吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 單親天地› 我都覺得好辛苦...我都好想放棄....

單親天地今日: 0|主題: 18279

收藏本版

發帖

返回列表

跳至頁

查看: 3257 | 回覆: 33

我都覺得好辛苦...我都好想放棄.... [複製鏈接]

→芷塋←

大宅

積分: 2422

1^#

發表於 08-2-17 22:32 |只看該作者 |倒序瀏覽 |打印

囡囡一日一日咁長大....
雖然我同囡囡而家嘅生活都好ok....
但係我遇到好多好多好難面對嘅問題...
年初一我奶奶打俾我叫我初二返去食開年飯....
成個家族嘅親戚都會係到....
初二我返左去...
個c6用佢一向對我嘅態度對我....
個一日好似一家人好溫馨...
我個心都好開心....
食左飯我就返自己屋企...
走個時佢叫我小心d返到屋企打俾佢...
到初三我再打俾佢嘅時候...
我再一次去問佢我地係咪真係唔可能再一齊維持呢一頭家...
佢只係好絕嘅一句:唔可以

公司嚟左一個新同事...
同我好岩傾大家都好似有一種超越朋友同事嘅感覺...
佢能夠接受我係一個結過婚嘅人....
但係佢唔能夠接受我囡囡....
我好難決擇....

係到見到好多人又話唔會放棄自己小朋友....
亦有好後悔行左呢條路嘅人....
而自己只係剛剛開始行呢條路....
心裡面好怕好怕....
日後我可以點....
我會有幸福嗎?
我的將來又是怎樣?
我有想過要放棄囡囡.....
但我唔捨得....
故此我只能放棄我嘅幸福嗎?

0 0 0

決心忘記~收拾心情~要努力慢慢走出呢個困局

私人傳訊

charmaine_1

公爵府

積分: 25692

醒目開學勳章畀面勳章

2^#

發表於 08-2-17 22:46 |只看該作者

原文章由 →芷塋← 於 08-2-17 22:32 發表
囡囡一日一日咁長大....
雖然我同囡囡而家嘅生活都好ok....
但係我遇到好多好多好難面對嘅問題...
年初一我奶奶打俾我叫我初二返去食開年飯....
成個家族嘅親戚都會係到....
初二我返左去...
個c6用佢一向對我嘅態度 ...

我選擇左我個女,我一D都冇後悔

有冇男人比幸福我,冇所為,只要同亞女每日開開心心

順順利利大吉大利

私人傳訊

$1010

民房

積分: 36

3^#

發表於 08-2-17 22:49 |只看該作者

點可以放棄自己個女,絕對唔贊成!!
單親路我行左7年啦..我又唔覺太難行
只要樂觀面對就可以,講就好易,但我就從來都冇諗過放棄仔女..冇乜動力會令我咁諗
有心儀既男人話接受唔到你個女,咁就由佢走吧啦
佢一定唔會係可以同你一生一世既人
如果一放佢走佢就走,咁即係佢都唔係好愛你啫..咁就更唔值得留戀啦
呢個世界有好多軟弱既case...但有更多堅強的
我地唔應該去學軟弱的..應該自強不息!!
照顧一個女女好少事咋..有大把人多過一個仔女都係單親
我自己都兩個..我覺得有佢地兩個反而令我更積極
好多事如果唔係因為有兩個小朋友,可能我都係一個好軟弱既人
在小朋友身上可以學到好多好多野架..佢地先係人生既動力..小朋友係絕不可以放棄的
加油吧~~
(我唔係太識講野,希望你明白我意思啦

)

私人傳訊

tung0503

大宅

積分: 2113

4^#

發表於 08-2-17 23:00 |只看該作者

我都覺得唔可以放棄自己既親生骨肉架!
我覺得如果你個位同事係真係鍾意你or去到愛你既地步..佢應該要包容你既全部(姐係你囡囡..你以前既背影等等)如果佢真係做唔到..我諗佢冇可能會比到幸福你!想自己得到幸福但令到1位小朋友冇左mami..我諗你應該做唔到的!
只係我個人睇發..有咩講錯.請多多見諒!

