婆媳關係 今日: 5 | 主題: 27697

積分: 3686

1^#

發表於 15-2-13 08:00 |只看該作者 |正序瀏覽 |打印

事源係上個禮拜同細b做回港証翻大陸過年，但因為車埋99同99指錯路，所以最後無搞成，我發老公脾氣，話佢應該搞掂好正經事再搵99（發脾氣仲有個原因係老公又一次夾埋99呃我，話99自己突然出現，其實佢地前一晚已經約好咗，我估計嘅，事後確實係咁）然後我好嬲話之後唔再搞證件，我已經盡力預約，但無曬期，已經去到3月⋯99仲話聽日一早去排隊攞即日籌，我同老公講唔需要，佢黎我唔會去！叫佢唔洗黎⋯
事發當晚我冷靜落黎，覺得都係想翻大陸探老公婆婆，因未見過細b！我第二日一湊二，從新界撲去尖沙嘴，試下攞即日籌，真係好運竟然有籌，就拉拉聲搞掂，同老公講呢個好消息～之後都計劃點攞回鄉証，我打算自己一個再湊兩個去⋯
老公話過兩日放假，到時一起去⋯
問題出現，今日早上，老公唔記得攞電話，佢出門後我聽到電話響，以為佢打黎叫我攞電話出去俾佢，打開電話再打翻去原來唔係，就順便睇咗下佢同99嘅對話，我真係好少好少睇老公電話，但如果唔係咁，我真係唔知我老公係咁嘅人！！
老公：唔洗搞，費x事搞了，佢唔翻去！你都唔洗黎～佢阿媽都掛住攞貨都唔黎幫手（我的確問過我媽，但我媽係太攰，第二日我叫佢休息唔洗陪我，我就叫咗細妹，我直接同老公講妹陪我，無話俾老公聽我問咗媽媽噶）
99：哎，成日都掛住攞貨噶啦，無鬼理佢，成日掛住d錢！你同xx（大仔）到時返黎，住幾日，食幾日好野⋯你d錢袋好，唔好俾佢，唔好俾佢屋企一分錢⋯

聽完d對話我好嬲好嬲好嬲，激到訓唔著，完全唔知點做好，唔想同阿媽講，怕佢唔開心，又好想打俾99攤牌，但又好似衝動咗，況且老公都好錯，好似搞屎棍！
各位姐妹，我應該點應對好😭😭😭😭

0 0 0

私人傳訊

積分: 3686

27^#

發表於 15-2-15 23:43 |只看該作者

回覆：求救，我應該點做？

多謝大家嘅意見，我都明白老公問題幾大，但我細心諗諗，當時如果無發佢脾氣而係話唔洗勞煩99第二日黎排隊攞籌，自己會搞掂，可能佢唔會講曬粗口咁同佢媽講d不符事實嘅說話，咁我下次就知道，千奇唔好因為99而同老公吵，幾憎99都好，保持心境平靜，老公都容易應對99，唔會因為情緒而口不擇言！
至於99，我覺得今次佢分化得我地兩公婆，即係平時有機會佢實落好多口水離間我地，咁好在老公目前為止對我都還可以，仲未俾99影響曬，學姐妹話齋，鬧人唔洗用粗口，搵岩機會就得

私人傳訊

cream090909

侯爵府

積分: 21317

我的育兒心得勳章

26^#

發表於 15-2-13 18:52 |只看該作者

引用：問題係你老公到

原帖由 樂希媽媽 於 15-02-13 發表
問題係你老公到

私人傳訊

cmting

子爵府

積分: 11774

25^#

發表於 15-2-13 17:54 |只看該作者

回覆：mamacolly 的帖子

如果係我我會一五一十攤出黎講，99計較既，我都會同佢計較返
你c6都冇可能咁講野，俾我吾好再旨意佢做其他事

私人傳訊

xodebby

子爵府

積分: 12447

2024年龍年勳章畀面勳章 BK Milk勳章

24^#

發表於 15-2-13 16:21 |只看該作者

我覺得你C6大問題多過99~~

私人傳訊

貧窮媽媽

積分: 51609

23^#

發表於 15-2-13 15:29 |只看該作者

回覆：求救，我應該點做？

我係你我即帶大細b返娘家，99已經唔鍾意你呢個新抱，你c6仲要講埋d咁既野，火上加油

私人傳訊

方方媽媽

積分: 74328

22^#

發表於 15-2-13 14:33 |只看該作者

唔好將C6同99既對話咁上心,睇實際行為啦.
你C6都有比錢你媽,即係唔聽99講啦.
有時,要人下啖氣,就要同佢同一陣線.
初初結婚時,我嫌99次次約做節都short notice,今日講就聽日食,永遠只遷就其中一個仔既時間.所有人都唔會就.
當時我同老公呻,老公即刻話"我打電話去鬧佢(99)!"
咁我條氣就順晒,我同老公講"算啦,無謂攪大件事".
如是者,相安無事十幾年.
所以,你C6可能都只係氹下99.
好仔兩頊瞞,係應該架.

