婦女醫護

收藏本版
發帖
返回列表
跳至頁

首頁
12345...11

尾頁
   127
VIC-E-E


大宅

積分: 1228


1#
發表於 14-5-7 23:49 |只看該作者
痔瘡差不多跟了我超過10年了 ! 每年都會發作兩，三次，約持續一星期就會沒事(有痔瘡都知道，無論大便幾軟幾容易去幾咁暢順都好，有時一發不可收拾，痾到滿缸紅同好鬼痛 ! )
我外痔應該有兩粒，當痔瘡發作，好多時我都會有肛裂情況，去大大時真係痾到成身出晒汗 ，濕晒 ，好鬼痛苦 ! 知道有肛裂時我會去大大前載隻醫生手套搽點凡士林在肛門，會比較容易去同無咁痛，捱多幾日\"又一條好漢\" !
今年年頭我的痔瘡又發作了，但今次發作跟以往不同，持續個多兩個月大便出血，但唔難去 ，留意咗大便變幼咗同好散 。覺得好似唔對路 …於是即刻落樓下睇醫生，同醫生講個情況，醫生叫我除褲比佢望望，佢話應該喺痔瘡問題，仲話唔算嚴重 ! 還寫紙給我可以去政府醫院排期見醫生。
於是，我即刻去附近醫院排期，當我拎住封醫生信去登記處登記後，職員叫我去護士房旁排隊再見見護士先約到期。去到護士房門口已經見到有幾個人等緊，而排喺我前面的是一個老伯伯，因為房門是打開的，輪到伯伯見護士長時，我聽到他同護士的所有對話。。
原來伯伯都是有痔瘡問題，他拎住張覆診紙同護士長講，我5月做痔瘡手術(果時喺2月)但喺我痾左個幾月血，醫生開給我啲藥又唔得呀！我流血流死架 ! 護士長話，亞伯唔喺今年5月呀，張紙期喺2015年5月先做痔瘡手術呀！ 亞伯話，下……要2015年 ? 我實痾血痾死 ! 護士長話如果你覺得好嚴重，一定要見醫生嘅可以去急症室，呢到唔會見到醫生架 ，如果唔喺就去睇私家醫生喇 ! 亞伯話睇私家邊有錢呀，要幾萬銀架 ! 亞伯好無奈行出護士房 ! 跟住到我入去遞張醫生紙俾佢望望，護士長話，妳都聽到晒喇……我點一點頭。跟住佢喺張紙到寫咗幾個我唔明嘅數字，然後叫我拎返張醫生紙去返登記處到約期，出到去登記處職員話而且俾唔到期，話兩星期内會寄約期紙給我……
待續
私人傳訊

VIC-E-E


大宅

積分: 1228


2#
發表於 14-5-8 01:58 |只看該作者

回覆：分享~割痔瘡，肛裂同照腸鏡

等待期間我的痔瘡還沒有好轉，好困擾 ! 其實早幾年也曾想過去做痔瘡手術，喺網上爬過不少文，收集資料 ! 只是未下定決心，怕痛同驚 ………
心裡想，如果今年內排期見到醫生就等政府，排唔到嘅再作打算 !
等了個多星期，終於有約期紙了 ! 打開一看-大腸科-2016年5月 !!!!
由於我沒有買保險，睇私家真喺幾大負擔 ! 正正亞女呢幾年讀書又要洗錢 ，真喺有點困難 !! 如果肯定喺關痔瘡事，最多去便便時痛下啫，忍下就冇事，生痔瘡唔會死呱 ! 最怕唔喺生痔瘡啫，乜都有可能 ，政府又要排兩年 ，而我大便又真喺變幼咗 ，真喺好擔心 !
思前想後，自己同自己講唔好估估下，去照下條腸，早發現好重要，如果\喺\嘅 ，再想辦法，唔喺嘅唔洗再受困擾 ! 照完腸冇事嘅跟手做埋痔瘡 ! 豁出去 !!!
於是摷返之前係網上搵嘅資料，選擇左兩個醫生，一個是男，一個是女 ! 打電話去女醫生診所到預約，約期要排到3星期後 ! 再打電話去男醫生診所，呢個快啲兩星期後 有得睇!
等待喺令人煎熬嘅，大便一直都有出血 ! 等到一星期左右，忍唔住嘗試打多次電話去女醫生診所到，同姑娘講我大便持續出血嘅情況，姑娘知道我情況後，就叫我後日上去等見醫生，由於果日約期已滿，姑娘話會等到好夜先有得見醫生，叫我晚上10點前要到診所………
網上搜集嘅資料，兩個口碑都好 !兩個都好有經驗， 估計男醫生做痔瘡手術同照腸鏡收費應該比女醫生平，因為男醫生唔需要入院，而女醫生就一定要入院做 !
我都喺偏向女醫生，感覺會方便些 ! 果晚同老公一齊出去，8點幾去到等，真喺同網上留言板所講一樣，要等幾個鐘架 !! 午夜12點先見到醫生，入到去同醫生講我嘅情況，然後叫我上床俾佢睇下之後會用手探肛，佢一睇就話我痔瘡好嚴重，已經凸晒出嚟，一探就話我肛有裂，解釋有內痔都有可能令到痾出嚟嘅便便變幼架，還問我家族有沒有人有過癌症病，我話我爸爸是癌症帶走的。。。。
我問醫生如果照腸鏡同痔瘡一齊做，大約幾錢 ? 因為我沒有買保險的。痔瘡妳會用痔瘡槍還是做割的手術 ? 醫生問我仲會唔會生小朋友 ? 我話個女都成年了！唔會再生小朋友 ! 醫生話佢只做割痔瘡嘅手術，唔會用痔瘡槍。要照腸鏡先，要知道條腸有無嘢，有息肉會跟手割埋，如果有其他嘅，就唔會同妳做痔瘡手術。要入院住兩晚費用大約$26000 ! 無買保險會喺診所開定啲藥到時拎埋啲藥入院，慳少少 !
妳們需要返去考慮嗎？不用心急，考慮清楚再打電話返嚟約就可以。由於價錢都是我心中數目，所以我即刻決定，問醫生最快幾時入院做手術 ? 醫生回覆話聽日入院後日可以做 ! 我話 好 !!!
待續
私人傳訊