你要努力呀!

[ 本文章最後由 tung0503 於 08-2-17 23:01 編輯 ]

私人傳訊

可樂魚

王國長老

積分: 1906

王國長老

5^#

發表於 08-2-17 23:07 |只看該作者

芷塋:

一個唔肯對妳母女負責既男人,送俾妳都唔恨.

一個唔肯因為妳接受妳囡囡既男人,愛佢自己多過愛妳,一種自私既愛,亦都係送俾妳都唔恨.

私人傳訊

sandy816

子爵府

積分: 13433

BK Milk勳章畀面勳章

6^#

發表於 08-2-17 23:18 |只看該作者

點解你要覺得自己放棄緊你既幸福呢?暫時囡囡仲細.到佢識同你有講有笑個感覺就會好好多架喇.空虛同"支力"只係過渡期.當囡囡大小小就會好好多架喇個感覺..努力啦.見你話依家生活ok.你已經有好大進步.好叻架喇

..
有時感情既野..要黎邊個都阻唔到..
人地有權揀你.你都有權揀返人姐.

原文章由 →芷塋← 於 08-2-17 22:32 發表
囡囡一日一日咁長大....
雖然我同囡囡而家嘅生活都好ok....
但係我遇到好多好多好難面對嘅問題...
年初一我奶奶打俾我叫我初二返去食開年飯....
成個家族嘅親戚都會係到....
初二我返左去...
個c6用佢一向對我嘅態度 ...

私人傳訊

sonic04

水晶宮

積分: 51648

至尊種植勳章好媽媽勳章醒目開學勳章 2011至尊種植勳章畀面勳章環保接龍勳章爸B勳章

7^#

發表於 08-2-17 23:45 |只看該作者

果位男仕如果真係明言

唔可以接受令千金

我覺得個男人真係好人有限囉

但我有個想法

我覺得個男人係想試你

如果你話放棄令千金的話

佢就真係唔再愛你

但無論我估得啱唔啱

你要明確地同佢說

我一定唔會唔要個女

p.s 只係個人意見，不必太過介懷

不要問國家能為你們做些甚麼，要問你們能為國家做些甚麼。Ask not what your country can do for you, ask what you can do for your country.

私人傳訊

QUINCY121HK

侯爵府

積分: 22858

8^#

發表於 08-2-18 00:02 |只看該作者

原文章由 →芷塋← 於 08-2-17 22:32 發表
囡囡一日一日咁長大....
雖然我同囡囡而家嘅生活都好ok....
但係我遇到好多好多好難面對嘅問題...
年初一我奶奶打俾我叫我初二返去食開年飯....
成個家族嘅親戚都會係到....
初二我返左去...
個c6用佢一向對我嘅態度 ...

樓主,
你可以選擇...要唔要男人.
你可以選擇...要d...mud野男人.

當日你要生女女出黎....你就有責任去照顧佢....男人通街都有.....你有大把選擇.....但兒女係無得比你選擇架.....:cry: :cry: :cry: 路係難行.....你都要咬緊牙關....一步一步慢慢行.....人夠難做啦....你米一樣做左甘多年....比心機....湊大女女好過啦......

私人傳訊

唔該晒

別墅

積分: 683

9^#

發表於 08-2-18 00:08 |只看該作者

如果每個單身人仕想面對新生...係咪先對自己負責一下好的呢!!

唔係話你唔好,唔負責,但唸一唸兩者分開,兩人都會有問題存在?:idea: :idea:
面對自己既人生之餘,你身邊既人都好重要!!

冀望新既戀情,唔想重道覆轍,理應要三思!!!

