五月時發現沙律子宮有異常分泌流出黎，睇左醫生係子宮蓄膿，拎左分泌化驗證實感染抗藥性惡菌，可用藥得好少，好彩連打六日抗生素後無事，叫做好返。
上星期二發現下巴位有粒好大腫瘤，第二日即刻睇醫生，檢查後係有膿同腫瘤。
未約手術放膿，沙律已經頂唔住 r 爆左粒瘡，我同佢按左好多膿出黎，之後洗傷口同止血，跟住 walkin 去睇醫生。
醫生話爆左都好，清晒膿就得，繼續食返開左既抗生素。
食左幾日藥同洗傷口，傷口已經好左好多，可能傷口痛食唔到咁多野，抱上手感覺輕左。
每次洗傷口同搽藥沙律都好痛，起勢咁想咬我，終於有次得口喇…………咬左我手指兩啖，好彩無流血，沙律每次咬我都會就力咁，好似想話畀我知佢痛，並唔係發癲地想逃走咬到我流血等我放佢走。
好記得要決定做唔做子宮摘除手術時，我爆喊咁抱住沙律，喊得最勁時沙律都咬左我一啖（無流血），我知佢係想我唔好再喊所以咬我。
沙律！努力呀！
我真係無勇氣畀你做手術，但你有事時我會繼續同你睇醫生，盡我最大能力去醫你。
你有事時我朋友同你傾偈，佢話你好唔捨得我地，所以會努力咁去撐，所以我更加心痛你咁辛苦。
沙律！呢個幾月你真係好叻叻，要繼續努力呀！
任何人士未經本人同意不得轉載本人所發表之文章到任何媒體 (包括報章、雜誌及網站)
各位~~~我唔會介紹補習社或興趣班, 唔使 PM 問我呀, 我係唔會覆架~~~
發表於 
媽咪加油。
返回列表
