，除一至五要返工外，星期六日公司有活動就要返工。自從小朋友出世後，一直未試過唔做野，只係轉工，全部都係full time工作。老公自行開公司，公司得一個人，生意都係剛剛開始，佢以前係打政府工，因為要創業所以出黎做。大家每個月會入錢係聯名戶口，一人一份，銀碼差唔多，所有家庭支出包括租、工人、小朋友學費、補習費、買日常用品，出街食飯都係呢個戶口找數。

我因為覺得生活出D左問題，於是去左睇心理輔導，都睇左大半年，主要原因覺得自己好多責任係身。首先係搵錢，因為老公自己開公司，一開始收入唔會太穩定，所以我唔可以唔做野 or 做part time。跟住，所有小朋友既學習、功課、帶興趣班都係我跟，有時我星期六日要返工，老公都唔會主動幫手，我通常都要搵奶奶頂我個角色。屋企所有裝修、維修都係我負責，因為佢長期唔係屋企。大家夜晚係分開食，因為我永遠唔知佢幾點返黎，小朋友又因為食得早，所以我地成家人係有時一晚分3個時間食，永遠冇同枱時間。去到後期，佢話佢工作忙碌，訓既時間都冇，連屋企都唔返，一個星期可能返黎一日，其餘時間多數都係得我同小朋友，佢亦唔會通知我返唔返屋企，我地平時只係靠whatsapp傾家事。我就開始覺得其實同一個人生活冇咩分別，我亦開始覺得自己控制唔到情緒，會大聲鬧小朋友，於是決定去睇心理輔導。老公知道後，都冇特別反應。

於是，我開始係度諗，既然所有男人都係唔會主動去負家庭呢個負責，咁做咩女人要自己一開始話同個老公一齊分擔責任，但到頭來自己放晒上身? 成日都見到好多新移民唔駛返工，照顧小朋友就得，咁做咩自己咁傻每日要打3份工? (做全職工作、教功課、做埋老豆角色)?

0 0 0

私人傳訊

Bbtvsvod

大宅

積分: 3134

52^#

發表於 18-7-13 10:06 |只看該作者

我老公並唔係舊制公務員，佢只係新制，佢都係做左2年左右就自己去創業。
我覺得我最大既壓力唔係來自照顧小朋友，因為其實我都明白男人係唔會識湊小朋友，但係最大問題係我同佢同時分擔左經濟壓力，我又唔知佢一個月搵幾多，而我既工作亦唔係一份簡單既工作，需要好多時間兼顧，我亦未試過冇做野，一直都係兩邊兼顧，到而家小朋友開始大，就覺得小朋友好難教，好反叛，性格出左D問題，但屋企人覺得冇咩問題，而我就覺得小朋友性格變成咁，根本係父母既問題，加上老豆都唔顧家，我再係咁落去，似乎最終受害都係小朋友。

我當然有諗過試下分開得唔得，但知道小朋友係鐘意同daddy玩，而且屋企人係唔會幫手湊小朋友，都係得我同工人搞定，佢而家性格都出現左問題，我相信分開左對小朋友更加冇好處，

私人傳訊

MCEsc

男爵府

積分: 6959

51^#

發表於 18-7-13 08:49 |只看該作者

回覆樓主

你case同我的有點相似-分開時段開飯，有老公等於無老公。
我假設左自己係單親之後，心理平衡好多。

私人傳訊

milkteabb

子爵府

積分: 11549

50^#

發表於 18-7-12 18:29 |只看該作者

Bbtvsvod 發表於 18-7-10 08:19
哎，我自己係支持佢創業，因為我都覺得打一世工冇出頭，但我冇諗過而家份工要成日返工，佢又成日唔返屋企， ...

樓主誤會了，到依家所有家庭支出我都係同先生一齊AA，家用即係佢比返佢個份我咋。偶爾佢賺到比我多時，多出既都係佢自己放係公司用，佢賺到既一毫都無比過我，因呢個階段公司仲需要錢發展。

錢大家AA，但家庭事務女人做晒，偽單親生活，為既係佢創業成功既一日。值唔值搏係呢個男人身上，而呢個男人又係咪為你地家庭奮鬥先咁，先係要傾下同思考之處。共勉之～

私人傳訊

moyan

伯爵府

積分: 16292

BK Milk勳章

49^#

發表於 18-7-11 00:27 |只看該作者

回覆樓主:

佢應該有女人
你計劃一下自己將來吧
他已不愛你

私人傳訊

okabenny

禁止訪問

積分: 6981

2018復活節勳章

48^#

發表於 18-7-10 23:57 |只看該作者

提示: 作者被禁止或刪除內容自動屏蔽

私人傳訊

okabenny

禁止訪問

積分: 6981

2018復活節勳章

47^#

發表於 18-7-10 23:53 |只看該作者

提示: 作者被禁止或刪除內容自動屏蔽

私人傳訊

Bbtvsvod

大宅

積分: 3134

46^#

發表於 18-7-10 09:43 |只看該作者

其實我已經叫我小朋友主動打電話叫老豆返屋企，但佢都係話做緊野，晏D返，點知又係冇返，連個小朋友係咁問我點解daddy冇返，我已經唔識答，好啦，到我唔要求佢唔好咁辛苦趕返黎，叫佢出席小朋友畢業典禮時直接去現場等，唔駛趕返黎屋企再去時，我唔想因為佢遲到要成家人等佢，佢就係咁叫我收聲，唔好煩佢
咁我都唔知點坐低同佢講，一係就whatsapp溝通，一係見到面就叫我唔好嘈，我仲可以講D咩呢，今朝早佢趕返黎送小朋友返學，但最後太遲送唔到，我自己一個人送，我同佢講，你工作約左人會唔會遲? 佢話唔記得較鬧鐘，我就問我日日返工都o會較鬧鐘，咁點解送小朋友返學唔較呢? 我同佢理論時，佢又叫我唔好嘈

私人傳訊

子爵府

積分: 12168

45^#

發表於 18-7-10 09:28 |只看該作者

Bbtvsvod 發表於 18-7-10 08:19
哎，我自己係支持佢創業，因為我都覺得打一世工冇出頭，但我冇諗過而家份工要成日返工，佢又成日唔返屋企， ...

你的問題是夫妻感情變得越來越淡了。創業忙困身是可以理解，但忙到可以夜不歸宿就真的令人懷疑。家庭是要兩個人共同協力，孩子不是只需母親就成。你都把所有都安排好了，他初期可能還會覺得你是賢妻，但隨著大家感情變淡，溝通少了，見面聊天的時間變少，就算見到都因你內心存著對他的不滿而臉黑或談話時變成了爭執。

首先向你丈夫示弱，告訴他你和孩子都需要他，這個家需要他，他遲回家打給他關心他，大家一定要有聊天獨處溝通的時候，讓他感受到你關心和愛他，這樣他才能懂得去留意關心你。你既然當初決定支持他創業，那就不要再後悔了，多贊美關心了解對方，只要夫妻感情回溫，萬事都可以找到方法解決。要明白冰凍一尺非一日之寒。男人再這樣繼續放任下去出軌的機會是百分百。

mc <()>

私人傳訊

wanmm323

男爵府

積分: 8958

44^#

發表於 18-7-10 08:45 |只看該作者

回覆樓主:

我都係假單親，我返正常更，佢返shift, 食飯時間分開，瞓覺時間分開，放假日分開。無family date.

私人傳訊

Bbtvsvod

大宅

積分: 3134

43^#

發表於 18-7-10 08:19 |只看該作者

哎，我自己係支持佢創業，因為我都覺得打一世工冇出頭，但我冇諗過而家份工要成日返工，佢又成日唔返屋企，搞到我好多野都一力承擔，我估我地成個月冇一齊係屋企食飯，每次都係我就佢出去食，當然佢都係好多親子活動會自然缺席，搞下搞下我自己都唔再問佢得唔得閒，我已經一早預左佢唔得閒先。

晚晚都一個人食飯，有時都唔想諗自己食咩，求其公仔面又一餐，因為食完又即刻要教小朋友功課，食咩都冇咩分別，演唱會又一個人自己睇，因為我唔敢買佢飛，買左佢又會突然有野做去唔到，晚晚又自己一個人訓，經常訓得唔好，搞下搞下真係覺得同自己一個人生活冇咩分別

你都好，佢有俾家用俾你，我直情同佢公一份婆一份，完全獨立，只係一齊入個聯合戶口，係一齊出街時佢會負責返個駛費，佢有時仲叫我入多D個戶口

私人傳訊

milkteabb

子爵府

積分: 11549

42^#

發表於 18-7-9 20:46 |只看該作者

回覆樓主

樓主，同你情況有d似，我先生都係為創業辭職，而我就為家庭打份穩定工作。當日先生話要辭職我喊左好耐，當時我大住肚，屋企有老有嫩，無左佢份糧都好擔心。所以當日佢決定咁做時，我要求佢創業後每個月要比一個少少既金額比我，等佢有返d責任感係要顧家既，同時我都有同佢一齊做每一步，每個月公司出入數我都有睇，可以話佢創業起頭我都有參與。