伴侶既重要性都唔及親人重要"由其骨肉相連"

反而自己努力人生,唔念感情事,你會活得更精彩!!!"可能真真感情就會伴隨而來"

要放棄致親成全自己,咁既男人都會離你而去!!"可苦再傷多一次,痛得更深呢"

個人立場:我並唔冀望單身後會有情人

私人傳訊

媽子

大宅

積分: 2837

10^#

發表於 08-2-18 00:23 |只看該作者

之前曾看你說過，為了照顧女兒所以不會選擇一份全職工作，為了女兒會咬緊牙齦捱下去...

現今卻為了一段可能沒結果的感情而想放棄？

大大隻字在簽名位說"決心忘記~收拾心情~要努力慢慢走出呢個困局"，但卻因前夫一時關心，而去"再一次"問他可否復合，答案其實早在你心，又何必自添難過！

難道沒男人就不能照顧自己與女兒？沒男人就身心不定？

年青並非為自私的一個借口，對方說接受不了，難道你就真的要拋棄她？為何不可學他堅守立場告訴他"要我...就一定得接受我女！不要...大家就算了！

去自問問自己......
能否再承受另一次感情失敗的創傷嗎？
如果離開女兒後，萬一此段感情再終結，你好意思再去領回女兒嗎？

一個相識不久的男人，會比從出生至現在，一直感受你喜怒哀樂，默默地帶給你希望的女兒重要？

我意思並非單親一定要孤獨到老，但能夠遇到一個真心愛你以及更加愛你女兒的才是最好！

[ 本文章最後由媽子於 08-2-18 00:26 編輯 ]

私人傳訊

eva1320

男爵府

積分: 7478

11^#

發表於 08-2-18 01:10 |只看該作者

芷瑩:

最辛苦最難過ge時間你都勇敢行過左, 值唔值得為左一個唔接受你最親最愛ge人而放棄, 我諗你已經大個女識諗了, 加油!

私人傳訊

●←紫→●

大宅

積分: 2413

12^#

發表於 08-2-18 01:28 |只看該作者

原文章由 →芷塋← 於 17/2/08 22:32 發表
囡囡一日一日咁長大....
雖然我同囡囡而家嘅生活都好ok....
但係我遇到好多好多好難面對嘅問題...
年初一我奶奶打俾我叫我初二返去食開年飯....
成個家族嘅親戚都會係到....
初二我返左去...
個c6用佢一向對我嘅態度 ...

→芷塋← :

妳諗都唔好諗為左個男人而放棄自己個女呀, 妳自己諗吓當初為乜生囡囡出黎, 到而家話想放棄自己個女...
無錯...單親呢條路真係好難行, 但...妳一開始就選擇左呢條路, 點解妳唔一直行落去呀, 過多一段時間, 妳既付出就會開始見到, 而且妳既回報會係不久既將來得到, 妳自己好好咁諗清楚啦~~~

私人傳訊

p_o_m_a_n

子爵府

積分: 10333

好媽媽勳章醒目開學勳章

13^#

發表於 08-2-18 01:34 |只看該作者

原文章由媽子於 08-2-18 00:23 發表
之前曾看你說過，為了照顧女兒所以不會選擇一份全職工作，為了女兒會咬緊牙齦捱下去...

現今卻為了一段可能沒結果的感情而想放棄？

大大隻字在簽名位說"決心忘記~收拾心情~要努力慢慢走出呢個困局"，但卻因前夫一時關心，而 ...

好認同...寂寞時想有個人係身邊好正常,但都要個人係合適人選先得...
我相信你當初選擇左單親,1手湊大囡囡就應該預左唔係個個男人都可以做到愛屋及烏..係咪?
點解咁快就動搖??
而家只係有個男人講緊只係"超越朋友同事嘅感覺"..拍拖都未係...
值得為佢放棄最艱辛時期係你身邊既囡囡咩??
可能你會覺得係因為囡囡所以你先咁辛苦..但如果你唔要佢,你1定會後悔架,到時咪又係怨呢個男人令你冇左個女...果陣你仲只會得番你自己1個...........你考慮清楚啦...

