昨日同仔行書展,係大仔自已話要去買 paper 黎操,希望dse 部份可以操上5. 我唔理得太多啦,雖然佢日日都仲打緊機,我見佢有時打完機成 12點先做下野,但佢已經大個仔其實好清楚自已做緊咩嘅!作為父母只可以響適當時候支持下佢。
jm 比d時間你仔仔啦,多關心,多溝通,悔氣說話盡量少講,響佢心情好嘅時間同佢頃下將來,明年如何打算?唔讀書咪揾門手藝學囉,只要唔學壞,行行出狀元,父母都要調節心態,冇咩大不了啫,但切記大家一定要保持良好關係。
我同呀仔講,無論咩事都好,有事一定要同我講,父母經驗始終比你多,問題一定有辦法解決,要比信心孩子,雖然好似好老土,但我相信孩子心裡係明白架!