HinBB0624 發表於 16-3-20 22:56
請問你有無相關食譜?
整意粉好簡單:
材料有蕃茄乾、洋蔥、蒜頭、洋蔥、菠菜葉、意大利粉/麵、芝士碎
蕃茄乾浸軟後切細,蒜頭切碎,洋蔥切細粒,落少少橄欖油落平底鑊度,同時煲水加少少油同鹽煮意大利粉/麵,鑊加入蒜頭同洋蔥爆香先,灑鹽及黑胡椒粉,再加入蕃茄乾,落菠菜葉炒到熟(會變色縮水),撈起意大利粉放入平底鑊中,炒勻,灑上芝士碎拌勻,上碟。
唔加芝士碎都得,加D蕃茜或羅勒都夾味嘅。
蝴蝶粉沙律
材料有蝴蝶粉,松子(可以唔用或改用其他堅果如合桃),蕃茄乾,羅勒葉,橄欖油,蒜頭,鹽,黑胡椒
蝴蝶粉煮熟撈起隔去水份放涼,松子烘香,蕃茄乾切細,羅勒只要葉,將以上材料放入蝴蝶粉撈勻,加橄欖油,蒜蓉,鹽同黑胡椒拌勻就食得,材料可跟喜好改動。
花旗太太生活在花旗國,留意時差,你問我未必即時答到。