各位jm, 文章頗長，請見諒!
我們一家四口於今個月3號(Sat)在迪士尼玩完馳車天地後, 發現擺放在bb車停泊處的bb車不見了。我們立即通知職員及報警，但最後到樂園關門仍找不到。我們事後向樂園投訴及要求賠償因為我們並不是將bb車亂放而是配合樂園措施將bb車放在樂園指定的位置。
樂園委托公証行處理我地個case，公証行既回覆實在令我們極度氣憤和失望，不但不賠償還將責任全推卸到我們身上，令我們不得不將此事話俾大家知，希望大家日後小心唔好再有我地既不愉快事情發生!!!
公証行的回覆節錄如下﹕
…雖然樂園之機動遊戲並不允許賓客攜帶幼兒手推車進場，但這並不代表樂園有責任替賓客看管幼兒車。再者，倘若賓客因衡量選擇進場而必須擺放幼兒車於場外公眾地方，是有責任自行或托他人看管。…
…樂園指南的背面已清楚列印出﹕
我們無須為賓客之財物損壞或損失負責，不論此等損壞或損失是否因為我們的疏忽或其他原因所致…
大家睇完有咩感受? 會否覺得樂園將所有責任全推卸到遊客身上? 
其實由於樂園規定遊客不得攜帶手推車進入遊戲設施，要求必須停放於指定位置，我們作為良好的香港市民，完全按照樂園的規定安放bb車，結果卻無故遺失。我地覺得好唔合理，樂園俾個地方我地放bb車但又叫人自己睇住架bb車，如果係咁，我洗乜將架bb車放係泊車處呢!我地大可坐係餐廳或休憩長椅上慢慢等，因為大家都知一個遊戲起碼要等45分鐘至1個鐘!如果係咁，個bb車停泊處又有咩作用?
還有，一家四口入迪士尼樂園都應該好普遍，好似我地咁, 我大仔3歲半，細仔2歲，唔通你叫我一個人帶住2個小朋友去玩馳車天地，爸爸就去睇住架bb車? 又或者我一個人帶住一個小朋友去玩，而另一個小朋友就跟住爸爸乾等一個鐘睇住bb車? 我相信好多父母都會有同感!
樂園作為一個跨國企業，標榜帶給遊客歡樂、奇妙、夢幼，但卻如此user unfriendly同不負責任，我地覺得好失望，仲枉我地剛買了3張annual pass!
經過此事，我地以後一係唔會帶自己bb車一係會帶定個鎖去鎖車。雖然有人話如果樂園d職員見到你鎖車會叫你唔好鎖因為會阻住佢地將d車推上前，但我以後會同佢地講，咁係咪俾人偷左你賠返俾我先? 係就係串d但我地要保障返自己呀各位爸爸媽媽!!!
但最慘最慘還是我們2個小朋友! 遺失bb車當日，我地自己周圍搵希望係d冇品既人貪方便拎去用一陣之後會隨處放一傍。我地由4:30pm搵到7pm，還辛苦了小朋友跟著我們到處找。小朋友們最終只玩了馳車天地一個遊戲，其他的什麼也沒玩到，不但已又累又餓, 更不能觀賞光影匯夜間巡遊。大家感到非常無奈。
但最令我感到意外的，是小朋友的心靈原來被今次事件影響到。因為自遺失bb車後，我們借用樂園的bb車。當我帶小朋友上洗手間時，他們很擔心的跟我們說害怕bb車被偷，還不時催促我快點離開洗手間。很明顯，小朋友已因這件不愉快事件受到心理影響，害怕bb車會再次被偷。我們認為如沒有親身經歷過這”奇妙”的事件，一個小朋友是不可能說出這些話。
今次事件令我深深體會到我們小小市民係好無助的，大集團只會用程序、用法律去壓去拖延我們! 今次我們不會妥協，我們仍跟樂園爭取中，雖然我們都知道最終獲得賠償的機會好微但起碼我地曾經盡力過同埋希望帶到個信息俾大家要小心呀! 
發表於 
BTW...多謝提點
返回列表
