自由講場 今日: 3608|主題: 1302083

今朝接到個電話，話係順豐快遞打來，話我有份件未取。叫我按”0”就接去深圳順豐。跟住當地
“職員”話我上個星期係福建泉州委託順豐寄去澳門o既郵件，被當地海關查到係28張銀行卡，懷疑同經濟犯罪有關，所以通知我。我話我從來未去過泉州，近幾個月都沒有離開過香港，無可能係我寄。佢話順豐一定核對過個人資料先可以寄件，可能我o既資料被盜用。建議我盡快報公安。我話o甘我要係香港報警，但係佢話要去泉州公安報，等當地調查後，把資料轉報海關。佢總提供佢o既職員編號姓，海關編號等等。然後幫我轉去
“泉州公安”。

接住發展，根據香港警方話係新招。注意：騙徒非常專業，並且係之前已取左我o既資料。

電話轉去“泉州公安”後，問左我姓名話要查下有無其他案件。跟住就話我個名係牽涉一宗兩岸三地o既經濟詐騙案，犯罪活動包括洗黑錢，主犯李春榮已經落網，係佢住所搜出有一個我係泉州工商銀行戶口，牽涉3百幾萬匯款到海外。我當然話同我無關，我從來未去過泉州，無可能開戶口。但佢話當地銀行必須有個人身分證明先可以開戶。立刻同我核對個人資料，包括出生日期，外貌等，佢地都講到出來。

佢地總比佢地o既電話號碼，話可以到大陸114查是否當地公安局號碼。雖然係佢地幫我接駁，但係過程像真度極高，包括背景聲響等。