吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 我來報喜了，QE催生經歷！超長！

懷孕前後今日: 1|主題: 329760

收藏本版

發帖

返回列表

跳至頁

查看: 15903 | 回覆: 47

我來報喜了，QE催生經歷！超長！ [複製鏈接]

12 3

mobebaby

大宅

積分: 4199

1^#

發表於 15-11-19 15:31 |只看該作者 |倒序瀏覽 |打印

大家好我黎報喜，阿仔喺9月20號QE出世，因為全人奶關係一直都好忙冇時間上黎報喜。但我好想同大家分享下我催生既過程和剛為人母既喜悅！我今年年初驗到有喜，除左6週既時候見紅作小產外，基本我整個懷孕過程都好輕鬆同愉快！因為老公係公務員所以我選擇去QE生，但我每個月都會去私家做產檢，而阿b一直都好健康咁成長，直至我懷孕到38週既時候，我去私家做檢查醫生話阿b既肚圍喺過去既3個星期幾乎冇長大過，同我35週檢查時咁大，而佢既體重增長都比正常慢左，一直阿B都係中大碼b，但38週時阿b已經落到中細碼好貼近細碼，但當時阿B其他指數都係健康的，只係肚圍細左3週幾。
於是私家建議我下次政府產檢既時候同醫生講番情況。到38週5我番L座檢查既時候將個情況話比醫生知,同時將我35同38週私家產檢時既超聲波相比醫生睇，跟住醫生安排我馬上上產前房駁機睇阿b睇心跳,同時比左個期我39週1既時候番QE睇超聲波，結果我上產前房駁左1個鐘胎心機，阿b心跳好正常所以我可以番屋企。
到左39週1我準時番QE照超聲波，照完之後，姑娘call左2個產科醫生上黎睇我個報告，結果阿b個肚圍依然細左3週幾唔合格，醫生話阿b其他指數都好正常而肚圍細代表阿b營養吸收得唔好，叫我考慮下催生，因為阿b一早已經足月，咁我同意之後原本醫生想我即日入院塞藥（因為檢查過我宮頸未成熟所以要先塞藥催熟宮頸），但因為我咩都未準備好所以問醫生可唔可以聽日先入院，咁醫生同意左。
到左第2日我一早8點就要番Qe入院，到9點幾醫生巡房同我講塞藥係每日塞一次，要有心理準備塞藥唔係一次就得有機會要塞多次，要睇我宮頸夠唔夠成熟，但最多只會塞3次如果都唔夠成熟就開刀（但好小咁既情況）。醫生巡房後到11點幾姑娘就黎幫我塞藥，塞藥之後要駁住胎心機所以有幾個鐘我要訓低唔比落地⋯⋯⋯⋯⋯待續！

0 1 0

私人傳訊

Yobiba

大宅

積分: 3003

2^#

發表於 15-11-19 16:17 |只看該作者

回覆：我來報喜了，QE催生經歷！超長！

追

私人傳訊

vljp

大宅

積分: 1064

3^#

發表於 15-11-19 16:28 |只看該作者

回覆：mobebaby 的帖子

追

私人傳訊

lovelysumbaby

禁止訪問

積分: 470

4^#

發表於 15-11-19 16:34 |只看該作者

回覆：我來報喜了，QE催生經歷！超長！

提示: 作者被禁止或刪除內容自動屏蔽

私人傳訊

la_source

琥珀宮

積分: 195511

2024年龍年勳章 2024勳章 2023年兔年勳章虎到金來勳章減齡達人勳章認識瑞士牛牛第三回認識瑞士牛牛第二回認識瑞士牛牛第一回畀面勳章環保接龍勳章 BK Milk勳章 15週年勳章

