本人用了7000元訂咗星加坡Marina Bay Sands hotel premier view room 兩晚，入住時這酒店沒有告訴我知和未得我同意下就比了一間傷殘人士房我住，我上到房的時候都覺得唔對路，便致電receiption要求換房，但她們說全酒店房滿，明天4點先可以換房比我，到了明天，酒店有一個boy來帶我去換另一間房，換了房後，我便問個boy,點解兩間房唔同的，個boy便告訴我們知，頭先個間房係傷殘人士房，我好嬲，覺得被人欺騙，回港後，我便打去消委會，佢哋教我send mail去Singapore Tourism Board到投訴，結果接納了，還要求酒店向我解釋，但酒店只是叫我下次去找佢，佢會親自招呼我。STB並幫我叫Consumers Association of singapore 要求酒店賠償一晚房間錢。但酒店拒絕，原因係佢話佢已經立刻換房比我和房間已經比大咗我。這酒店真無恥，間房係比傷殘人士用和要比輪椅通過，當然房間要大啦，佢明天4點先換房比我就係叫立刻換咗房比我。這間五星級的酒店竟然做錯事唔應。現在Consumer Association of singapore 叫我去星加坡小額索償法庭到追，但文件要用英文，我唔識，佢話法庭可幫我翻譯，費用係200元100個字，至於Consumer Association of singapore 佢會幫我出庭，我應該點做好
我告訴大家知，傷殘人士房的洗手間係一間全無間格，只有週圍都係扶手鐵，廁所冇門，沖涼的地方又無遮無掩，沖完涼整個廁所都濕的，全個洗手間係一個四方型，什麼都冇。正常的premier view room係一個腰豆型浴缸，一個花晒企缸，有一個間隔廁所。我點解要嬲，因為酒店冇房可以在check in 的時候同我講，並可以問我比傷殘人士房我得唔得。那我可選擇唔入住，去找另一間酒店，但酒店就選擇了瞞騙我入去住，錢我比一樣，亦都唔平，在星加坡酒店價錢裏是最貴的其中三間。景一樣，但設施就大大不同。
發表於 
要賠幾多
返回列表