VIC-E-E


大宅

積分: 1228


3#
發表於 14-5-8 02:32 |只看該作者

回覆：分享~割痔瘡，肛裂同照腸鏡

醫生信寫晚上9時入院，可以喺屋企食埋晚飯先。但喺我知道要飲瀉水，聽人講飲瀉水好辛苦，好難頂 ! 想早啲飲完瀉水瀉清啲便便 ! 我下午5點左右食完碗瘦肉粥就入院，換好晒衫冇耐，亞姐就舉壺瀉水入嚟!! 吩咐我要兩個鐘頭內飲晒喎 ! 望住個鐘家7點，即喺9點要飲晒2L水。傳說中嘅瀉水
私人傳訊

VIC-E-E


大宅

積分: 1228


4#
發表於 14-5-8 03:59 |只看該作者

回覆：分享~割痔瘡，肛裂同照腸鏡

㩒錯制添 !
傳說中嘅瀉水，突然感覺到啲病房內院友嘅眼神，焦點喺我壺瀉水呀！ 唉…我終於出手喇，倒落隻杯一飲而盡。又唔覺飲喎，我覺得ok喎，跟住再隊多杯抖一陣再飲 ! 大約7點25分開始肚痛，跟住去洗手間放。。。放完出嚟又隊過，前前後後我只放咗4次午夜12點後就停 ! 跟住瞓覺 !!
我飲完2L瀉水，我還要飲多1L水，唔知點解飲完瀉水反而覺得仲口渴 !
清晨6點左右，護士嚟問我冇再肚痛 喇 ? 我話冇喇。護士話冇辦法要同妳放一次大便呀！我要睇過妳瀉出嚟啲便便先得呀！要瀉得夠清，照腸鏡先照等清楚架。唉…
跟住姑娘同我放便便，姑娘睇過合格先得，放唔清再拮多支放 便便!!! 好彩我合格咋 !!
等到9點見麻醉科醫生，照腸醫生，再見埋割痔瘡醫生，就推咗我入手術室等(有時間再形容下個手術室，好似返咗6，70年代咁)，醫生幫我全身麻醉照腸，照完再做半身麻醉割痔瘡 ! 唔知幾耐有人拍醒我同我講，醫生家同妳做痔瘡手術，我第一眼就見到麻醉科醫生，即刻問佢我條腸冇嘢嗎照得清楚嗎？醫生答我照等好清楚同冇嘢呀！有嘢唔會同妳做手術架 !! 放心喇 !! 聽完後我安落晒 !!
醫生好快同我做完痔瘡手術，一點不覺痛，可能有麻醉藥影響。由推入手術室到推返出嚟病房差不多兩個半小時，返病房休息了兩小時就食午餐，我怕痛諗住問姑娘，我帶咗藥入院幾時開始食藥 ? 姑娘話等陣問下醫生先，我以為醫生做完手術會嚟見見我，點知個醫生忙到無晒影 返咗診所 ! 要姑娘打電話追問醫生先有藥食咋 !! 果晚傷口都冇咩特別痛，喺有些血水流出，姑娘給我冰粒止血，起初我覺得奇怪，用冰粒止血 ?? 俾到嚟唔通唔試咩，真喺大大話話敷咗2，30粒冰，血水又真喺少咗好多，第二朝醫生巡房檢查，再檢查過傷口，話同我聯咗針，啲痔瘡割清，條腸冇事，5年內都唔洗照腸 ! 啲藥返去繼續食。出得院喇 ! 坦白講，我做完手術只喺食咗兩次止痛藥就出院，出院後傷口真喺唔喺好痛，只喺感覺唔自然，仲有少少血水繼續流出 ! 而出院第二日已經有大便，唔難去 ! 返去醫生診所覆診，只喺話我條線未容得晒，傷口埋得好好 !冇咩唔洗再返嚟 !!
做完手術至今已經差不多兩個月了，天天都有便便，我宜家啲便便喺粗條，以前真喺幼過手指尾架 ! 肛門平滑咗 ! 以後再不用受痔瘡折磨 ! !
祝大家日日便便暢順 !!!

