吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 開始想放棄個女

少年成長今日: 0|主題: 15855

收藏本版

發帖

返回列表

跳至頁

查看: 29863 | 回覆: 105

開始想放棄個女 [複製鏈接]

12 3 4 5...6

小魔女bb

大宅

積分: 1870

1^#

發表於 15-11-12 10:43 |只看該作者 |倒序瀏覽 |打印

個女今年讀小三，年頭生咗個仔，升咗小三後，叫親佢幫下手做小小野，佢都同我講：唔得！叫佢拎個玩具比細佬，佢話：唔得。就黎考試，叫佢做練習，佢話：唔得。好多野佢都話唔得，嬲到我有次同佢講，以後佢同我講野，我都會話：唔得。最近啲態度越黎越差，成日發我脾氣，我叫佢執返好自己啲野，叫咗成十分鐘都係坐係度望住我，然後我再講時，我話：你快手啲啦～我要準備吸塵啦～佢就話：我咪執緊囉～嬲到我頭出煙，有次叫佢執時，佢發脾氣，整到啲野好大聲，我話：得，我唔使你執，你放低，隨即拎個垃圾袋出黎裝起哂佢，我話：你唔願意執，咁唔該你掉咗佢！隔咗幾個鐘，我話：我比一次機會你，你一係依家執好佢，我沖完涼之後仲見到，我就幫你掉哂佢。咁佢就死死氣執！有次食飯時，佢訓咗覺，我叫醒佢食飯，我問佢：你食幾多飯？佢望住啲送，睇緊有咩送咁，咁我要餵細仔食，我再問多次，佢發脾氣話，我咪睇緊囉，我同老公呆咗，你眼望我眼，然後我話：你同我離開張枱，佢望住我，我話：你走，我唔使你食，即刻同我行開。佢仍然望住我，我再講一次：走呀～佢就坐係sofa度喊，我嬲到冇同佢講野，當晚老公整個杯麵佢食，佢第二日訓醒好似冇事咁同我講野，我都唔想彩佢。然後第二晚又係同樣態度，好似我欠咗佢咁發我脾氣，然後我話：你再咁既態度，你講一句，我就打你一巴，打到你態度好為止。我開始好討厭個女，我覺得玩係冇問題既，有時會你追我遂咁，但佢有時講講下野唔夠我講，就動手打落我度，嬲到我死，當然我都有打返佢，叫佢拎功課比我睇，佢會話之你，講極都唔彩你，問我拎錢買野，我唔比，佢就用手打開我個啲袋，銀包，我當時真係好想係街兜巴打埋去，但當然冇咁做。我同老公都話佢呢啲野唔知係邊學返黎，我唔係好想下下都打佢，但語重心長咁講，佢根本唔聽，發脾氣講，佢條氣又唔順，佢好似當我係家姐多過似呀媽咁，都唔知點教佢好……攪到我開始想放棄佢！我好多時都好想買條騰條返黎打佢，但又怕打得多，仲越難教，又怕比人告虐兒，溫柔對佢，佢又當你病貓……唉～

0 0 0

私人傳訊

JessicaElla

男爵府

積分: 5651

2^#

發表於 15-11-12 11:13 |只看該作者

她可能覺得你只愛弟弟, 只照顧弟弟, 不理她了, 所以便用對抗的方法來引你關注, 引你的照顧.

建議你可以用對等的身份, 態度跟她好好的談, 說出你的想法, 難處, 令她了解.
讓她暫時不覺得你是媽媽, 可以打開心扉和你說出自己的感受, 從而對症下藥, 改善雙方的關係.

JM, 加油, 別放棄!

