吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 想問問大家，點答99好

婆媳關係今日: 5|主題: 27697

收藏本版

發帖

返回列表

跳至頁

查看: 5830 | 回覆: 38

想問問大家，點答99好 [複製鏈接]

mamacolly

大宅

積分: 3686

1^#

發表於 14-12-11 11:43 |顯示全部帖子 |倒序瀏覽 |打印

99尋日黎我屋企（已經三番四次唔通知聲我同老公就突然出現），我係有d唔開心，不過無表現出黎，只係事後同老公講下次黎打俾我先～當時我煮緊飯，我同大仔食完到兩點就要準備午睡，99黎到一直坐係度睇股票，咁我都無點理佢，餵完大仔食完就入房餵女食奶⋯
其實我一湊二根本無時間得閒招呼佢，所以老公都同佢講等放假再黎，佢無理，一個禮拜黎兩三次，搞到我經常一轉身睇到玻璃門出面企咗個人嚇餐死！明明有我電話嘎嘛

好了，到差唔多午睡時間，我聽到佢打電話搵叔仔，話陣間地鐵等，我問佢係咪約咗叔仔，如果要走我要鎖門（因為住村屋地下，老公要求我午睡一定鎖門保障安全），佢話係，跟住話要帶我仔出去，我話佢今朝好早起身，宜家差唔多要訓一下（係佢自己一黎到都話訓醒帶佢去sir滑梯，可能安排有變就想宜家就帶走）佢見我唔贊同，又同我仔講去唔去街，去換衫啦⋯我覺得佢當我講野無道咯，我呢個阿媽話要訓下，佢就係要帶走去玩，我再三拒絕⋯而且話12號c6放假，到時飲茶啦～
佢走咗之後隔一日，就發msg俾我話：我不會那麼辛苦幫你，我大把錢用，居屋我不會幫你們搞，你本事大你自己去，我不會同你住，你容不了我，我坐一陣你就趕我走⋯⋯

我O曬嘴，唔知佢發咩神經，講到我貪佢錢靠曬佢咁，你地覺得我點答佢好？定唔洗理佢？

0 0 0

私人傳訊

mamacolly

大宅

積分: 3686

2^#

發表於 14-12-11 12:10 |顯示全部帖子

回覆：想問問大家，點答99好

我有copy俾c6睇，c6話唔好理佢，我又覺得佢一定會搵兩個孫，就快過年佢一定想兩個小朋友翻去，我當無事發生嗎？
我覺得係佢對我有意見先凡事覺得我針對佢～見翻佢唔知點面對佢好，其實佢都唔係第一次咁，今次算好會咁直接同我講，以前佢係同d三姑六婆講，例如話我特登帶個仔訓覺唔俾佢玩，跟住d人就會打電話俾我問我做咩咁做⋯

私人傳訊

mamacolly

大宅

積分: 3686

3^#

發表於 14-12-11 12:52 |顯示全部帖子

引用：回覆+mamacolly+的帖子一係唔回應。二係答

原帖由 M.A.C 於 14-12-11 發表
回覆 mamacolly 的帖子

一係唔回應。

呢個又係一件好想呻嘅事，話說兩年前我同佢一起住，佢有日話要抽居屋，但我，c6，99仲有我仔一起輪緊公屋嘅，如果攞張公屋籌去抽居屋，咁我地就無公屋嘅資格啦，我同c6都唔同意，始終壓力大，得c6一個有收入嘛⋯
99問我攞張公屋籌，我話係c6度（其實係我度，佢唔理我地反對堅持去抽，我唯有唔俾張籌佢咯，個陣c6住62度，6299離婚好耐了）99就係我面前發脾氣，話爲我地好又哩又路，我心諗你究竟有無尊重我地意願嘎？！
好了，件事過去兩年幾後嘅上個月，佢又提起居屋，其實佢明知我地兩年前唔同意，今時今日更加唔會，因為又係得c6一個收入，但意外多咗個妹妹，有咩可能想俾層樓綁住？但佢又係一意孤行，可能佢大把錢咯，想一次過買唔洗我供，咁我咪又要同佢住，佢仲話到時居屋要留翻房俾佢同叔仔

我想話我只希望自己一家有個安樂窩，就算留間俾叔仔都無所謂，99你就⋯⋯⋯我唔想翻番去兩年前個種生活⋯
佢呢條msg我睇到都有d嬲，明明我無求你無叫你出任何錢，老公辛辛苦苦賺錢，我辛辛苦苦湊仔，大家配合好好，點解講到我欠咗你

私人傳訊

mamacolly

大宅

積分: 3686

4^#

發表於 14-12-11 12:57 |顯示全部帖子

引用：你要靠佢咩先,+如果你真係要靠佢先買到居屋

原帖由 黃女士 於 14-12-11 發表
你要靠佢咩先, 如果你真係要靠佢先買到居屋或要佢俾錢, 咁佢就真係惡晒啦.
但勸你一句, 如果為左間屋要同個 ...

就係無靠佢佢都咁惡，我諗佢心入面已經俾金錢惡魔控制曬，成日同三個仔有意無意咁暗示：聽我話，我就俾錢你⋯⋯⋯恐怖到咧，仲想湊我個仔，真係No way，學埋佢d心態我有排煩

私人傳訊

mamacolly

大宅

積分: 3686

5^#

發表於 14-12-11 12:58 |顯示全部帖子

引用：如果我係你,我唔會回應任何挑釁性的低能說

原帖由 方方媽媽 於 14-12-11 發表
如果我係你,我唔會回應任何挑釁性的低能說法,因為我完全有獨立的能力,唔洗靠99幫,而且我C6一向好撐我.
你自 ...

