Baby Kingdom - 親子王國 香港 討論區 › 首頁 › 自由講場› 到底係邊個應該搬？

自由講場

收藏本版
發帖
返回列表
跳至頁

首頁
3536373839

尾頁
   69
sweetcandychan


子爵府

積分: 12471


721#
發表於 18-3-27 17:20 |只看該作者
panyeung 發表於 18-3-17 05:13
大哥搬

好多嘢搬丶小朋友要轉學校呢D唔成理由，根本應該結婚前丶生仔前plan定，而家係大哥一家入侵人地本 ...

咪係，一早知冇地方就唔好生住，冇理由生左出黎要其他人就你
私人傳訊

samlo425


複式洋房

積分: 217


722#
發表於 18-3-27 19:47 |只看該作者
Jnam 發表於 18-3-27 17:03
已經係第二次
屋主即係你阿媽阿爸唔肯要佢赽走你都冇計
其實你阿媽係唔想佢地搬定唔想做丑人？佢唔 ...

反而係我夜訓，因為我十點先返到屋企
我做左丑人啦，我開左火了，講到明叫佢地搬啦已經！只係一個人厚面皮起上黎，你根本就吹唔漲，有句說話人賤則無敵，其實厚面皮先係最無敵！
所以你話咩限期果d無用，無道理講，到最後霸埋你間屋都得啦，同埋我將呢個post已經分享左叫佢地睇啦！咁佢可能都睇到我既留言同回覆。你地既聲討，眾人既意見都無用，人厚面皮則無敵
私人傳訊

samlo425


複式洋房

積分: 217


723#
發表於 18-3-27 20:02 |只看該作者
小詠 發表於 18-3-27 12:22
咁你其實打算再去外國生活, 定係會以後留在香港, 如果我係你, 會忍一忍, 儲番d錢再搬走, 去外國都需要d盤川 ...

你哥無做野，但係你要搬，點解既，係咪你結左婚生仔，做咩不嬲一家4口突然因為你有做野就叫你搬。你係咪講d唔講d,都唔合理成件事
講返我先，我係呢度住得唔開心，俾幾多盤川你又有咩用姐，你既時間同青春一樣係用錢買唔返
更何況搬出去只係儲少左錢又唔係霸住人地地方，又唔係阻住人，又唔係影響人，有咩問題。
唔通叫你忍到35歲就會有一片天，你就要犧牲自己時間忍到35歲， 如果叫你唔玩唔買衫褲鞋唔食放題唔去bbq唔去打邊爐唔識女朋友到50歲會有幾千萬，唔通又要犧牲左呢d野，為左有幾千萬？ 我呢d係打個比如
但事實都係如果你可以犧牲到呢個地步，儲到幾百萬離你不遠
私人傳訊

jiji2


子爵府

積分: 14616


724#
發表於 18-3-27 20:07 |只看該作者
samlo425 發表於 18-3-27 19:47
反而係我夜訓，因為我十點先返到屋企
我做左丑人啦，我開左火了，講到明叫佢地搬啦已經！只係一個人厚面皮 ...
其實我同你一樣, 都唔係好成熟既人
如果我係你, 第一我係唔會搬, 為啖氣既問題, 二黎當然係為自己打算啦, 因為搬出去真係要用好多錢

不如你做下衰人: 唔俾家用。嘈返佢地轉頭
佢地應該係早訓架啦, 咁你10點先返屋企, 咪係咁嘈佢地嘈到訓唔到, 睇下邊個頂唔順先!

私人傳訊

PUPPY*LOVE


大宅

積分: 3580


725#
發表於 18-3-27 20:54 |只看該作者
samlo425 發表於 18-3-27 19:47
反而係我夜訓，因為我十點先返到屋企
我做左丑人啦，我開左火了，講到明叫佢地搬啦已經！只係一個人厚面皮 ...

細佬，冷靜！唔係馬後炮，我都估到你會將呢個post俾大佬睇，不過搞成咁，相信已經冇兄弟做了，大個仔，爭氣D，努力搵錢，睇多財經，上Youtube睇下D理財，希望你早日有個安樂蝸，呢度好多JM好叻，理財有道㗎
私人傳訊

小詠


珍珠宮

積分: 48050


726#
發表於 18-3-27 21:57 |只看該作者
本帖最後由 小詠 於 18-3-28 12:21 編輯
samlo425 發表於 18-3-27 20:02
你哥無做野，但係你要搬，點解既，係咪你結左婚生仔，做咩不嬲一家4口突然因為你有做野就叫你搬。你係咪講 ...