私人傳訊

mini1204

翡翠宮

積分: 79224

21^#

發表於 15-2-13 13:33 |只看該作者

我覺得你老公可能係想平息你奶奶D癲野; 所以無野搵野講; 等你奶奶收下聲當幫忙.
佢未必有心搞事, 一個係老婆一個係阿媽; 佢好得閒咩

私人傳訊

spikenard

積分: 64562

20^#

發表於 15-2-13 12:29 |只看該作者

冷靜左你的情緒後,腦就轉得快D

日後,找機會同你C6講野時講,

你: C6,我上網睇到,有對新婚夫婦,女
嫁左女方應唔應該照顧女方父母而嘈,計我話 (呢
個時候你要好平和,好師奶的款,目的是唔比佢知,
你特登講緊佢) 佢地都傻GE, 嫁左都係自已父母,
唔通嫁左就由得自已父母自生自滅,唔駛比錢,唔駛理,
呢D思維要去牢改,都唔知邊樹學反嚟,
咁大逆不道的事,我就唔會做,好彩你娶到好老婆,
我2邊都會照顧,唔會大細超。2個都係自已的阿媽。

又搵一日:

你: 我行街嗰陣買左XX比99同阿媽(自已想買什麼)
前排咪唔得閒,又搞証件,又搞其野,阿媽已同我講過
要過嚟幫手,講過幾次TIM!!! 不過我見佢又要入貨,
太忙,又攰,我叫佢唔好過嚟,我先搵阿妹幫我,所
以買左D XX比99同阿媽補吓身。

駡人的最高境界是不帶粗話
唔話你C6,你心唔平行,
話左,又會大家唔平行,
講,都要用D巧去講。

私人傳訊

積分: 3686

19^#

發表於 15-2-13 12:27 |只看該作者

引用：如果想平反就梗加要沉著應戰，適當時候就同

原帖由 msbear 於 15-02-13 發表
如果想平反就梗加要沉著應戰，適當時候就同你c6講，阿媽捱到病，自己為左照顧兩個小朋友都無時間去睇阿媽， ...

你講岩咗，頭先未睇你po前，我老公打黎問我點解唔開心，我話阿媽攰到病咗我好擔心佢，講到喊曬，我老公未試過咁關心我，仲話攞錢翻去俾我媽媽，我覺得好開心佢識咁諗～
女人嘅軟弱的確係男人嘅弱點！

私人傳訊

msbear

男爵府

積分: 5465

18^#

發表於 15-2-13 11:21 |只看該作者

回覆：求救，我應該點做？

如果想平反就梗加要沉著應戰，適當時候就同你c6講，阿媽捱到病，自己為左照顧兩個小朋友都無時間去睇阿媽，阿媽係弱者，有時佢地兩母子溝通方法只得佢自己知，c6無係你面前講就當唔知好過。

私人傳訊

積分: 3686

17^#

發表於 15-2-13 11:10 |只看該作者

引用：就快過年,如果你想頭家散你就拿拿林同老公

原帖由 spikenard 於 15-02-13 發表
就快過年,如果你想頭家散你就拿拿林同老公出聲吵大獲。
因為你睇佢電話而走去質問佢,係你唔啱,道理不在你那 ...

我就係唔想衝動行事，所以宜家都咋唔知，我係估唔到老公竟然會咁話我媽媽，真係好傷心，喊咗出黎！
我99一向都覺得我地貪佢錢，但說話洗唔洗咁難聽，話曬係親戚，點可以咁講野！我好想幫我媽媽平反

私人傳訊

spikenard

積分: 64562

16^#

發表於 15-2-13 10:25 |只看該作者

就快過年,如果你想頭家散你就拿拿林同老公出聲吵大獲。
因為你睇佢電話而走去質問佢,係你唔啱,道理不在你那邊。
況且,佢地的對話係真實反映佢對你媽媽的睇法,
這是他們的自由,沒得控制,知嗎?

但,任誰說自已媽媽的不是,做子女的,誰也不開心,
仲要係自已的老公同99,氣多一錢重。

就算,你真係比錢你媽,也是天經地義的,無可指摘。

不過要做個聰明的女人,記著衝動是惡魔。
日後係合適時機話反佢,幫媽媽伸張正義。

私人傳訊