點評

huisum  可否pm醫生，thx  發表於 14-8-15 01:41

私人傳訊

kitty1808


大宅

積分: 1516


5#
發表於 14-5-8 08:25 |只看該作者

私人傳訊

mickeychanchan


男爵府

積分: 5260


6#
發表於 14-5-8 10:13 |只看該作者

回覆：VIC-E-E 的帖子

想問問照腸幾＄？可pm我醫生詳細資料嗎？thanks
私人傳訊

sariabb


男爵府

積分: 6392


7#
發表於 14-5-8 16:47 |只看該作者
thanks for sharing! can you pm me the doctor's information?
私人傳訊

Little-B


別墅

積分: 512


8#
發表於 14-5-9 00:21 |只看該作者
謝謝分享, 也替你高興能解決呢個煩腦。

你所說的是否旺角的鄺醫生?
我 book 了明晚睇鄺醫生, 跟你相似, 又係叫我十時前到, 真的有點緊張。
私人傳訊

HSH3410


複式洋房

積分: 498


9#
發表於 14-5-9 08:17 |只看該作者

回覆：VIC-E-E 的帖子

可晤可以pm醫生資料比我呀！
私人傳訊

萬榮太太


禁止訪問

積分: 16862


10#
發表於 14-5-9 09:44 |只看該作者
提示: 作者被禁止或刪除 內容自動屏蔽
私人傳訊

Issac媽


大宅

積分: 1987


11#
發表於 14-5-9 12:08 |只看該作者
我19號照 係聖保祿，而家都有D怕怕!
私人傳訊

VIC-E-E


大宅

積分: 1228


12#
發表於 14-5-9 14:07 |只看該作者

回覆：mickeychanchan 的帖子

醫生話做痔瘡手術要$16000，連埋照腸就$26000。我諗照腸約$10000左右 !照腸應該唔洗住兩日院架。
私人傳訊

VIC-E-E


大宅

積分: 1228


13#
發表於 14-5-9 14:23 |只看該作者

引用：謝謝分享,+也替你高興能解決呢個煩腦。你所

原帖由 Little-B 於 14-05-09 發表
謝謝分享, 也替你高興能解決呢個煩腦。

你所說的是否旺角的鄺醫生?
是呀！不用緊張的，鄺醫生雖然年紀大，但我覺得佢真喺好有經驗 架 ! 去到診所要有準備，真喺閒閒地等幾個鐘架 !
私人傳訊

VIC-E-E


大宅

積分: 1228


14#
發表於 14-5-9 14:37 |只看該作者

引用：我星期二照,都有D驚呀....你邊間HOSPITAL呀

原帖由 萬榮太太 於 14-05-09 發表
我星期二照,都有D驚呀....你邊間HOSPITAL呀?
隊友，我曾經都好似妳咁好鬼驚架 ! 我喺怕割完痔瘡果種痛 ! 反而知道照腸是全身麻醉我真喺唔驚，上網睇過其他人留言，大多數都喺怕飲瀉水啫，但喺我唔覺得難飲 喎 !飲完瀉水後開始有反應個肚好痛，跟住去第一，二次廁所瀉就真喺…痾到腳仔軟，唯有同自己講要痾清，一定要痾清，如果俾成兩萬幾入院照腸都照唔清，會好蝕架 ，我唔會咁笨 !!
加油 !!
私人傳訊

VIC-E-E


大宅

積分: 1228


15#
發表於 14-5-9 14:39 |只看該作者

引用：我19號照+係聖保祿，而家都有D怕怕!