本帖最後由 小詠 於 18-3-27 21:58 編輯

有咩唔合理的，我係女 阿哥係仔一定收留個仔啦，踢個女出街。。。。就算個女有錢拎返嚟都照踢㗎，仔大曬㗎仔唔使食飯嘅仔係唔使搵錢返嚟都有飯食㗎。 只可以講父母偏心邊一個邊個就可以留低，唔錫嗰個就會被趕走

所以你算係LUCKY, 父母未至於乜都幫晒大哥先, 咁至少心不會因父母而心碎
私人傳訊

jaymima


大宅

積分: 3160


727#
發表於 18-3-27 22:59 |只看該作者

回覆樓主:

樓主，我係過來人，我既角色同你差唔多，不過慘過你。當年我仲讀緊書，有人敗完身世要成家人搬返黎，本身我有一間書房加一張床，佢地要我放棄間書房俾佢個仔做房，然後同佢個女一間房，我瞓上格床 佢個仔同個女都好細幾歲。

不過我要長輩表態，可能我係女，同埋未出身俾唔到家用，仲有涉及上一代血緣親疏等問題，長輩唔幫我出聲，我心淡，於是讀緊書都要搬出黎。搬出黎之後佢地無論家庭問題同金錢上任何事都唔會再煩我，我就好專心發展自己既事業，如果繼續同佢留係一間屋鬥磨，我諗我未必有今日
私人傳訊

bobbymama


大宅

積分: 2290


728#
發表於 18-3-27 23:12 |只看該作者

回覆樓主:

細佬搬咗出去唔駛指意有機會再返入嚟。大哥一家必然長駐。
私人傳訊

nicolettesik


大宅

積分: 1094


729#
發表於 18-3-28 01:00 |只看該作者
bobbymama 發表於 18-3-27 23:12
細佬搬咗出去唔駛指意有機會再返入嚟。大哥一家必然長駐。

岩
我老公2兄弟加父母住4-6人單位，本身佢大佬一家已經收到第一次派公屋，仲要係新公屋都吾要，仲要之後我奶奶逼我要同d仔女番黎住，變相一間屋住9個人，住左3個月，攬炒，我老公頂吾順佢d屋企人，一句佢地有樓都吾要，我地一家搬走，以後各不相干，好彩自己本身都排緊公屋
依家佢大佬已經吾要自己個份申請，仲加埋老婆同個仔入户
私人傳訊

sailorjupiter


大宅

積分: 1516


730#
發表於 18-3-28 01:11 |只看該作者
samlo425 發表於 18-3-27 19:47
反而係我夜訓，因為我十點先返到屋企
我做左丑人啦，我開左火了，講到明叫佢地搬啦已經！只係一個人厚面皮 ...

本帖最後由 sailorjupiter 於 18-3-31 18:23 編輯

你大哥無能力、無擔當就唔應該成家，自己都未顧掂自己。
細佬 祝你有更廣闊的一片天！
私人傳訊

千千萬萬


男爵府

積分: 8436


731#
發表於 18-3-28 03:46 |只看該作者

回覆樓主:

做人咁係顧定自己先喇。識人三兄弟，大既未夠二十娶妻搬走左，冇比家用。嗰陣兩老仲後生又有返工，又冇計較咁多。第二個娶妻冇搬，生左個女個老婆冇返工，咁就老爺奶奶自己老公老公細佬比家用佢當家，因為大家都返工，而當時情形兩個老既係做緊間士多，兩個自己士多煮食，個細佬晚晚o到十點先放工，基本上一日三餐極少係屋企食，但屋租細佬交，話二佬有頭家，開支大，細佬幫手出多D，後生嗰陣冇乜所謂，個老母又錫二仔錫到燶，二哥係間屋住到兩個女出世至小學，卒之攢夠一舊錢出去買左私人屋。之後個老母出左事，爭人錢，係大嗰個同細嗰個搞定左，第二個係話公司冇錢賺(佢自己做生意)。之後老豆死左，個亞媽老退休，三兄弟比家用，個老母話二哥生意差，蝕緊錢，所以唔收佢家用。
最後結果，老母死左先知個二哥又買左一層樓，仲要千幾呎，大哥都ok，早早自立門戶顧自己，仔大女大先要比家用個老母，細佬最慘，以前幫一家大細交租比家用，年紀大之後揾錢能力低左，等父母走左三兄弟幾乎冇聯絡，睇怕以後都係要執紙皮喇。所以吖，人要自私D，唔好咁蠢，賺到錢冇為自己打算，幫人養仔女，幫人儲錢買樓，到老乞食冇人可憐你。
私人傳訊

Angela.Cheung


男爵府

積分: 7258


732#
發表於 18-3-28 08:52 |只看該作者

回覆樓主:

我由頭到尾都覺得係細佬有問題。
根本呢個世界就冇立法話一定要結咗婚就要搬出去 ？
忍唔住嘅係你。做乜要叫人搬呢？
人哋好滿意現在，喎係你唔鍾意啫。

咁你話阿媽想要你阿哥搬嘅話，咁應該係你阿媽逼你呀哥，而唔係你出聲囉。
排隊都唔輪到你喇嘛！？
私人傳訊

Angela.Cheung


男爵府

積分: 7258


733#
發表於 18-3-28 09:03 |只看該作者
samlo425 發表於 18-3-26 12:11
本帖最後由 samlo425 於 18-3-26 12:53 編輯