5^#

發表於 15-11-19 16:43 |只看該作者

:追

私人傳訊

mobebaby

大宅

積分: 4199

6^#

發表於 15-11-19 17:03 |只看該作者

續⋯⋯塞完第一劑藥之後我會行會走個肚冇咩唔舒服，果一晚我訓得唔係好好，因為咁大個女第一次訓醫院，好快到左第2朝，早餐係一碗粥同一個小麥包，食完早餐又到巡房時間，醫生幫我檢查宮頸，然後話宮頸已經成熟唔使再塞藥,一陣可以上產房催生！好快姑娘就黎比紫袍我換然後幫我抽血種豆，到9點半姑娘就送我上產房。入到產房後，助產士叫我訓上床然後駁胎心機，床邊吊住2樽水我估一樽係催生藥另一樽係鹽水。然後姑娘教定我點用笑氣。
到左10點鐘醫生就入黎幫我人手穿水，醫生伸手入去撩下撩下我聽到幾聲鉸剪聲就感覺到下面有d暖水洗出黎，當時幫我穿水其實都幾痛，但原來劇肉仲未黎。
穿水後開始幾果2樽水既喉駁落我粒豆度，好快開始有料到，我第一次感覺到陣痛，當時果種痛都仲忍到，大約5分鐘痛一次每次30到40秒左右。醫生走左之後姑娘仲留喺房入面同我傾計，我問佢一般催生會痛幾耐，佢話8個鐘左右，仲話如果我今日之內生唔到阿B出後就要吸出黎或者開刀，然後我問多唔多人催生唔成功要開刀架，姑娘話都多架。傾左一陣之後姑娘同我講佢收工啦叫我加油！

隨住時間慢慢過我感覺到開始越黎越痛，但仲未到未忍受唔到既程度，到中午12點左右老公終於到產房，入到房佢好興奮，攞住部相機周圍影，完全忽略左我！
到左下午1點後我開始忍受唔到D痛了，我一隻手捉住老公一隻手攞住個面具吸笑氣，吸完笑氣係唔令痛減輕，佢只係令你吸完個人好迷糊等你容易D挨過個陣痛！⋯⋯待續！

私人傳訊

hoganbaby

公爵府

積分: 27460

7^#

發表於 15-11-19 17:14 |只看該作者

回覆：mobebaby 的帖子

睇到個心好驚，不過繼續

私人傳訊

kim1204

大宅

積分: 3624

8^#

發表於 15-11-19 18:21 |只看該作者

回覆：我來報喜了，QE催生經歷！超長！

恭喜晒！我都會係qe生。有d問題想問...
吹生係塞藥再種豆？
塞藥塞下面？
種豆係輸d咩？

私人傳訊

ko2612

複式洋房

積分: 452

9^#

發表於 15-11-19 18:33 |只看該作者

追!

私人傳訊

Chercherbee

複式洋房

積分: 165

10^#

發表於 15-11-19 18:41 |只看該作者

回覆：我來報喜了，QE催生經歷！超長！

恭喜樓主～留毛等繼續分

私人傳訊

mobebaby

大宅

積分: 4199

11^#

發表於 15-11-19 18:41 |只看該作者

續⋯⋯時間一分一分咁過到下午3點左右醫生黎睇我，咁岩當值既醫生係一直幫我做開產檢既L座醫生，佢都認得我，佢仲話原來係你，催生對你同阿b都好，生左出黎有咩事有醫生睇住，喺肚入面佢發生咩事我地都冇辦法第一時間知道。佢又問我係唔係好痛？我話好痛阿醫生!然後醫生同我講不如你考慮下無痛啦，我要加藥令你子宮收縮更密，到時你會更痛！然後我吓⋯⋯左一聲，我話我已經好痛啦，仲未生得咩？醫生話呢D痛小兒科真正既痛有排都未到⋯⋯
然後醫生話我走啦，你考慮完要無痛就同姑娘講，快D考慮啦，要Call麻醉師都要時間架！
加左藥之後果然痛到飛起，個痛由個肚沿住條尾龍骨一直上，成個背脊痛到我唔識形容，於是我禁鐘叫姑娘黎話要做無痛，但姑娘話佢唔建議我做，仲話有好多止痛方法都未用叫我考慮下先，佢話無痛係要放支管落脊骨，如果其他法方舒緩到就用其他方法先！姑娘話不如試下QE獨有既香薰按摩，我話好，好快姑娘攞左幾種香薰黎比我揀鐘意既香味，然後就問我陣痛時覺得邊度最痛？我話背脊，於是姑娘幫我按摩背脊，姑娘按得好舒服，陣痛既時候真係冇咁痛，但時間慢慢過，痛又越黎越密越來越痛，按摩已經好似冇咩效果，咁姑娘就話不如叫醫生黎幫我打止痛針，我當然答好啦！
於是我又見番果個醫生,佢又係建議我無痛，仲話止痛針止唔曬D痛，同埋止痛時間得幾個鐘，當然佢都開支止痛針比我。打完止痛針再加姑娘既香薰按摩我有一段時間係止到痛我仲可以訓著，後來姑娘要做其他野幫唔到我再按,佢就教我老公幫我按！⋯⋯待續！