原帖由 Issac媽 於 14-05-09 發表
我19號照 係聖保祿，而家都有D怕怕!
不用怕，全身麻醉照好似恰著左咁，醒反已經照完 !!
私人傳訊

VIC-E-E


大宅

積分: 1228


16#
發表於 14-5-9 15:16 |只看該作者

回覆：分享~割痔瘡，肛裂同照腸鏡

位pm過我的jm，我不便個個回覆! 請原諒 !!
兩個醫生，女的是我幾年前已鎖定目標之的鄺x玲醫生 ! 但睇佢真喺要有耐性，同埋佢真喺好忙，佢叫我拎埋啲藥入院，但做完手術又冇同姑娘講底，姑娘又唔敢俾我食，好在做完手術後個傷口唔係好痛咋 ! 唔係就慘……
同我割痔瘡，真心覺得佢手勢真喺好好 ! 可以我好彩，割完真喺行得坐得同去便便後唔痛，覆診見到醫生時我都有讚佢 !
另一位醫生是朱健x醫生，可以喺佢嘅醫療中心照腸鏡，所以我估計費用應該平些，我睇過網上嘅留言，口碑很好 !
私人傳訊

Little-B


別墅

積分: 512


17#
發表於 14-5-10 10:10 |只看該作者
回覆 VIC-E-E 的帖子

昨晚我看過鄺醫生了, 對她感覺良好, 不過真係等好耐, 我差不多九點到, 等到十一點半才見到醫生, 姑娘話醫生六點幾返到, 先開始睇預約了三點半的病人, 所以要等咁耐。

她說我的瘡瘡是第三期, 問我會唔會考慮照腸鏡, 基本上她對我說的, 跟你之前所寫的差不多, 如果照完腸之後條腸無問題, 你可以選擇割唔割瘡瘡, 因為我未去到好嚴重, 我出血係因為瘡瘡發大了, 去便便時受壓迫所以出血, 叫我自己選擇, 但是, 做完手術不能上班最少一個星期, 最好休息兩個星期, 她解釋, 這是因為你要每隔兩個小時洗一次傷口, 如果上班是很難做到洗傷口, 這個是最令我頭痛, 怎樣跟公司請 10 天假期呢~~~

我想輕輕問吓, 你做完手術之後是否可以正常活動?
私人傳訊

VIC-E-E


大宅

積分: 1228


18#
發表於 14-5-10 12:23 |只看該作者

回覆：Little-B 的帖子

坦白說，有買保險嘅如果真喺入院照腸就不如順便做埋痔瘡，一了百了！
如果單單只是痔瘡問題，又唔喺好嚴重，唔喺成日發作，自己又頂得緊嘅可以考慮唔理，等下 !
照腸--電視宣傳，年過50就要定期照。家族成員如有人患上過大腸癌，都要注意 ! 自己留意下每日大便，有沒有突然變幼，感覺去唔清，大便習慣改變…
痔瘡--生痔瘡應該唔會死呱 !! 但喺一發起嚟就真喺有痛不欲生 感覺 ! 凸出嘅痔瘡唔會突然消失，唔會自己好返 ，會令人坐立不安，一痛起嚟就想\"佢\"即刻消失 !!!!
而我記得喺星期五入院，星期六做手術，星期日出院 ! 做完手術約4，5個鐘頭後，我已經偷偷落床去小便(姑娘喺唔俾落床架，一定要夠12個鐘先，不過我真喺用唔到便盤小便，唯有偷偷去 ! ) 除了行得慢啲同有些唔自然，基本上我同平時一樣 !
出院後，我第二日已經落街買嘢，湊仔放學，同平時一樣 !
傷口處理----頭幾日傷口還有血水滲出的，有用衛生巾，每次大便後都用和暖清水沖洗，用消毒綿布印乾，再搽醫生開嘅藥膏。
食多點蔬果，飲多啲水讓大便容易去 !
覆診見醫生時，醫生話傷口好好，只係條線未溶得晒，一切正常 !! 唔洗食藥唔洗覆診。
私人傳訊

VIC-E-E


大宅

積分: 1228


19#
發表於 14-5-10 12:29 |只看該作者

回覆：分享~割痔瘡，肛裂同照腸鏡

仲有……割完幾粒痔瘡出嚟一定俾番本人 …
我果幾粒痔瘡，唔喺用粒花生形容到，喺用合桃肉嚟形容
私人傳訊

Little-B


別墅

積分: 512


20#
發表於 14-5-14 00:10 |只看該作者
回覆 VIC-E-E 的帖子

Vic-E-E, 我 book 咗下 22/5 入院, 23/5 照腸鏡, 如果條腸無問題就做埋痔瘡, 希望一切順利啦。

我未去過寶血醫院, 你話好似去咗 6、70年代咁, 我想了解多些這間醫院, 可以告訴我多點嗎? 那裡的衛生如何? 姑娘態度好嗎?

真的不好意思, 咁多野問~
私人傳訊


首頁
12345...11

尾頁

跳至頁
返回列表
回覆
發帖

© 2024 Baby-Kingdom.com Limited.

網站： 聯絡管理員 廣告查詢 私隱政策 使用條款 免責聲明 使用意見