係呀,當初請佢返嚟,佢啲野唔太過份,我都會張就,唔點話佢。
一家人出去食BUFFET都會請埋佢,佢有咩需要都盡量幫佢。
但係就係對佢太好,令佢覺得我好蝦,愈踩愈過。
佢直頭係當左自己係主人,有時喺屋企我同佢喺走廊對頭行,佢都會老逢咁要我側身或退後去讓佢(佢都幾大份)。又或者我同老公或仔女講緊野,佢諗到啲乜就會即刻截住我同我講。其實好少事,而我不嬲就算出街都唔鍾意同人爭路行。但係而家覺得佢係”妹仔大過主人婆”,先唔再讓佢。
但係,咁樣喺屋企,攪到好似仲辛苦過喺出面咁~~~~
返工同教仔已經夠累,真係唔想同佢玩~!!!