有共鳴,我初初結婚果陣,老公彈我煮嘅嘢,我一怒之下唔煮,
反正果陣成日唔係去我媽度就去99度,我唔煮老公咪自己煮,
來來去去都係果D咩意粉呀三文治呀,佢唔食中餐由得佢,
我自己食,湯又係三催四請都飲得果一碗半碗,老爺煮魚翅湯,
老公飲晒D湯唔食翅,死未。後來有年我整油角,我老公勁鍾意食,
再一年整蘋果批,佢同班親戚好似發現新大陸咁,到仔女開始讀書我至再煮飯,
而家老公唔敢阿之阿左啦,不過我晚晚去媽咪度食,平日都唔係日日煮,
係有時見到老公鍾意食嘅就買番屋企整,而家一個星期都最少煮三四次,
主要俾佢同對仔女帶飯盒,我媽咪都話我老公蠢,有得食就食,
百彈齋主激親老婆就冇人煮俾佢食。有時真係要吊下癮至得矜貴。
BTW,我老公以前都唔食魚,因為佢怕多骨,於是我餐餐揀晒骨俾佢食,
蝦蟹又係就佢剝晒殼俾肉佢食,而家魚佢已經食得好叻,
自己識揀骨,不過唔敢旨意佢揀俾仔女食,好彩對仔女係食魚高手。
花旗太太生活在花旗國,留意時差,你問我未必即時答到。