其實你唔係剛剛開始行呢條路,你囡囡唔係已經歲半啦咩??睇下?過得好快架咋....
你唔洗怕啦,將來實會"預"到接受你所有既男人架..
你會有幸福架...

私人傳訊

sleep

大宅

積分: 3299

14^#

發表於 08-2-18 02:50 |只看該作者

個男人接受唔到
呢d男人唔使恨
冇男人一樣可以過日子
你女女仲細, 但你看到他一日一日長大
你會放棄她嗎
男人通街都有
但女女只有一個
我記得有個婆婆講過
男人不一定陪你過世
但你對仔女好
他一定陪你到老

私人傳訊

monmonchin

別墅

積分: 776

15^#

發表於 08-2-18 11:10 |只看該作者

其實li個世界並不只有你ex/你同事呢兩個男人,
咁點解要張自已限制於咁細個圈入面?
而你囡囡就無選擇因她仲細,
你就係佢既一切,

我好明白你既心情,
我曾經亦有過同樣的想法,
唔同既係我既ex好想亦好樂意接走個仔,
但我都無比返佢,唔係想同佢爭,
而係我知道他雖然係一個好爸爸但並不是好榜樣,
所以即使呢段時間好辛苦(金錢,感情,身心)我唔會放棄,

我亦問過自已咁係咪要放棄自已一生辛福?(因為同樣地我也遇到一個唔接受我個仔既男人)
答案係唔係...
因為我個仔就係我既一部份,就好似我既手腳一樣,
唔可以話我愛你,但因為你腳太短所以接受唔到,

而且以你年紀咁細所識既男人既年紀都比較細,
所以仲未係可以定下黎個種,
亦好難要求佢地有呢種既責任感,
但只要你堅持你既信念我想信一定可以搵到真係愛你既人,
怕就怕你堅持唔到,係15/16(張張就就)下同一個人一齊,
結局亦只會不停重現........

p.s.現在我搵到一個愛我接受到我既仔(包括金錢/精神上)既男人,亦等待我和他的仔出世,我自已好慶幸我無放棄到自已既堅持,

共勉之

http://hk.myblog.yahoo.com/monmon-chin

私人傳訊

wingcma

民房

積分: 63

16^#

發表於 08-2-18 11:41 |只看該作者

很討厭你呢啲人,辛苦?係人單親都係咁辛苦嘅啦,我夠係一個人搵錢幾個人使啦,無男人使死咩?為咗一個相識得個幾日嘅男人就話要放棄自己個女,你生得佢出來就要負責任架喇,我從來都無諗過要放棄女兒,乜嘢原因都好,女兒永遠都係為先.你依家幾多歲?頭腦咁簡單嘅?

自由,我需要自由地生活,請不要嘗試控制我,不要將我當成你的扯線公仔,我不會為你而放棄自我,永遠都不會...........

私人傳訊

ling0722

禁止發言

積分: 1268

好媽媽勳章

17^#

發表於 08-2-18 12:10 |只看該作者

提示: 作者被禁止或刪除內容自動屏蔽

私人傳訊

RSG媽媽

瑪瑙宮

積分: 128853

畀面勳章環保接龍勳章大廚勳章

18^#

發表於 08-2-18 12:27 |只看該作者

無男人唔使死既
奉勸你一句
千萬唔好放棄個女
好少可有感情係可以天長地久
個女就一世都係妳既

為左想同個男人一起而放棄個女
點都講唔通

我覺得你所謂既幸福
係想有個伴[即男人] 有人照顧
你都係實際d
學習獨立d
男人係靠唔住既
妳個女咪係你最好既"伴"囉
好好照顧個女&妳自己
咁你就會發覺自己係好幸福既