話說今年12月會生BB, 咁自己阿媽一早應承左會幫手湊, 所以係未有之前買樓時已經搬左去同阿媽同一個屋苑.
今年5月同佢講有左時, 佢就話咁做到12月就唔再返工, 本身佢有返PART TIME, 一早話好想退休但又驚無聊等等
仲講明收幾錢, 唔過夜, 朝朝帶過去夜晚要帶走等等野
咁我見佢都隔左30年無湊小朋友, 我又新手, 咪叫佢同我一齊去聽下講座, UPDATE下自己啦. 但過左一個月佢就話手痛, 又驚自己唔夠體力, 要我請姐姐幫手, 咁好啦, 我咪請姐姐囉.. 請左姐姐後, 佢就話你都有姐姐啦, 咁到時坐月幫你買餸叫姐姐煮咪得…. 我心諗, 姐姐又點會識陪月啊, 算數… 我自己請埋陪月…
再過多一個月到7月, 佢就話你有姐姐有陪月, 咁我12月都唔會照顧你啦….. 我已經嬲, 你想縮沙咪早出聲囉…
但轉個頭佢就問我
你真係放心交俾姐姐湊啦? 你要裝多D WEB CAM喎….(下, 你咁講係咪即係你連睇都唔會幫我睇住啊?)
跟住又再話, 你姐姐睇住個BB, 你自己返屋企好做返晒D家務啦, 你想做死人咩… (咩話… 你叫我自己做返晒D家務)
去到呢度. 我真心預左佢係一定唔會幫手.. 咁我就開始明言, 你到時唔好經常過嚟帶姐姐同BB出街飲茶去玩, 我唔想佢玩慣食慣晒….佢就話我好刻薄工人
去到岩岩個WEEKEND,我地知道左阿媽身邊最CLOSE既幾個C9都開始湊孫或準備出年要湊孫啦… 佢又係人地面前話我特別緊張, 唔敢幫我湊等等既說話搞到個個以為係我唔俾佢湊咁…
求意見:
如何杜絕我阿媽日日上嚟搞搞震, 佢擺明唔會湊但又要烕個隻… 尤其唔想姐姐覺得有婆婆撐腰
佢會唔會到時係咁帶走阿B去威
既然佢做到咁… 我應唔應該搬遠D, 太近反而好驚佢亂嚟
其實佢想點呢
P.S. 99要照顧婆婆, 所以唔會幫到手, 婆婆係要朝9晚12咁照顧佢既…62好想湊, 但一個男人無能為力, 又住對面海.. 無可能朝晚接送BB
。(仲有其他唔講啦。)
發表於 
返回列表
