夫婦情感 今日: 13 | 主題: 42445

積分: 46960

開心吸收勳章

84^#

發表於 15-7-10 12:37 |只看該作者

本帖最後由 wing1388 於 15-7-10 12:45 編輯

今日係阿龍嘅生日，二人都放自己一天假，開開心心咁吃喝玩樂，晚上同朋友落CLUB慶祝，去完一個場又轉場去第二個，務求將所有不快嘅事情忘記。

「呀！冇煙啦...不去7仔買包煙先！」PINKY說

「嗯，裡面人多，妳响門等我，我入去買！」阿龍回應

阿龍買煙從7仔出嚟，只見PINKY正與兩個紋身漢爭執，阿龍急忙上前了解。

「發生乜嘢事？」阿龍喝止

電光火石之間兩名紋身漢已向阿龍揮拳施襲，三人在街上打起上嚟...快已經有警車到達，警察將三人分隔開，上了手扣押上警車向警署方向駛去。

警署內阿龍手機被扣起，獨自坐在房間...良久，有警察入房向阿龍錄口供，於是阿龍一五一十將事發經過告知。

「當時我女朋友俾兩個男人撩，我上前了解時對方就向我施襲.......」

「但係頭先嗰位小姐話唔認識你喎！」警察回應說

「點會咁㗎？」阿龍百思不得其解

錄口供之後，阿龍與兩個紋身漢一同被關在羈留室中，已經唔知過咗幾多小時...

「而家帶你哋上去見警司...」

「你哋要上庭，到時認咗罪就冇事...而家自簽擔保外出啦！」警司道

阿龍步出警署第一件事就係想搵PINKY問過究竟，點解會同警察講唔識自己？

阿龍飛的趕去PINKY家，大門反鎖了，阿龍不斷按門鐘，只聽到門內PINKY傳來嘅聲音！

「你走呀，唔好再係度騷擾我，如果唔係我報警！」

呢一句真係令阿龍摸不著頭腦，明明PINKY知道尋晚嘅事發過程，點解佢要咁對自己呢？

「喂！我門外有個人不斷拍門騷擾我呀...」阿龍隔著門聽到PINKY似在報警...

阿龍剛從警署出嚟，唯恐轉頭又入返去，於是走了。

回家後阿龍體力極度透支了，回家躺在梳化上入睡了...

醒來時只見地上血漬斑斑，手臂上仍插著玻璃碎，往浴室照鏡先發覺原來自己傷勢唔輕，眼角爆了，口腫面腫...

到了上庭日子，TOBY陪同阿龍，最後阿龍被判守行為兩年，不留案底。

此時TOBY替PINKY傳話...

「其實PINKY當晚話唔識你都係迫不得意，因為佢仲同前夫爭緊個仔嘅撫養權，如果到時因為呢啲糾紛...(下刪一百字)」

阿龍聽咗雖然覺得有點道理，但心裡仍然覺得唔舒服，之後亦冇再搵PINKY...

To be continued...

百花叢裡過，片葉不沾身。

私人傳訊

papercatdog

積分: 1250

85^#

發表於 15-7-10 13:33 |只看該作者

回覆：wing1388 的帖子

追

私人傳訊

Yanyan0612

積分: 2667

86^#

發表於 15-7-10 13:43 |只看該作者

追

私人傳訊

囝囝mama

積分: 3363

87^#

發表於 15-7-10 13:44 |只看該作者

追

私人傳訊

Mikilovefanfan

積分: 2405

88^#

發表於 15-7-10 13:54 |只看該作者

回覆：【真人真事改編】一生所愛 (Updated 第9回)

私人傳訊

積分: 46960

開心吸收勳章

89^#

發表於 15-7-10 14:20 |只看該作者

「一個女人咁對自己，都應該死心吧...」當時阿龍心裡的確係咁樣諗，好多次想拎起電話打俾PINKY，但最後都係將電話放返低。而家龍亦再冇落CLUB，回復未相識PINKY時嘅日子。

「喂！」一個月後，電話傳嚟一把熟悉嘅聲音...「你最近好嗎？我好掛住你...」冇錯，一個月後PINKY嘅聲音又再響起。

「幾好，有心！都係返工放工...」阿龍冷冷的回答

「你...仲嬲緊我？」PINKY問

「冇乜嘢好嬲，都過去咗，而且TOBY亦講咗妳嘅苦衷...算啦，過咗去，而且我亦冇留案底！」

「我想見你可以嗎？」PINKY直截了當咁問阿龍

「嗯...」阿龍猶豫了

「今晚九點，响CLUB見啦...」未等阿龍答覆PINKY便掛了線

阿龍此刻心裡十五十六，去還是唔去？去的話表示已經原諒咗PINKY，的確...呢一個月來阿龍的確好掛住PINKY，佢恨不得即時收工去搵PINKY，所以最後阿龍還是應約。