我就俾咗老公睇，老公話唔知佢發咩神經，叫我唔好理，我只希望以後真係唔洗見佢，唔係我唔知要同佢點相處，心中有條刺

私人傳訊

mamacolly

大宅

積分: 3686

6^#

發表於 14-12-11 14:05 |顯示全部帖子

引用：Quote:mamacolly+發表於+14-12-11+12:58+我

原帖由 方方媽媽 於 14-12-11 發表
我睇埋你前因後果既post,我又有唔同睇法啦.
既然你都咁肯定唔會抽居屋,倒不如就回覆99,講清講楚.
"99,多謝 ...

我份人嘅性格就好似你咁講嘅，會直接講清楚，但我老公就好中意同99用拖子訣（唔止我老公，叔仔都係），老公話由得佢搞，我就唔贊成咁做，咁99做到最後裝修埋係咪唔去住？我就一定唔會去住，老公就一句：到時再算，未必抽到

可能係佢地從細嘅相處模式，因為99成日咄咄逼人，老公佢地又唔想傷感情，佢地寧願由得99自己做自己事咯～
真係村屋住咁大，我地都唔多想搬，所以我都好想幫老公減輕負擔，唔請工人少出街食飯，兩個小朋友都全人奶埋身，奶粉奶樽所有野都唔洗浪費金錢，遲d細嘅大咗會自己做d細藝賺d錢，淨係咁簡單嘅諗法～真係唔想俾佢d惡魔心理影響到俾錢操控自己！

私人傳訊

mamacolly

大宅

積分: 3686

7^#

發表於 14-12-11 14:07 |顯示全部帖子

引用：根本唔使答佢，返嚟俾返C6睇，希望佢以後唔

原帖由 wahiuma 於 14-12-11 發表
根本唔使答佢，返嚟俾返C6睇，希望佢以後唔好嚟添啊

講真，佢講到咁聽日一定唔洗去飲茶啦，心入面真係好開心嘎⋯

私人傳訊

mamacolly

大宅

積分: 3686

8^#

發表於 14-12-11 14:36 |顯示全部帖子

引用：一,+唔好回應佢個msg二,+如果你老公都叫你

原帖由 LiC9_Joey 於 14-12-11 發表
一, 唔好回應佢個msg
二, 如果你老公都叫你唔好理佢, 你就唔駛理;
三, 最好叫你老公搵埋佢阿媽一齊講番件事 ...

頭先同老公講咗電話，老公話99無打過電話俾佢，亦唔敢搵老公先⋯我問點解，老公話99怕我將件事講俾老公聽，老公一定會鬧佢⋯
老公有句講得岩，以佢性格，佢覺得我無咁大膽公審佢，就算公審99，佢個腦只會堅持自己諗法，面子又落唔到，自尊心咁強勁，應該係浪費口舌添～
我岩先知，老公話99講我特登帶我仔午睡，我仔都唔想訓，細路仔梗係想玩嘎而且唔會一沓落床就訓著嘎啦，係要傾下計唱下歌

因為佢黎個幾次，我湊兩個訓時佢唔會敲門就入黎，仲話做咩仲唔訓呀⋯佢講咗呢個問題兩年幾了，但兩年黎佢都係一兩點午睡時間突然走黎，你叫我點就你？早d打個電話我儘量早d湊訓，又或者你提前or夜d黎⋯

私人傳訊

mamacolly

大宅

積分: 3686

9^#

發表於 14-12-11 14:41 |顯示全部帖子

引用：做99+GE+永遠都認為心抱想謀佢的身家.就算

原帖由 美之選468 於 14-12-11 發表
做99 GE 永遠都認為心抱想謀佢的身家.就算佢明知道女家富有過男家太多太多....99依然系認為心抱是為左錢而 ...

就係，記得年幾前，我老公搵地方租，有個相熟地產中介同老公推介個筍盤，老公想買賣，不過無錢呢，就同99提，不過無叫佢俾錢嘎，係話應該有得賺，叫佢自己睇睇～

事後無耐，老公阿姨竟然打俾我，問我點解叫99出錢買層樓

大佬，關我qq事咩，由頭到尾我一句聲都無講過！！

私人傳訊

mamacolly

大宅

積分: 3686

10^#

發表於 14-12-11 15:37 |顯示全部帖子

引用：Quote:mamacolly+發表於+14-12-11+14:05+我

原帖由 mini1204 於 14-12-11 發表
既然有人鍾意拖, 即係唔面對現實啦
我係你更加會照方方媽媽既方案去答
趁亂一了百了

都有怪自己之前無大膽d同佢講，佢前排一直叫老公印影好身份證明文件，12月份要去抽，係無問過我任何野，當時我嘅諗法係：99不屑同我提呢d事，因為佢認為我老公係一家之主，唔到我話事！
咁又係，錢又唔係我出，我同老公講你唔想住就早d同99講，我唔想到時被逼去住⋯⋯⋯其實爲呢件事同老公已經吵咗大鍋，既然係咁，我都沈默是金算了，等老公自己拆點佢，反正我已經同老公講到明唔住！
無諗到佢係認為我求之不得佢買居屋，鬼整佢咯！！！

私人傳訊

mamacolly