私人傳訊

manman811

別墅

積分: 985

12^#

發表於 15-11-19 19:06 |只看該作者

回覆：mobebaby 的帖子

點解個醫生係咁叫你做無痛架

私人傳訊

zazabeauty

男爵府

積分: 7688

最關心BB問題熱投勳章想生BB熱投

13^#

發表於 15-11-19 19:12 |只看該作者

恭喜恭喜...

繼續追...

私人傳訊

mobebaby

大宅

積分: 4199

14^#

發表於 15-11-19 19:26 |只看該作者

續⋯⋯
喺產房既時間其實過得好快，好快我催生左已經9個鐘，到時夜晚7點又見番今朝收左工既姑娘，原來佢就係幫我接生既助產士，我問佢姑娘我生得未阿，姑娘望一望胎心機螢幕，就話有排，你呢種痛仲係碎料！我忍唔住⋯⋯哇左一聲出黎，用就黎喊既聲講姑娘我已經覺得好好好好痛啦，點算阿？佢話你乖啦忍吓啦!
過左一陣醫生又入黎加藥⋯⋯真正既戲肉終於黎啦！加左藥之後我只可以講痛到癲，每次陣痛時D痛沿背脊同埋大脾漫延全身，痛到痺，真係痛到全身痺，我都唔記得當時點挨過D時間，只你記得我唔知係痛到個人迷糊定係吸笑氣吸到個人迷糊，我只係知道每次陣痛完我都好累好累好眼訓，然後又好痛好痛，不段咁重複，痛越來越密越來越長，姑娘話阿B有D頂唔順幫我戴氧氣管，呢個時候我陣痛已差唔多一分鐘痛一次每次痛一分鐘，姑娘終於幫我檢查開到幾多度，檢查完我問姑娘生得未，姑娘話快啦加油阿，我又問咁開到幾多度阿？姑娘話開到5度，（當時我好似成個人由天堂落左地獄咁）我話明明話就快，但只係開左5度，我已經痛左超過10個鐘先開得5度，咁我仲要挨幾耐阿？姑娘只係話唔挨都挨左咁耐忍埋佢啦！
好快時間去到夜晚10點，我已經催生左12個鐘，呢個時候既我已經痛到每一下大陣痛時我都要死咁，而且每次痛既時候我有一種強烈想大便既感覺，果時我已經痛到失晒理智，我不停咁講姑娘我好痛阿我要大便阿，然後姑娘話未得唔柯得住，然後陣痛時我又重複話好想柯好柯！⋯⋯待續！

私人傳訊

mobebaby

大宅

積分: 4199

15^#

發表於 15-11-19 19:32 |只看該作者

回覆 kim1204 的帖子

塞藥其實係塞入下面，作用係令子宮頸成熟，因為未成熟子宮口係唔會打開架，而催生藥我當時係好似吊鹽水咁既方式持續注入身體的，直到生完先會停的！我最初係一分鐘12滴到後期係慢慢加到一分鐘36滴！

