吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 在職全職› 其實點先算好爸爸？

在職全職今日: 53|主題: 47932

收藏本版

發帖

返回列表

跳至頁

查看: 3540 | 回覆: 43

[全職媽媽] 其實點先算好爸爸？ [複製鏈接]

12 3

丁丁BeBe

大宅

積分: 1238

1^#

發表於 13-9-17 23:09 |只看該作者 |正序瀏覽 |打印

當ftm3個多月了，仔仔快1歲，仔仔一日五餐我攪掂，晚餐多數去6299度食，間唔中買外賣。
爸爸放工晚飯後會幫手沖涼，如果仔仔食完最後餐奶唔瞓，爸爸就會暗瞓覺！
問題係，小朋友總有唔聽話扭計嘅時候，爸爸就會埋怨，不耐煩，唉唉聲...
我每次聽到都好唔開心，邊個唔想個細路聽話，但問題佢仲係一個bb！
我明白日頭番工已經好累，放工番到屋企好想抖下做自己嘢，但唔係應該會珍惜同仔仔相處嘅2，3個鐘？
放假好想一家人坐下車去遠啲地方同仔仔見識下，但最後總是在家中渡過，見到人哋daddy帶晒相機出去同小朋友影相，再諗起自己好多想都係去動植物公園呀，九龍公園影，而現在自己仔嘅相都係手機在家影！我一個人帶bb去遠地方又好吃力，一至五已經好累！
社工同朋友都話，其實爸爸放工就係媽媽休息嘅時間，但仔仔睡了我還要洗奶樽整餸...
究竟係時代唔同咗，定係我唔夠現實？我其實好鍾意照顧仔仔，只係想爸爸出多少少力！

0 0 0

私人傳訊

marykk

侯爵府

積分: 22886

44^#

發表於 13-12-27 22:26 |只看該作者

回覆：其實點先算好爸爸？

但c6番左一日工都好累，要體諒和適量的向c6求助

私人傳訊

nicole127

大宅

積分: 1965

43^#

發表於 13-12-27 20:56 |只看該作者

回覆：其實點先算好爸爸？

我c6湊B好好丫，但要半職工作加一日訓9-10個鐘先得呢！要男人早晚工作少休息仲慘過要佢死。
我公司大把男同事個個話負責餵夜奶，但家中有工人，我覺得佢地只係被迫餵奶，唔会做家務。所以，媽媽真偉大！

私人傳訊

moon070208

大宅

積分: 2172

42^#

發表於 13-12-27 02:26 |只看該作者

回覆：其實點先算好爸爸？

我c6 好小同啲囡玩得閒都自己玩先照顧小朋友上一啲忙都幫唔到（佢坐喺屋企都要我咩埋個囡去買送睇一陣都話搞唔掂我住唐5樓個囡25磅）當自己係大爺一入門口鞋衫周圍放食完野唔執唔洗亦體諒唔到我有多疲勞還埋怨我唔同佢應酬啲客哩種應該唔係好爸爸好老公

私人傳訊

貧窮媽媽

水晶宮

積分: 51609

41^#

發表於 13-11-17 11:25 |只看該作者

我C6都係咁.放工返嚟抱阿仔,阿仔一喊就話搞唔掂俾返我.但之後我搬左返娘家住.C6變左唔係成日見住阿仔,反而而家見親都好珍惜同佢相處既時間.但當然,阿仔喊得太勁又係俾返我.因為我一抱阿仔佢就唔會再喊

私人傳訊

Skubi

複式洋房

積分: 452

40^#

發表於 13-11-17 02:07 |只看該作者

其實好定唔好係自己個心理問題!我c6好忙，忙到我要約佢先可以同食一餐晚飯，但係佢一有時間就會返來陪下個囡，不過呢兩日個囡發燒……而佢今日要上大陸做野幾日先返……今朝個囡好高燒佢出門後連電話都冇打個返來問。咁佢係唔係一個好爸爸……

私人傳訊

irene_e

男爵府

積分: 7386

BK猜猜猜慶中秋

39^#

發表於 13-11-12 14:39 |只看該作者

回覆：其實點先算好爸爸？

你朋友話老公放工係老婆休息嘅時間係由老婆嘅角度去諗。但佢好似無諗過個老公話會我返左一日工放工仲要返屋企做褓母都好倦㗎！咁你話邊個可憐啲？假日想休息下都好應該體諒，你可以安排下兩天假期只外出一天，留一天在家呢！而你老公每天放工肯湊肯沖涼肯陪瞓已經好好！我老公每天放工回奶奶家吃飯湊女回家後係只會打機的。而我返左一日工湊女回家後仲要睇小朋友功課，陪玩，開奶，陪擦牙，講故事，陪瞓，洗衫，掠衫，有收拾小朋友啲玩具。仲要間唔中分啲時間陪下個老公。第二朝又係我叫女起身換衫吃早返學再返工。我一至五都係咁過，咁你話你係咪好幸福呢！