其實根本由頭到尾大哥同大嫂無叫過我搬

你不停話因為結咗婚就要搬，咁我想問你，如果你哋三兄弟全部都結曬婚嘅話，到頭來你父母係唔係自己兩個老人家住？你哋會唔會叫你大哥照顧返你父母？
咁唔通你大哥第時搬走咗然之後，你最遲結婚你就一世同父母住？遲婚嗰個係唔係就名正言順痴住父母？
如果係嘅話，記住你今時今日嘅諗法同埋你上嚟講過嘅嘢。
你父母依家行得走得就當然冇問題啦。到時如果你父母年紀大咗，有啲乜嘢唔方便嘅話，你係唔係都本住呢個心態，話自己未結婚仲同佢住，所以你唔會搬走呢？
咁到時候你係唔係會死心塌地咁樣同父母住呢？
唔好輸打贏要囉！

根本你同你大哥呀都係同一個阿媽生，同一條腸出！大家都係自私精！
我依家淨係見到呀兩兄弟為咗間公屋呀，喺度嗌生嗌死呀！ 你覺得你阿媽應該要迫走你大哥你先至舒服呀。
你有冇諗過其實你大哥都係你阿媽親生？你阿媽都會錫佢，唔係因為佢結咗婚所以佢就唔應該被你呀媽錫。 你話你阿媽心軟，我覺得佢唔係心軟，而係佢都會錫你大哥囉。
成件事最慘但係你阿媽，生左三個咁冇用嘅仔，為咗間公屋要生要死，手心又係肉手背又係肉！

我同你講，我就冇面對呢一個問題， 我老公就一早買咗樓，奶奶亦都已經仙遊咗，不過見到你呢啲自私嘅百佳仔，真係火都嚟呀！
私人傳訊

kurocat


侯爵府

積分: 24086


734#
發表於 18-3-28 09:06 |只看該作者

回覆樓主

咁睇，兩老都做埋工人照顧咁多人
私人傳訊

kurocat


侯爵府

積分: 24086


735#
發表於 18-3-28 09:07 |只看該作者
Angela.Cheung 發表於 18-3-28 09:03
你不停話因為結咗婚就要搬，咁我想問你，如果你哋三兄弟全部都結曬婚嘅話，到頭來你父母係唔係自己兩個老 ...
私人傳訊

Pman1022


男爵府

積分: 6121


736#
發表於 18-3-28 09:30 |只看該作者
好難講邊個應該搬出去, 每個人都需要空間, 奈何地方細, 能力唔夠, 就要將就下。真理就係邊個忍唔到就搬出去, 如果有能力就搬, 無能力就死忍。
私人傳訊

eliekim


男爵府

積分: 6309

2018復活節勳章


737#
發表於 18-3-28 09:50 |只看該作者

回覆樓主

仲比埋大佬睇呢到嘅留言死硬...
即話佢無鬼用...
細佬你行錯棋啦...
私人傳訊

samlo425


複式洋房

積分: 217


738#
發表於 18-3-28 12:19 |只看該作者
Angela.Cheung 發表於 18-3-28 09:03
你不停話因為結咗婚就要搬，咁我想問你，如果你哋三兄弟全部都結曬婚嘅話，到頭來你父母係唔係自己兩個老 ...

我諗過到時佢地老左到底邊個兄弟照顧佢
我唔會係唔照顧佢地果個lo
你老公一早買左樓真係恭喜你先。
我地就無咁有先見之明，我應該一畢業就借首期先岩！
私人傳訊

samlo425


複式洋房

積分: 217


739#
發表於 18-3-28 12:26 |只看該作者
Angela.Cheung 發表於 18-3-28 08:52
我由頭到尾都覺得係細佬有問題。
根本呢個世界就冇立法話一定要結咗婚就要搬出去 ？
忍唔住嘅係你。做乜要 ...

站於呢位網民奶奶一早仙遊，老公一早買左樓
你應該唔知點解我會頂唔順
如果係頂唔順既搬，咁唔通我要做d野令佢地兩老婆頂唔順之後令佢地搬？。而家你老公一早買左樓 一早搬左舒舒服服，你就好似一個大地產商咁推高完樓價之後就話而家d年青人唔夠努力，你同呢d人有咩分別？
你睇既角度已經錯左
咁又點可以係呢度咁罵晒我地幾個？

點評

jiji2    發表於 18-3-29 16:44
私人傳訊

KaiYau


複式洋房

積分: 194


740#
發表於 18-3-28 12:26 |只看該作者

回覆樓主

死都唔好搬，我真心
同會鬥長命 不停不說話佢地聽
係我就晚晚嘈住佢地等佢地成家無覺好訓
千祈唔好屈服啊！！！
私人傳訊


首頁
3536373839

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見