私人傳訊

lovestarry001

公爵府

積分: 29348

開心吸收勳章 hashtag影視迷勳章

3^#

發表於 15-11-12 11:30 |只看該作者

宜家D細路好早就有反叛, 更何況宜家多左個細佬, 佢更加會反抗得勁啦

三年班, 話細唔細, 話大唔大, 但係都夠你平心靜氣同佢傾下, 你可以引導性咁問下佢近排會咁架? 慢慢傾下啦

我仔宜家K3, 都越大越扭計, 又係十問9唔應, 句句頂到盡, 但我覺得只係佢有佢0既想法, 佢唔知點表逹啫, 有時臨瞓前我都會抽時間同佢傾下計, REVIEW下佢今日做乜咁NAUGHTY...

.........................................

私人傳訊

aquariusbl

禁止訪問

積分: 758

4^#

發表於 15-11-12 11:38 |只看該作者

提示: 作者被禁止或刪除內容自動屏蔽

私人傳訊

小魔女bb

大宅

積分: 1870

5^#

發表於 15-11-12 11:57 |只看該作者

引用：她可能覺得你只愛弟弟, 只照顧弟弟, 不理她

原帖由 JessicaElla 於 15-11-12 發表
她可能覺得你只愛弟弟, 只照顧弟弟, 不理她了, 所以便用對抗的方法來引你關注, 引你的照顧.

建議你可以用 ...

謝謝妳，其實我都怕佢咁諗，所以佢有要求，我都會盡量做。例如佢想帶飯，咁我每朝就整個靚便當比佢帶返去，做啲咩兩個都會有份，佢都會同我分享下佢啲野，係唔知點解有時啲態度會咁。好似心情好就對你好啲，總之你理佢，管佢既野，你講多句就嫌你煩，發你脾氣……

私人傳訊

小魔女bb

大宅

積分: 1870

6^#

發表於 15-11-12 12:01 |只看該作者

引用：宜家D細路好早就有反叛, 更何況宜家多左個

原帖由 lovestarry001 於 15-11-12 發表
宜家D細路好早就有反叛, 更何況宜家多左個細佬, 佢更加會反抗得勁啦

三年班, 話細唔細, 話大唔大, 但係都 ...

我覺得我既耐力已經用盡，以前一年班，佢唔聽話，我都會同佢落街行下，傾下計，但依家佢啲態度令我唔想再同佢講野。有時好聲好氣教佢，佢啲眼神就瞪住我，嬲到我試過一巴打埋去。我覺得自己已經唔識同佢溝通，我有啲想放心機去個細仔度就算

私人傳訊

小魔女bb

大宅

積分: 1870

7^#

發表於 15-11-12 12:02 |只看該作者

引用：小朋友進入反叛期者，你睇睇特首個女，你就

原帖由 aquariusbl 於 15-11-12 發表
小朋友進入反叛期者，你睇睇特首個女，你就會覺得呢D野其實好小事。。。加油！ ...

咁希望我個女唔會好似佢個女咁

私人傳訊

aquariusbl

禁止訪問

積分: 758

8^#

發表於 15-11-12 12:16 |只看該作者

提示: 作者被禁止或刪除內容自動屏蔽

私人傳訊

YY55

大宅

積分: 1584

9^#

發表於 15-11-12 12:38 |只看該作者

加油呀樓主

"我覺得自己已經唔識同佢溝通，我有啲想放心機去個細仔度就算"
千其唔好咁諗. 主因可能多左細佬, 覺得父母的愛少左

try 上下分 d 獨處時間同亞女去下行超市, mcdonald... 傾下計

互相溝通好重要, 情況唔太差時好做d 工夫, 自己個女, 媽媽忍耐多一下

支持你

私人傳訊

ckat

侯爵府

積分: 20016

10^#

發表於 15-11-12 14:47 |只看該作者

回覆：開始想放棄個女

感覺你女好抗拒你，你亦好抗拒個女，你同個女關係好緊張

溝通上，大家可唔可以改變形式，其實你越鬧，佢越唔順從你意思。或者試試另一種形式，睇下可唔可以改善。最重要令佢覺得受到重視，尊重，關心。

私人傳訊

maggiekeung527

大宅

積分: 2024

11^#

發表於 15-11-12 18:50 |只看該作者

引用：個女今年讀小三，年頭生咗個仔，升咗小三後

原帖由 小魔女bb 於 15-11-12 發表
個女今年讀小三，年頭生咗個仔，升咗小三後，叫親佢幫下手做小小野，佢都同我講：唔得！叫佢拎個玩具比細佬 ...