私人傳訊

cal@wicked

大宅

積分: 3178

38^#

發表於 13-11-12 03:13 |只看該作者

過咗頭3年, 到細路入學後會好好多, 你都要比啲時間你老公學做老豆, 肯幫手換片湊B, 一啲都唔差, 只係有時呻吓, 情有可原。
我老公成日話, 我同BB出世前已經認識, 識早佢9個月, 所以爸爸係無媽媽咁早體會到母性/父性的, 等到佢識行識走識講會好好多。
我BB出世至4個月大係爸爸獨力湊, 到4個月後先調轉我湊返, 所以佢好明白湊B係咩一回事。到而家兩歲, 我每星期都會做返一至兩日parttime(當放自己假), 嗰日就係老公湊, 我哋都無工人, 輪流湊, 大家體諒多啲就OK, 小朋友好快大, 到時再拎佢去玩都唔遲。

私人傳訊

yukiko906

別墅

積分: 945

37^#

發表於 13-11-12 01:56 |只看該作者

回覆：其實點先算好爸爸？

各位都應該是全職媽媽，甚至有工人幫手！
我本人覺得老公出去工作已經好辛苦！自己就只是係屋企陪小朋友！多些互相體諒吧！
我老公BB出世時都有幫手，自從四個月請了工人後，到而家六歲，佢都唔多會幫手，覺得是工人做！我都覺得老公陪阿仔時間不太多！但相比佢啲朋友，我老公算好好！
當然比上不足，比下都有小小餘！
我有些朋友老公真係好好！小朋友所有都是老公理！朋友休息就真正休息，老公休息，工人就休息，咩都是佢Take Care!!比起這些就覺得自己老公好差！
我老公唔太喜歡成班人親子活動，有時成班家長出去，個個有老公陪1家3口，我就得自己X2,都有點唔開心，但講真，老公係度就覺得好大壓力，因為驚老公悶！
但我知老公做嘢好辛苦，自己就咁得閒，又點可以咁自私怪老公任何嘢呢！

私人傳訊

Heyheyjoyjoy

大宅

積分: 1145

36^#

發表於 13-10-28 14:55 |只看該作者

回覆：其實點先算好爸爸？

想c6參與多d，我會send我們去玩的相去群組，等其他人讚下，等他自己看。直接講，我都返過工，有時會很累，但有時可放軟手腳透氣，始終返工的，食lunch已是私人時間；ftm確是一份只會造多，7*24的任務。
請別回家造大爺，他不願親子，關係疏離，長大後無得後悔，提過c6不理就唯有放棄，造好媽媽的崗位，自己多帶孩子出外見識。

私人傳訊

bea88

複式洋房

積分: 162

35^#

發表於 13-10-26 01:43 |只看該作者

其實已經好好啦！

我老公一見到B直情走都走唔切！

私人傳訊

bea88

複式洋房

積分: 162

34^#

發表於 13-10-24 13:27 |只看該作者

我個B最叻同日日講就係:爸爸返工工賺錢錢俾BB買雪糕食！
從來都唔鍾意陪BB，我惟有咁樣同BB講！

私人傳訊

CK1225

別墅

積分: 743

33^#

發表於 13-10-21 23:35 |只看該作者

回覆：其實點先算好爸爸？

返工真係好攰好攰ga！我之前返工後來做ftm。返工個排放工做家務湊仔煮飯一腳踢，簡直係無敵辛苦。個排放假都好少出街，最多去下附近公園。（因為去遠d返黎好攰又一堆野要洗，跟住第日繼續返工）可能我曾經返工，明白個種攰。所以我轉做ftm後，家務煮飯乜都我，c6返黎負責玩。平日想去好遠我會自己同佢去下。假日就就番c6意願

私人傳訊

nicole127

大宅

積分: 1965

32^#

發表於 13-10-20 21:42 |只看該作者

回覆：其實點先算好爸爸？

我只可以說爸爸始终無媽媽咁好耐性。

私人傳訊

cindy0317

大宅

積分: 3876

31^#

發表於 13-10-18 23:54 |只看該作者

回覆：agnes_cheung 的帖子

Me too.

私人傳訊

Bonbonho

大宅

積分: 2790

30^#

發表於 13-10-16 09:14 |只看該作者

回覆：其實點先算好爸爸？

我係一個在職媽，我c6又成日要出差，我諗佢算係好爸爸，BB初出世佢有時會餵奶換片同佢沖涼，而家一返屋企就同佢玩（10個月），我c6都唔鐘意出街，放假會係屋企，但如果要幫仔仔買野或者去冒險樂園玩佢就肯去，我覺得男人要鞭策+鼓勵，比d開心相佢睇（我自己一個成日帶仔出街），令佢都想一齊玩.....其實依家我都
唔滿意架，覺得佢都係做得少，唯有再鞭策~
我C6以前都好口硬話唔鐘意湊個仔，大不了佢唔痴我，我唔介意....但而家個仔勁鐘意佢，成日叫爸爸，佢開心咪心甘情願湊！

私人傳訊