食療係一樣嘢,運動要配合,唔駛多,每餐食完去行15分鐘已經有助控制糖尿指數。食方面,高糖自然要小心,米飯麵食澱粉質都係會變成糖,所以份量要控制,粥係當中最差,因為吸收快轉成糖更快,加上唔飽肚,食多咗都唔覺。生果中糖份都不能忽視,西瓜、提子、香蕉都有高糖份或高澱粉,食要好有節制,不能多亦不能密。
調味料同烹調方法都要留意,好多調味料都高糖高鹽,睇睇labels去選最緊要,另外好似韓國料理都用好多糖好多調味料,又會加入生果做調味,幾乎食親都超標。當然每個糖尿病人指數唔同,醫生會有指引,要病人維持一定糖份水平。
花旗太太生活在花旗國,留意時差,你問我未必即時答到。