moniy 發表於 17-8-27 23:59
三生三世十里桃花一定要睇!
我係同時期開楚喬同三生三世來睇! 楚喬前段OK, 後段真係爛尾之中的經典, 睇到 ...
楚喬本身故事所限,書都係講咗好多燕洵,後來好似係因為作者抄下改下,又見玥公子比較受歡迎所以轉軚,楚喬個故事其實唔係好清晰講到幾個人物嘅信念/人生觀,尤其是電話劇,所以角色性格比較模糊,究竟有咩理由所有人都知玥公子鍾意佢,而楚喬自己唔知?蕭策都擺明係冧佢,佢居然會覺得係藍顏/朋友?書入面更陰公,蕭因為楚喬出身低,幫佢準備公主份量嘅嫁妝,搵好多大纜都扯唔埋嘅親戚,等佢嫁人時唔俾人睇低,楚到蕭死後至發現原來蕭係好愛佢,有冇咁鬼蠢架?
小說絕對比劇好睇,電視劇搵到趙麗穎做,本身都已經有收視保證,如果唔挑剔的話,都算好片架啦,不過我本身專睇穿崩嘢,專係要理性咁分析下,珠玉在前,楚喬前段有80分,動作算唔少,又拍得幾好,後段就差好多,情節細節好多不合理,例如燕洵喺九幽台受傷咁重都唔死得,玥公子俾燕洵枝箭射中,轉頭一幕佢件衫係乾乾淨淨,冇咩可能喺趕路情況下換衫啩,仲有好多道具唔連戲,有幕見到有個二打六拎手機轉身。。。書呢我都有飛住睇,中間描寫太多,又有D賣弄花巧,我主要睇情節,文筆唔係好好,算OK咁啦。
花旗太太生活在花旗國,留意時差,你問我未必即時答到。