當阿龍去到CLUB時，PINKY已經坐在佢兩口子一直坐開嘅長枱，PINKY一臉內疚的望著阿龍，二人點點頭，冇任何身體接觸...而阿龍亦刻意避開PINKY嘅視線。

DEAD AIR令到氣氛有點尷尬...於是PINKY伸手捉著阿龍嘅手，阿龍有一刻想縮，但最後都冇。既然手已拖，一切亦盡在不言中，PINKY似乎又用佢嘅本事化解咗一場感情上嘅危機。

當晚二人又和好如初了。

To be continued...

百花叢裡過，片葉不沾身。

私人傳訊

積分: 46960

開心吸收勳章

90^#

發表於 15-7-10 14:39 |只看該作者

RE: 【真人真事改編】一生所愛 (Updated 第11回)

本帖最後由 wing1388 於 15-7-10 14:39 編輯

兩口子轉眼已經一齊咗一年有多了，經過咁多唔開心嘅事情，二人嘅感情亦日漸穩定，平日大家繼續自己嘅工作，假日一家三口到外面家庭樂，阿龍亦將PINKY兒子視如己出，閒來會幫小朋友溫習功課，晚上會同PINKY落CLUB消遣，一切亦很規律地發生，二人在朋友眼中郎才女貌，十分匹配。

雖然阿龍亦曾對PINKY嘅工作有怨言，但畢竟要PINKY霎時放下呢一份「搵到錢」嘅工作亦唔容易，因為始終係偏門，要走亦要向好多話事人交待。而PINKY亦想趁自己仲搵到錢時多賺一點，但承諾過阿龍佢會唔做...

「今晚我有嘢做會夜少少，你今晚上我家等我吧！」PINKY短信寫道

於是阿龍當晚真的乖乖一人落CLUB飲酒，一來希望可以早一點見到PINKY，二來亦唔知一個人可以做乜嘢。當晚PINKY冇帶客人落CLUB玩，朋友們見阿龍一人自顧自飲都上前同佢踫杯攀談，但係阿龍個心只係遙遙咁想住PINKY，完全提唔起勁，對人家嘅說話只係敷衍兩句了事。

一直坐至夜深，人客都漸漸稀疏，阿龍亦結賬離開往PINKY家裡去...

阿龍坐响客廳自斟自飲，未幾聽到開門聲，佢知道PINKY返嚟，阿龍嘅心情又好起上嚟...似乎PINKY已經變成佢嘅喜怒哀樂一樣。

PINKY嘅腳步有點蹣跚，似乎飲咗好多...阿龍立即上前扶著PINKY，但係PINKY目光似乎不敢直視阿龍...而且帶點淚光。阿龍意識到似乎又有事發生咗，連忙問PINKY發生乜嘢事？

「對唔住，我唔想講，我知你一定唔會原諒我...我知道！」語畢便衝入廁房拿刀，响自己手腕劃了一刀，鮮血從割破嘅手腕流出，阿龍急忙用毛巾包著PINKY手腕替佢止血。

但剛包好傷口，PINKY又衝出大門，走向後樓梯...由於單位位於頂層，好快就到達天台。阿龍當然亦步亦趨，幸好及時捉住PINKY，避免了一場慘劇。

阿龍將PINKY抱回單位內，PINKY不斷喊，口裡喃喃的道：「你唔會原諒我...你唔會原諒我...」

To be continued...

百花叢裡過，片葉不沾身。

私人傳訊

kanayanmama

積分: 4626

91^#

發表於 15-7-10 15:05 |只看該作者

回覆：【真人真事改編】一生所愛 (Updated 第11回)

繼續追

私人傳訊

kkttssng

侯爵府

積分: 23443

玩具勳章畀面勳章 wyeth冷知識勳章環保接龍勳章大廚勳章 BK Milk勳章

92^#

發表於 15-7-10 15:21 |只看該作者

回覆：【真人真事改編】一生所愛 (Updated 第11回)