首先樓主係未有重男輕女的思想？
你好似從來沒有欣賞及讚美下你個女，佢點解會發脾氣，原因在于做左家姐後父母忽略及關愛，你已經沒有耐性對待她，她更加沒有耐性對你，以你描述你都幾煩氣的媽媽。佢的情緒好多時由大人牽引，留意下你對佢講説話語氣，言行一致。

試下多d輔導下佢做家姐的角色，多些跟她獨處時間，有時抱著的身體接觸或kiss下，被她覺得父母是關愛她，比d讚美說話，緩和依加緊張氣氛。
自己個女再難教都要教，如果連父母都放棄，好可憐

私人傳訊

bosch

瑪瑙宮

積分: 128491

2024年龍年勳章 2024勳章 2023年兔年勳章虎到金來勳章開心吸收勳章

12^#

發表於 15-11-12 20:47 |只看該作者

小魔女bb 發表於 15-11-12 10:43
個女今年讀小三，年頭生咗個仔，升咗小三後，叫親佢幫下手做小小野，佢都同我講：唔得！叫佢拎個玩具比細佬 ...

我大仔7歲有時都係咁，態度差左，有時要鬥智鬥力。

而家d 細路好多都係受軟唔受硬，佢做人家姐無耐又想你去注意佢，你亦要湊兩個無耐要多d 耐性，技巧，體力和腦力，大都係係互相適應中，慢慢黎。你想放棄佢而要細佬，因為而家細佬仲可以被你搓圓禁扁，佢到大左識同你鬥氣時，你會唔會又想放棄細佬？唔想的話，係咪意味你重男輕女？

你不如試下講野唔好咁炆咁掘，俾多d 自由度俾大女，少 d 去催促佢，亦俾多d 機會俾佢有做家姐既感覺，亦要多d 細佬相處。

例如：叫大女去揀玩具俾細佬玩，唔係叫佢拎某件具。
叫大女幫細佬將d 毛公仔玩具改名。
佢肯執野就算，唔好催太多，或者你同佢一齊執。佢鍾意玩電器的話咪你俾佢用吸塵機，你去執屋。又或者響屋企玩值日生咁既遊戲。
佢食飯咪由得佢揀由得佢睇，咁佢係睇有咩餸咪由得佢睇，唔駛催佢，總之夠鐘唔食就收枱。
佢係家姐，你可以俾佢知佢有多d 權利，唔好妬忌細佬咁多，例如細佬要早過佢去訓覺，佢可以食少少零食而細佬半粒糖都冇得食，佢可以去廚房煮野食而細佬直頭唔入得廚房等。

唔好一嬲就趕佢走，好傷大家感情。而家佢仲肯第二日好似冇事咁同你傾計，因為佢仲細仲未識嬲你，點解你又咁狠心覺得到第二日都唔想同佢講野呢...

私人傳訊

張馮

洋房

積分: 33

13^#

發表於 15-11-12 21:02 |只看該作者

引用：個女今年讀小三，年頭生咗個仔，升咗小三後

原帖由 小魔女bb 於 15-11-12 發表
個女今年讀小三，年頭生咗個仔，升咗小三後，叫親佢幫下手做小小野，佢都同我講：唔得！叫佢拎個玩具比細佬 ...

