我有啲同你似,又係先有後婚,又係死佬唔搵得多,叫佢上進就正係識打機養蝦玩四驅車同模型,住屋都係靠外家借首期先有個竇,跟左佢十多年人工都係得萬幾,家用幾千,我已經成日反映家用唔夠..而家兩個小朋友上哂小學補習校車都成六七千,唔計供樓同屋企洗費,佢既家用只係夠兩個女洗,叫佢轉工或者搵野學增值下自己好過得閒就揸住部機打,佢又話個市唔好搵唔到part time 或其他唔請佢,於是最終都係靠外家接濟同埋我出去做多份part time先勉強cover到屋企開支,我最近成日同佢因為經濟問題而嘈,佢唔上進要靠外家等等,但佢居然覺得靠外家冇問題仲話好多人想呀媽幫都冇,終於我心入面有答案,人窮志短,我知道呢段婚姻唔會長久,我提出過離婚,但佢話小朋友仲細唔肯,而家同佢都係因為小朋友而暫時維繫住,我想講,一段婚姻個頭開得唔好,以後既路會好難行