我想share我的小故事,希望為jm們加油,其實在bk都打滾左唔短既時間,我本身有多囊,11年結婚,婚後兩個月就好幸運發現自己bingo左,但好可惜8周時見紅兼發現係空心胎,兩周後都沒有奇蹟出現,只好做手術同bb講再見,當時的我傷心到每天都只識哭,咁啱公司同事都一樣有左預產期同我原先只相差兩周,當時我每天看見她的肚越來越大,每天聽到佢講有關bb的事同朋友的面書洗版,我成個人都好似崩潰同變得抑鬱之後人地話黃金六個月好快可以月返,但好可惜我份工需要出trip, 黎m日子又唔定,又出trip出得密,根本都冇機會再試
經過半年多近一年時間後,先可以放低到,開始努力嘗試但都不成功,中醫又睇過幾個,排卵藥都食過亦唔得,計體溫紅d哈哈笑都唔中,最後試下轉下又試到14年都唔成功,14年年頭去左拜龍母天后娘娘,之後幾個月開始懷疑會唔會自己機能問題,去左驗血照輸卵管都冇問題,老公丁丁亦冇問題,醫生話再試下自己努力,但三年的過去已經無形添加給自己不少壓力,老公並沒有給壓力我,常對我說生唔到唔緊要,有你在身邊已足夠,不過我自己真的很想同佢生小朋友令家庭更完滿,最後我選擇了轉睇不育醫生希望聽多d意見,最後佢建議我地做IUI,我哋都同意試下,本來試day 2打針易d控制,點知公司突然轉左一d公事schedule,搞到唔可以請假去check卵子,醫生就幫我計日子遲少少食排卵藥希望推遲排卵,幸好d蛋都好合作,亦發現了一直紅d有正常深粗淺線的我其實都唔太正常, 因為原來我用紅d check到深粗時粒蛋根本就唔夠大,連10mm都冇,醫生話我LH拉高左,所以身體俾左false alarm粒蛋可以出黎,即係平時粒蛋根本唔夠大排出黎或者排出後因為size細都冇用,醫生即刻開左三日針俾我打,用作谷大蛋蛋同抑制LH再拉高,好好彩最後day 25終於夠大可以做IUI, 亦都好好彩好感恩做左第一次就中左,而家過左13周了,希望一切順利
在此為未中既jm加油,只要唔放棄便一定會成功,亦都要把握時間對症下藥,如果努力未成功既,唔好唔開心,我都曾經好唔開心過抑鬱過,但之後諗通左,明白一切都係緣份,由天安排the best gift in best timing, 大家加油啊!