用一些輕鬆語調表達你對她的愛和欣赏，譬如說弟弟還在賴屎賴尿，照顧他有幾麻煩，如果妳幫到我就好了......如她肯幫忙，說聲多謝！不能着急，用心令她明白及改變，打是没辦法中之辦法，有可能會誤傷子女，而且子女會有樣學樣的！每個子女都有不同的傾向，我的兒子比我的女兒較難理解，唯有用多些耐性，陪他玩耍，看書，帶他到公園和幼稚園同學及一些小朋友玩耍。

私人傳訊

yannietimb

大宅

積分: 1447

14^#

發表於 15-11-12 22:00 |只看該作者

回覆：開始想放棄個女

雖然三年級看似大個女，但其實可能你高估左佢接受細佬既感受，我之前懷有第二胎時，幫我仔做訓練既老師不停提醒我們細b出世後，要顧及哥哥既感受，她用了一個比喻，話bb既出世對於佢，就好似兩公婆中多了個第三者，試想下你可唔可以接受你老公多個女人，還要你對個女人好，咁你就會明白大仔既感受，所以我時刻提醒自己，要將心比己，希望幫到你點面對你個女！

私人傳訊

露比EE

侯爵府

積分: 20406

15^#

發表於 15-11-13 01:26 |只看該作者

回覆：開始想放棄個女

你每日揾d時間同阿女獨處，了解下佢，認同下佢，等佢feel到你重視佢，緊張佢!

私人傳訊

Po_yee

大宅

積分: 3724

16^#

發表於 15-11-13 01:39 |只看該作者

回覆：開始想放棄個女

花多啲時間，俾啲耐性照顧阿女，可能會有意外收獲
突然多左個弟弟，分左媽媽既愛，而媽媽又成日發脾氣，所以搞到關係差哂
首先要修補返你地既關係先，至於照顧弟弟，不步一步黎，始終仲係細，三年級妹妹，仲要有自己既獨立思想

慢慢黎，唔好咁輕易話放棄自己個女，俾佢知道一定好傷心

私人傳訊

Po_yee

大宅

積分: 3724

17^#

發表於 15-11-13 01:40 |只看該作者

引用：花多啲時間，俾啲耐性照顧阿女，可能會有意

原帖由 Po_yee 於 15-11-13 發表
花多啲時間，俾啲耐性照顧阿女，可能會有意外收獲
突然多左個弟弟，分左媽媽既愛，而媽媽又成日發脾氣，所 ...

一步一步

私人傳訊

張馮

洋房

積分: 33

18^#

發表於 15-11-13 06:40 |只看該作者

回覆：lovestarry001 的帖子

我的兒子從學說話開始，就喜歡說反話，我覺得他只是玩著說，不須太介懷，每次提醒他不對便是了。他的脾性比姊姊更難理解，要用多些耐性。

私人傳訊

小魔女bb

大宅

積分: 1870

19^#

發表於 15-11-13 08:27 |只看該作者

引用：加油呀樓主\"我覺得自己已經唔識同佢溝通，

原帖由 YY55 於 15-11-12 發表
加油呀樓主

"我覺得自己已經唔識同佢溝通，我有啲想放心機去個細仔度就算"

謝謝妳

私人傳訊

小魔女bb

大宅

積分: 1870

20^#

發表於 15-11-13 08:33 |只看該作者

引用：感覺你女好抗拒你，你亦好抗拒個女，你同個

原帖由 ckat 於 15-11-12 發表
感覺你女好抗拒你，你亦好抗拒個女，你同個女關係好緊張

溝通上，大家可唔可以改變形式，其實你越鬧，佢越 ...

其實佢有時好奇怪，例如佢放學返黎，佢會同我講學校既事呀，但可能兩個鐘後，佢啲態度會突然唔同哂，同佢講野，佢會發脾氣咁既態度對我。唔知佢攪嘜，好似我老公昨晚見佢成十一點都唔訓，就問佢：你明天要唔要返學？因為佢今日放咗假，咁佢正常答要就得，但佢唔出聲，望住個爸爸，我老公再問時，佢話你問下媽咪，然後我老公就好正經咁話，依家你返學，我問你，你答我就得啦，做咩要我問媽咪，依家返學果個係你。其實冇人鬧佢，但佢就發脾氣走上張床度……

私人傳訊