吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我跟我老公既故事

夫婦情感今日: 3|主題: 42443

收藏本版

發帖

返回列表

跳至頁

樓主: 小小貝

我跟我老公既故事 [複製鏈接]

123 4 5

小小貝

大宅

積分: 1003

21^#

發表於 15-1-2 06:55 |只看該作者

回覆：我跟我老公既故事

日子慢慢咁過，我唔鍾意A先生去接觸佢之前既老婆，而A先生係個開頭個2年都有偷偷地咁偷睇佢Facebook，而我發現後又大嘈，個陣好幼稚，唔識諗，日子都係慢慢咁過，有時唔係好開心，但有時都好開心，bb半碎了，同A先生去左沙灘玩，bb1碎了，同A先生去左南丫島，亦係我第一次去，bb慢慢大個左，我同A先生亦嘈話好多次交，A先生個時既脾氣好差，而我亦唔忍得，試過佢發我脾氣掉左隻介指，掉低我同bb2個人係條街度，打我，閙我。
但呢d日子慢慢咁過去。
A先生中左6合彩，唔大既銀碼但都好過無，屋企終於可以買個洗衣機，而A先生都買左架佢恨左好耐好鍾意既車。
有一年我情人節，A先生偷偷地買左花送比我，到依家我仲記得佢比花我個陣既傻樣，有d怕羞又得戚咁同我講，拿，我人生第一次買花比女仔嫁，開心嗎？我好驚喜，因為無諗過A先生份人咁唔浪漫，都識去買花比我，花雖然唔係好靚，但我個心好滿足。
我經常同A先生講去睇星星，但佢次次都同我講，睇咩星星呀，我地日日都睇嫁啦，屋企個廁所咪係囉，你睇下個燈光，幾似星星。每次佢咁講，我每次都好激氣又想笑，但好無奈，心知佢唔係浪漫既人。
有一次，佢出左糧，個陣就算出糧了生活都唔係好夠，個陣同佢行街，經過mabelle,佢係都要拉我入去買條鏈俾我，條鏈唔貴，但我好開心，開心唔係因為收禮物，而係因為佢份心意。
有一日係火車站樓下，佢突然間拎左隊結婚介指出黎，我地一齊去買的，但係我唔知佢自己去左拎，我好開心，帶上隻介指，而個陣A先生終於同佢之前既老婆離婚了，可惜因為我家庭問題，而令我地結唔到婚住。
我21碎了，終於可以結婚了。買了另一隊介指，之前個隊因A先生同我嘈交發脾氣掉左。結婚只係注冊，雖然只係咁，但我依舊好開心，我永遠記得A先生讀既結婚誓詞，我唔知有幾分真心係個度，但我相信佢可以做到。

私人傳訊

咸蛋蒸豬肉

別墅

積分: 560

22^#

發表於 15-1-2 07:41 |只看該作者

回覆：我跟我老公既故事

追

私人傳訊

小小貝

大宅

積分: 1003

23^#

發表於 15-1-2 07:45 |只看該作者

回覆：我跟我老公既故事

架車無左了，我知佢唔開心，但無辦法，A先生有排失業，因為佢我鍾意左玩game，有一段好長既日子，我同佢成日玩game，打到天昏地暗，打到唔知時日。
A先生份人好懶，咩都要我服侍佢，我變左係佢老婆，佢個女既媽媽，同埋屋企既24小時oncall既工人。雖然係咁，但我心甘情愿咁做，因為為我愛既人去做，但我開心。
因為個bb問題，我同A先生都嘈左好多次，其實我同佢都唔識去教bb，同埋同A先生缺乏溝通，好多時候我想同A先生傾下，但唔知點解佢永遠唔想同我傾，一傾就發脾氣。
我地好多時候去樓下公園玩，去隔離士多食野，去行街，食d我從未食過而A先生話好好食既野。
Bb開始返學，望住佢小小既身影咩住個大大既書包去返學，個心唔捨得但又有d欣慰。bb開始長大了，脾氣亦愈黎愈差，亦無以前細細個咁可愛，但佢都係我地既寶貝。
有一年，政府派錢，派左6千蚊，A先生放工後偷偷地去買左部iphone俾我，仲買左架單車俾個女，我好開心，但又係口度罵佢，做咩浪費d錢呀。其實有無呢d物質我無所謂，只係我鍾意A先生既心意，無論佢買咩比我，我都咁開心，就算只係一粒糖，我都係咁開心。

