各位JM, 我真係好煩惱呢…..
阿仔而家3歲9個月, 係復活節既時候, 我俾佢去咗想一course, 佢上完好開心, 仲好鍾意個英文老師, 成日話掛住佢。所以我地最後就幫佢報咗一個由呢個英文老師教既course, 每個星期六上堂, 由六月開始。佢開頭上得好開心, 仲話summer course (e.g. 英文堂, artwork, cooking class) 都要係到上。好啦, 我地就幫佢報咗一d, 每日上一至兩個小時。
點知, 係7 月中既時候 (未開始summer course), 有次我星期六去接佢既時候聽到佢喊, 跟住我就問老師點解, 原來老師叫佢做埋少少artwork先放學, 所以佢就即刻大喊了…..
自此之後, 佢每個星期六都喊(老師無話佢, 亦無要佢做最後一個), 但星期一至星期五上summer course 又無事 (英文堂同一個老師教)…..仲好開心....
今個星期三早上, 佢突然喊住話唔番, 我地問點解, 佢又話無野, 跟住仲話可以上堂(當時我以為佢只係扭計), 之後問番reception 姐姐, 原來有個小朋友星期二推佢, 所以佢好驚, 係咁叫老師, 可能係咁, 佢驚見到個同學仔所以話唔番summer course.
之後老師都有同我阿仔講過, 話唔會俾呢個小朋友再推佢或其他小朋友……..
點知, 琴晚, 阿仔突然同我講佢唔想上今日下午既singing course (唔同地方, 之前俾佢試過唔同既興趣班, 等佢自己choose一個), 我問佢點解, 我話你之前仲同我講好開心ga wor, 成日唱番d歌俾我聽, 點解唔想上? 媽媽唔想逼你上, 但我想知點解。跟住佢同我講話又有小朋友推佢同埋其他人, 老師已經要呢個小朋友罰企。但佢仲係驚同埋覺得老師好惡…….我就話, 我知你驚, 但係老師會幫你地, 唔會再俾呢個小朋友蝦你地, 同埋老師只係會對住d頑皮小朋友惡, 所以你唔洗擔心…. 佢仲話ok!
但今日一早, 佢又話唔上singing course 了……
唉, 我應該點幫佢? 請指教!
發表於 
返回列表