私人傳訊

behappywo

別墅

積分: 903

MommyPanel勳章

16^#

發表於 15-11-19 19:36 |只看該作者

回覆：我來報喜了，QE催生經歷！超長！

恭喜樓主！
謝謝分享，我出年5月都喺QE生。

私人傳訊

Decemberbaby

別墅

積分: 784

17^#

發表於 15-11-19 20:29 |只看該作者

回覆：我來報喜了，QE催生經歷！超長！

恭喜樓主！
我出年3月都係QE生！
雖然路睇一路驚，不過知多d都係好事

私人傳訊

wai0824

伯爵府

積分: 19479

2024年龍年勳章牛年勳章 2018母親節勳章 2018復活節勳章瞓得好勳章食得好勳章開心吸收勳章大廚勳章爸B勳章 BK Milk勳章

18^#

發表於 15-11-19 21:46 |只看該作者

回覆：我來報喜了，QE催生經歷！超長！

私人傳訊

mobebaby

大宅

積分: 4199

19^#

發表於 15-11-19 22:01 |只看該作者

本帖最後由 mobebaby 於 15-11-19 22:09 編輯

續⋯⋯時間黎到10點半，姑娘話拿你宜家可以試柯啦，叫我當陣痛去到最痛時就用力柯，記住吸大啖氣，最初我都掌握得唔好試左幾個字之後開始好D，好快姑娘話見到阿b頭頂了，但經過13個鐘陣痛，我真係又累又餓，雖然姑娘話見到阿B頭頂但我真係無力柯落去，好快我柯左一個鐘，呢個時候姑娘話佢出一出去叫醫生入黎，跟住成班姑娘（有5到6個）加醫生就入左黎，幫我接生既姑娘就話你睇大家黎同你打氣，你加油，一陣大陣痛黎既時候你大力柯啦，當我用力既時候全間房D姑娘就不停咁叫加油！用力！唔好停！頂住！試左幾次之後都仲係無功而還，之後姑娘同我講話要幫我剪會陰，跟住就手起剪落，剪完之後姑娘話下次再黎陣痛既時候其他姑娘會幫我用力叫我加油，好快陣痛黎了我開始用力跟住有2個姑娘不停咁推我個肚，我就不停咁用力，突然大家話出左啦！個頭出左啦！然後好多把聲同時話唔好柯住，然後又叫我可以柯了，好快個身都出埋黎，我終於成功！阿B喊得好大聲！原來出左個頭之後就好好生架，一下就可以柯埋個身出黎！經過13個幾鐘既陣痛我總算順利生左阿b出黎，而阿b重2.9Kg,都算一個細中碼b!
生完之後姑娘將阿b放上我心口，我地一家3口仲未有溫馨既單獨相處時間，姑娘就話我產後出血要先將阿b送上產後房比姑娘照顧，又叫我老公先出去,因為要幫我止血，阿b同老公走左之又一群姑娘加醫生黎幫我打抽血不停按摩個肚，而我不停咁感覺到下面有暖水湧出黎，而我個人已經開始迷迷糊糊咁訓著左，到我醒番既時候已經剩番接生姑娘幫我縫會陰傷口，姑娘話我岩岩產後出血流左成950cc血，我問點解會咁，佢話可能因為我催生太耐子宮太累生左阿b之後子宮收縮得唔好所以胎盤既傷口不停出血，不過幫我打左2支幫助子宮收縮既針而家已經止左血、同時幫我抽左血去驗血色素睇下需唔需要幫我輸血！最後好彩唔使輸血，果一晚我喺產房訓左一晚到第2朝早7點幾先叫阿姐推我番上產後病房！
而我既媽媽生涯就咁開始左！宜家阿B岩岩2個月，頭一個月就算有阿媽陪月幫手但依然好辛苦好辛苦，因為我係人奶媽媽，幾乎冇得休息，但睇住阿b一日一日大越來越叻，每當佢食飽奶訓醒覺對住我笑既時候，我覺得幾辛苦都係值得！加油各位準媽媽，相信自己做得到同埋好好享受懷孕既時間，祝大家好孕

私人傳訊

mobebaby

大宅

積分: 4199

20^#

發表於 15-11-19 22:43 |只看該作者

後續⋯⋯⋯
我好興幸當初選擇去Qe生，喺我成個懷孕過程不論係產前既檢查，生產過程，產後照顧bb,Qe既醫生護士幫左我好多好多，特別係產房幫我接生既助產士姑娘，全個生過程不停咁鼓勵我，當我自己都生到氣餒既時候佢仍然對我有信心，明明話比一個鐘我生，結果佢比我生左成個半鐘，生完阿b之後我忍唔住當住咁多人面前喊住多謝幫我接生既姑娘。

私人傳訊