私人傳訊

ChinoB

侯爵府

積分: 20138

24^#

發表於 15-1-2 08:16 |只看該作者

回覆：我跟我老公既故事

A先生就係妳老公嗎？何解用A先生稱呼呢？

愈嚟愈冇記性

私人傳訊

小小貝

大宅

積分: 1003

25^#

發表於 15-1-2 08:27 |只看該作者

回覆：我跟我老公既故事

有一年因為意外之財，我地又買返架車，我地成日揸架車去呢度個度，成日去睇A先生鐘意行既野，但依舊無去睇星星。
我地慢慢咁裝扮架車，A先生都當左架車係第二個bb咁錫佢。
我23了，又有左個bb，bb係妹妹，我曾經問過A先生你介意我無生到個仔嗎？A先生同我講，佢唔會介意呢d野，無論仔女都係咁。
係我大住個肚8個月個陣，發生左一件事，令到我既人生改變，A先生出軌了，而我一直以黎我唔要求d咩，只要求佢一心一意只愛我一個人，我要既人願得一人心，白首不離頭。
A先生既出軌佢好後悔，而對我黎講都係個重大既打擊，我對佢失去了信心，覺得佢唔係個忠誠既男人，而我當初最愛佢既野無左。呢件事係好快過去，而我亦只可以原諒A先生，當發生呢件事個陣，我曾經痛苦到想去自殺，但想起大b，想起肚入邊就出世既bb，想起A先生，最終無去做到，我曾經同A先生講過，你衰咩都得，唯有一樣野唔衰得，如果俾我知道你背叛左我，我一定會離開你。
但當件事發生後，原來我根本放唔低A先生，我根本離唔開佢，多年既相處令我依賴佢，令我愈黎愈愛佢，令我就算佢無左我最愛既野，我依舊咁愛佢。
小b出世了，呢次bb既出世A先生同之前個次唔同，佢好感動，眼濕濕咁同我講，唔再生啦，佢唔想見到我咁痛。
Bb滿月後，我同A先生出左去做d小生意，做個段日子好忙好攰，但同A先生一齊返工就好似回到當初同佢一齊返工咁，日子好開心，我同A先生感情都愈黎愈好，個年既年初5係情人節，A先生成日想買花比我，我唔比，其實我想收花，但又覺得貴同唔抵，所以唔比A先生買。
但A先生出軌呢件事令我太痛心，我都開始愈黎愈唔信任佢，愈黎愈要check佢，愈黎愈管制佢。

私人傳訊

小小貝

大宅

積分: 1003

26^#

發表於 15-1-2 08:28 |只看該作者

回覆：ChinoB 的帖子

係，方便打，所以用A先生，因為我唔知以後佢會唔會係我老公了

私人傳訊

ap1113

大宅

積分: 2814

27^#

發表於 15-1-2 08:40 |只看該作者

回覆：小小貝的帖子

追

私人傳訊

小小貝

大宅

積分: 1003

28^#

發表於 15-1-2 08:52 |只看該作者

回覆：我跟我老公既故事

我從來唔知我既管制，唔信任對A先生造成咩影響，我問過佢，佢話唔介意，我無諗過可能佢會介意。
有一次，A先生煮野俾我食，雖然煮完我好多野要汁要洗，但我都係好開心，佢整曬我鍾意食既野，就黎谷到我愈黎愈肥。見住佢煮野個樣，有種好幸福既感覺。
屋企d野慢慢齊左，好像別人普通既家庭一樣，每一樣野，都充滿我同佢既回憶，每一樣野，都有我同佢既感情。
Bb開始大個，慢慢識同家姐玩，家姐係bb出世後百厭左好多，但家姐都好錫妹妹。
我地搬左屋，放棄左曾經我同佢既屋企，掉每一樣野個陣其實我好心痛，每一樣野都係回憶。
搬左屋後我地嘈多左，A先生唔再係係屋企最大個個，唔可以咩都以佢意願行先，有好多野都唔可以做，我地賣左架車，生活過得唔係好好，我亦開始因為可夾係A先生同我屋企人中摩擦。係唔開心，但我依舊好寵容A先生，佢要我做咩我做咩。

私人傳訊

Kennyip5d

男爵府

積分: 6565

29^#

發表於 15-1-2 10:02 |只看該作者

回覆：我跟我老公既故事

追

私人傳訊

小小貝

大宅

積分: 1003

30^#

發表於 15-1-2 10:02 |只看該作者

回覆：我跟我老公既故事

無想到，個件好令我心痛既事再次發生係我身上，A先生再次出左軌，而呢次同上次唔同，A先生真係鍾意左個女人（下稱c小姐），c小姐同A先生係同事，佢地點開始我唔知。自從A先生上次出軌後，我對佢疑心好大，終於俾我發現左。
A先生初頭唔肯回頭，跟住我求佢，佢又回頭，跟住又出去，又再回頭，重復左唔知幾多次，A先生同我講，佢放唔低我，都放唔低個女人，直到佢某一次回頭後，我裝左一個偷聽apps係佢電話度，我知我咁做唔岩，我個陣只是想知個真相。
Sorry,個心太痛，平靜下再打。

私人傳訊

小小貝

大宅

積分: 1003

31^#

發表於 15-1-2 10:28 |只看該作者

回覆：我跟我老公既故事

直到一次，A先生話去返大陸，個陣A先生話佢要自由，我好驚，同佢嘈左場交，最終都係俾佢去。開頭我真係相信佢返大陸，佢唔知我裝左個apps係佢電話度，個次，佢熄左個電話，我唔知佢去左邊，初頭仲諗緊會唔會，有擔心過，但都以為佢唔會再對唔住我，直到夜晚12點幾，佢個定位開左下，我先知原來佢根本無返到大陸，而係去左搵c小姐。我知道後成晚訓唔到，個心係咁痛，痛到我唔知點去形容，痛到我呼吸唔到，直到凌晨5點，我走左出去，去到公園度，去食藥自殺。

私人傳訊