回覆：求各位jm指點應否繼續供保險
本帖最後由 大力大力 於 15-2-16 11:51 編輯
投連險呃街坊 貴過人壽回報低過投資
http://nextplus.nextmedia.com/news/spot/20150215/152943
事實上，投連險的產品價值是兩不像！雖說有投資成分，但投資回報不高，業內資深人士黎仁昌表示，這類投連險當中大部分基金都會跑輸大市，事關無專人幫客戶貼身跟進，「大部分人都會因此提早cut單，基本上中介人及經紀都預你cut單，志在食你行政費。」
至於保險成分，很多投連險的保險成分，佔整份保單不足百分之一。其實買一隻純人壽保險更划算。投連險往往以低門檻作招徠，但其實供款年期長、收費多。以AIA的投連險與純人壽保單作比較，保額同樣是一百萬港元，雖然投連險月供僅三百六十元，比純人壽的近八百元，足足便宜了一半，但純人壽只需供款二十五年，相反投連險要供到一百歲，名副其實「供到死」，再加上每月行政費、保險費、戶口價值費等等。二十五年後，純人壽保險以二十三萬多元供完，同時間投連險供款及雜費已達二十四萬元，但仍要繼續供，計落根本無着數。
變種保險魔鬼細節 累會計師蝕100萬
http://nextplus.nextmedia.com/news/spot/20150215/152942
相信每一個香港人，過去都一定買過一份有投資成分的人壽保險（簡稱「投連險」），可說是香港人的「集體回憶」。不過，是痛苦嗰隻。長供，大嚿錢被責死多年；斷供，蝕到渣都無。近日，前理工大學副教授林本利，開記招炮轟此類保險誤導買家，其後不少苦主紛紛走出來，控訴如何被害至雞毛鴨血。
本刊找來多位苦主現身說法，大爆投連險如何「笑騎騎，放毒蛇」，在不動聲色下斬人一頸血；又揭開經紀蠱惑吸客賤招、及保險公司培訓員工冧客招數。而這款「變種保險」，原來已由傳統壽險蔓延至危疾保甚至火險，普羅市民切記提防。
其中任職會計師的曾太，理論上是精明的專業人士，她一一年賣樓套現加上積蓄共一百五十萬元，打算換番間大屋。結果因遇上智易財富的保險中介人謝家浩，令她一家失去半生積蓄。「本身我哋手上資產現金有150萬，佢sell嘅計劃「財智之選靈活投資計劃」，分三年供款，每年供款50萬，合共150萬，到俾我哋簽嗰晚，佢將單拆咗做兩張單，一張我持有，一張我先生持有。」
「嗰150萬係我哋之前賣樓賺番嚟啲錢，話係一個短期投資計劃，佢話之後可以攞番120萬用來做買一層新樓嘅首期。剩餘嘅30萬繼續滾，繼續賺多啲。」
一年供款五十萬後，發現保單有啲問題，曾太卻仍未肯止蝕，「如果係份30年供款，我哋兩個人嘅收入根本供唔起，唔使食都供唔起。發現咗之後，我哋問得佢好詳細，究竟幾多年供款之類。佢為咗安撫我哋，搵來佢公司投連部同事私底下同我哋會面，講解嚟緊一年投資方向，我哋因為擺咗一年50萬喇，所以我哋第二年再擺。」
在旁的曾先生無奈表示：「開頭嗰陣唔知原來嗰份係一份投資相連保單，最後出咗事先，睇番張保單原來退休要俾嗰三十年管理費嘅67%，銀碼基本上等於我頭兩年供款嗰一百萬，變到我啲積蓄一炮過輸晒俾佢。」
「嗰啲錢係之前買樓番嚟，依家變咗啲錢又輸晒，啲樓價又升，依家變咗雙輸。」
氹買投連保四部曲 Sell客有稿照背
http://nextplus.nextmedia.com/news/spot/20150215/152944
保險的佣金制度種落不少問題。一般經紀成功賣出一份保單，第一年的佣金可超過百分之一百，即客戶供款一萬元，經紀可收超過一萬元佣金。但由第二年開始，經紀佣金即暴跌至只得一成，第三年起更只得百分之三左右，變相令經紀在賣出保單後，寧願再找新客，也不願花時間管理舊客戶口，或提出任何投資建議。
另一方面，保險公司仍然沿用層壓式銷售制度，一個銷售部門通常都有四、五層架構，最誇張可以有九層，前線賣出產品後層層抽佣。好多保險中介人公司還會寫定講稿培訓經紀，又教經紀出陰招，例如在街上簽文件，令苦主無時間細閱等。而最新投連險玩法，亦由傳統針對人壽保險，開始變種至危疾保險，甚至火險；有業內人士指，這類保險蔓延迅速，已成為過百億規模的大茶飯！
大力理財篇 之 子女理財！
http://www.baby-kingdom.com/forum.php?mod=viewthread&tid=3868590&extra=page%3D1
買基金真係好傷
http://www.baby-kingdom.com/forum.php?mod=viewthread&tid=3294843&extra=page%3D1
發表於 
Ruph出世啦，2010
返回列表