到公司有少少成績，佢比得返足夠家用但就愈來愈忙，精神都去晒業務同應酬，我都順理成章要全力顧住頭家，屋企少左個男人幫手，好多野做媽媽就要一腳踢。我仍然返緊全職工，返屋企忙照顧老人照顧小朋友，學校/家事/睇醫生等等我先生都極難搵機會參與，平日兩公婆只whatsapp溝通，佢不定時返黎食飯/回家，我都係偽單親一族，有時屋企有咩突發野水深火熱無佢幫手我都好氣餒，講真無左佢其實我都仍可獨力照顧全家，不過男人就係咁，一世人唔試過唔心息，最緊要你知佢忙緊乜，願唔願意為佢付出。創業難，做創業者既老婆更難。叫佢退返落黎做平凡人打份工安穩度日好易，但呢個係咪你地追求既共同目標？值得好好傾下。

私人傳訊

ecling

珍珠宮

積分: 36060

2023年兔年勳章畀面勳章 DHA勳章

41^#

發表於 18-7-9 19:30 |只看該作者

回覆樓主:

感覺你老公在逃避某啲嘢，否則，點可能屋企都唔返？老婆同個仔都唔理？女人太強，辛苦自己。男人，覺得你攪得掂就懶懶閒。你老公知唔知你壓力咁大？好好坐低傾下

主賜平安

私人傳訊

mailmail111

複式洋房

積分: 167

40^#

發表於 18-7-9 15:42 |只看該作者

男人為咗間公司, 唔返屋企, 女人就要返工, 又要照顧小朋友, 仲要諗下個男人愛唔愛自己, 咩都唔理. 男人以為揾錢就係最重要, 其實女人唔係要有好多錢, 係想有人關心自己, 愛自己.

私人傳訊

chujai127

大宅

積分: 2866

39^#

發表於 18-7-9 08:17 |只看該作者

我都係番工收工俾哂時間個仔放假自己帶佢去玩

私人傳訊

chujai127

大宅

積分: 2866

38^#

發表於 18-7-9 08:16 |只看該作者

回覆 Bbtvsvod 的帖子

同你情況好似

私人傳訊

Bbtvsvod

大宅

積分: 3134

37^#

發表於 18-7-4 12:36 |只看該作者

回覆 queeniesuen 的帖子

咁你有冇全職返工呀? 你點可以分配到工作以外照顧小朋友既時間呀?

私人傳訊

queeniesuen

男爵府

積分: 5121

36^#

發表於 18-7-4 11:24 |只看該作者

Bbtvsvod 發表於 18-4-26 11:20
先講下我background，一小孩，5歲，今年升小學。現時做全職工作，但返工唔定時，除一至五要返工外，星期六 ...

我跟你差不多，成日都假單親咁過日子。我同工人湊小朋友既默契居然比同老公好......老實講我覺得非常不可思議。
真係唔明男人點解可以將自己置身事外

........啲仔女你無份既咩

???? 點解要我靠個工人...........我請工人原意係做家務等我地兩公婆可以多啲時間陪伴小朋友...........但倒頭來得我一個...仲要有時叫工人幫手

唔好意思版主，借左你個位大吐苦水。

私人傳訊

Bbtvsvod

大宅

積分: 3134

35^#

發表於 18-7-4 01:52 |只看該作者

我今日既生活如常係朝早送小朋友返學 9點返到公司做到7點返屋企同個仔做功課幫佢整個玩具架一個人食飯好攰但唔敢訓因未到聽日on duty時間之後夜晚一個人訓但又如常訓得唔好聽朝又如常出門口送兒子學再返工

其實我真係諗大家叫我堅強有咩用呢？我仲唔夠堅強？一個人搵錢分擔屋企財政我又冇家用自己搵自己駛自己食飯自己整電器自己教小朋友功課但樣樣都做齊晒結果就係身邊人覺得我好叻唔駛費心去幫手照顧家庭到頭來我換黎咩呢錢又冇多到返工時間又冇少到我已經係一個夜晚連食咩飯都冇時間去諗既人我仲可以堅強到咩地步呢？一個人出席晒家長活動之餘又唔駛請假得罪上司又搵到咁多人工既人先叫堅強？先叫叻？

私人傳訊

bbchins

大宅

積分: 2382

34^#

發表於 18-6-29 19:01 |只看該作者

Bbtvsvod 發表於 18-6-29 12:40
回覆 bbchins 的帖子

你都好，至少都可以帶個小朋友返下興趣班，我每日既時間係返工、放工、等收msg通知我 ...

你一個都好D, 我2個小朋友, 開支更大. 因為我唔想依賴工人, 所以我做freelance都係一大清早, 做幾個鐘返來, 小朋友仍未起身, 我可以休息一陣就抽時間陪佢哋.老老實實, 我老公都是大男人一名, 所以佢永無陪我去街市, 做家務等... 不過點捱都好, 其實都要搵老公出來傾傾, 千祈唔好自己谷爆. 或者我同老公係同行, 所以我明白佢忙乜. 你可以試吓抽少少時間去佢工作地方搵吓佢, 了解吓.

私人傳訊