bbjan 發表於 15-6-16 15:49
想与大女去台灣或星馬暑假旅行,若带bb, 跟團,定自由行好?我想帶,老公心大心細。有冇人分享經驗。谢。 ...
當日我女剛滿1歲我就帶佢去台北自由行, 之前8個月時帶佢去澳門試下先~
台北OK的, 都幾Baby friendly的, 我地推住BB車, 繁忙時間有STAFF係月台, 佢地會叫我地企上前, 捷運一到就比我地入先~ 仲有通常D LIFT會係係入閘機口, 而且佢地真係有需要先會用LIFT, 仲有抱住BB一定有人讓位比你, 呢方面台灣真係做得好好!
怕天氣太熱可以帶BB去室內遊樂場玩, 你SEARCH一下, 台北都唔少的, 仲有親子館, 外國人都可以做會員, 事先BOOK定就有地方比BB玩了, 當係中場休息一下都幾好~
BB飲用水, 我當時冇帶香港既水過去, 只係帶左個旅行水煲仔(怕酒店果D唔乾淨), 去到當地7仔買蒸餾水, 大支裝既, 用黎煲水開奶同埋消毒奶樽奶咀(煲完水之後放D奶咀入去放一陣就OK, 奶樽洗完用蒸餾水浪下再用熱水浪下/浸下就OK, 我當時帶埋一個微波爐奶樽消毒盒, 其實係一個入得微波爐既盒, 盒蓋有孔可以放氣, 加少少水再將奶樽洗乾淨放入去叮1分鐘就OK, 果盒好似係果陣買TT奶樽送的)
訂酒店前問下有冇BB床, BB浴盆提供, 自己帶定D大大條既紗巾, 一黎可以做毛巾抺身, 亦可以當做床單~
搭飛機怕BB耳仔痛而喊, 記得上機前開定奶, 到上機, 飛機起飛後一陣就比BB飲奶(一起飛就比的話, 怕都未爬升到平飛就已經飲晒D奶, BB仍然會耳仔痛, 所以起飛了一陣, 1分鐘左右先比奶), 帶BB過安檢係可以帶BB用的水, 如果果陣安檢嚴左, 唔比帶, 咁你上機時拎個水壺比空姐叫佢斟定D暖水比你~
仲有, 記得係邊個平時湊B, 就邊個抱住BB, 起飛同降落時不宜換人, 第一次帶BB去旅行時, 老公怕我辛苦, 堅持要佢揹囡囡, 結果囡不停喊(降落時), 但又轉唔到手比我抱(因為用揹帶揹住左), 結果我只能不停係囡耳仔邊唱歌氹佢訓, 唱左廿分鐘! 如果我能夠抱住囡, 起碼可以拍住唱住氹佢訓~
(訓左唔會耳仔痛的, 所以如果BB起飛或降落時訓左, 唔好整醒佢)
♡女人想要奢侈品,其實要的是男人的捨得!
♡女人想要你出差的禮物,其實要的是男人的掛念!
♡女人想要生日禮物,其實要的是男人的心思!
♡女人想要擁抱,其實要的是男人的溫暖!
♡女人想要吵架,其實要的是男人的包容!
♡女人想要的一切,無非是要男人在乎她的感覺!