追

私人傳訊

積分: 46960

開心吸收勳章

93^#

發表於 15-7-10 15:23 |只看該作者

本帖最後由 wing1388 於 15-7-10 15:24 編輯

「究竟發生咗乜嘢事，點解我唔會原諒妳？」其實阿龍亦意識到，當一個男人唔會原諒自己個女人，離唔開乜嘢事，但經歷過呢年幾嘅高低起伏，阿龍明顯淡定咗，亦成熟咗！

「我今晚同個客上床...」果然不出阿龍所料。

「妳係媽咪，點解妳會同客上床？」阿龍已極力將怒火壓住！

「呢個客唔可以得罪，佢今晚指明要我，我唔應承佢話明會搞我！」

此刻阿龍只係覺得有一種無力感，自己冇能力保護自己嘅女人，覺得好羞愧，恨不得有個窿俾自己捐入去。

「妳唔好再做啦好嗎？」阿龍哀求

「妳應承過我會唔做，不如妳而家就唔好做啦好嗎？妳想要錢的話，我會努力搵錢...不如我哋結婚啦，我哋攞啲積蓄出嚟，做啲小生意一樣可以生活，將來一樣可以供妳個仔讀書...好嗎？」阿龍聲淚俱下咁哀求

PINKY點頭，阿龍緊緊咁攬住PINKY，二人相擁而泣。

未幾，PINKY再冇當「媽咪」，過著正常嘅生活，二人亦儼如兩夫妻一樣，放工後一齊行超市，呢一啲亦係阿龍夢𥧌以求嘅生活。閒來二人亦打扮得型一型咁落CLUB消遣。

另外，阿龍亦兌現承諾，於PINKY生日向佢求婚，PINKY慶幸可以遇到一個對自己過不離不棄嘅好男人，雖然自己年紀大男方6年，但阿龍嘅思想卻遠比自己成熟，於是一口答應了，而大家亦為呢一對送上祝賀。

二人亦開始籌備婚禮，訂酒席，試婚紗...PINKY發夢都估唔到自己會再披嫁衣，心裡面實在歡喜...婚期訂了在11月舉行，二人都渴望可以早啲到大日子。

To be continued...

百花叢裡過，片葉不沾身。

私人傳訊

hoyukyuk

複式洋房

積分: 457

94^#

發表於 15-7-10 15:34 |只看該作者

回覆：【真人真事改編】一生所愛 (Updated 第12回)

完結？

私人傳訊

hahawalala

男爵府

積分: 5533

95^#

發表於 15-7-10 16:20 |只看該作者

追

私人傳訊

積分: 46960

開心吸收勳章

96^#

發表於 15-7-10 17:12 |只看該作者

距離婚期仲有三個月時間，今年嘅夏天十分熱，但係PINKY同阿龍呢一對就熱戀得比火紅嘅太陽更熱。

如今二人有影皆雙已經係必然嘅事，PINKY已經冇再做之前嘅工作，洗盡鉛華。二人攞咗一啲積蓄出嚟經營咗一間花店，雖未至於可以大富大貴，但總算生活無憂，而PINKY嘅生活亦越見正常，冇再TAKE嘢，只係煙同酒未能戒掉，酒，阿龍尚可陪佢飲，不過通常都係阿龍少飲或唔飲，一來可以俾PINKY盡興，二來阿龍要TAKE CARE PINKY，所以有時寧願唔飲，而且自有吹波波以來，阿龍要揸車都唔會飲酒，非常奉公守法的。

由晚PINKY嘅好姊妹阿詩嘅生日PARTY，但阿龍今晚開夜PINKY只能一人赴會...

「死婆妳就好啦，俾妳執到件筍盤，對妳又好又錫妳個仔...」阿詩笑曰

「超！妳唔抵得妳又搵返件囉，妳有波有蘿，實大把囝囝溝妳㗎！」PINKY

「妖！咪就係識得搞嘢囉...邊似得你嗰個咁乖仔？點呀仲有三個月心情如何？緊唔緊張先？」

「少少啦，又唔係未結過...不過今次心情好唔同囉...感覺好特別咁！我唔識點形容呀，只係覺得兜兜轉轉咗咁耐，終於遇到個啱嘅人囉！」

今晚在坐每一位都係PINKY嘅好朋友，佢哋每個都為PINKY可以搵到阿龍呢個乖乖仔做老公而高興，大家把酒言歡氣氛相當好，眾人都暢快舉杯...

To be continued...

百花叢裡過，片葉不沾身。

私人傳訊

RosettaC

積分: 2155

97^#

發表於 15-7-10 17:47 |只看該作者

毛

私人傳訊

babysweetheart

伯爵府

積分: 18846

好媽媽勳章醒目開學勳章

98^#

發表於 15-7-10 18:02 |只看該作者

私人傳訊

Yang81

男爵府

積分: 6581

99^#

發表於 15-7-10 18:03 |只看該作者

引用：距離婚期仲有三個月時間，今年嘅夏天十分熱

原帖由 wing1388 於 15-07-10 發表
距離婚期仲有三個月時間，今年嘅夏天十分熱，但係PINKY同阿龍呢一對就熱戀得比火紅嘅太陽更熱。

如今二人 ...

好睇，完結？

私人傳訊