夫婦情感 今日: 16 | 主題: 42461

積分: 812

1^#

發表於 16-6-24 22:06 |只看該作者 |倒序瀏覽 |打印

近排成日諗起以前嘅事，試下寫番出黎
細個屋企管教好嚴，加上中學時間只想專心讀書，好大個先初戀。開頭入左ive都無諗過要拍拖，不過世事嘅野好難講，因為我遇到佢
佢叫m, 果時班上得30人，其中10人係男，佢唔算好高，但鼻高高，臉尖尖，有點似蕭正楠。因為我無參加orientation day,所以無咩識人，大部人已經一群群，而我就同另一個無參加orientation day嘅女仔成日一齊。
有一科要分3人一組，我同果個女仔一齊，剛剛分唔夠人，所以m就黎左我地果組。跟住，其他科都好自然都係呢個組合，慢慢我同m熟起來
係同學堆之中，m仲同女學q，玩得好埋，叫得佢做q，果樣都好cutie,細細粒，我一直以為佢地一齊，同m熟左之後（應該開學後一個月），佢晚晚打俾我傾計，每次都傾成個鐘，開頭我以為佢鐘意我，原來唔係，佢每晚都會打俾好幾多女仔傾電話，我有點失望...
果陣我返嘅兼職係平日夜晚，m就是返星期六日全日，我放工，佢會打電話俾直到我返到屋企，佢返工休息同放工，都會打俾我，出左糧會請對方食tea,呢好朋友關係維持到5月開始有變化
佢話想買份禮物送俾佢媽媽，咁啱我識人買碧西平，咁我就帶佢去，那次係我們第一次兩人出街，一直嘻嘻哈哈，之後仲去影貼紙相，轉第二個post果陣佢突然搭住我膊頭，果陣個心噗噗咁跳，我地咁親密，我都感覺到佢都跳得好厲害..不過之後都是各自各返屋企
晚上如常咁講電話，估唔到果日見完後，要隔十幾日後見面，因為sars要停課，果十幾日真的很辛苦，雖然好掛住，但沒有說出口，始終我覺得男仔開口先會好d, 而且又怕只有我單方面...
終於等到宣布愎課，其實係要考試，不得不愎課，知道可以返學果日，我同佢都好開心，前一晚打俾佢又講電話，傾了3個鐘，休息一個鐘又講3個鐘，都最後我唔想收線
佢問我：係咪掛住佢？
我話：係
（傳黎一陣陣奸笑聲）
佢：我都係.明天見到面再講，要考試早點訓啦

0 0 0

私人傳訊

Tangbee11298

積分: 2395

2^#

發表於 16-6-24 22:15 |只看該作者

私人傳訊

wbowbo

男爵府

積分: 9456

3^#

發表於 16-6-24 22:30 |只看該作者

本帖最後由 wbowbo 於 16-6-24 23:08 編輯

私人傳訊

積分: 812

4^#

發表於 16-6-24 23:09 |只看該作者

（2）第二日見到面大家都有d怕怕醜醜咁，一直行返學校，都無掂過對方，直到行到學校入面，m留意到周圍無人，即刻拖住我隻手，我心諗等左呢日好耐了，不過見左幾部步，見到其他同學又縮開手，大家先拍拖1分鐘（？），都好唔想被其他人知住
考完試後，我地又見面，果陣好興係電腦室hea, 當時因為sars,電腦室都好冷清，我地都帶住口罩，趁無咩人留意，我地就kiss, 發夢都估唔到我嘅初吻係載住口罩...
考完試之後係開始放暑假，好期待第一次有拖拍的暑期會係點，結果希望越大失望越大。
拍拖初期，互相睇大家的袐密，Xanga , 睇銀包，被我發現到m同q的貼紙相，m搭住q的搭頭，頗為親密。我即刻問m,呢張相係幾時影嘅？
佢話有人放學經過咪影囉（佢地搭同一條線）
到夜晚又到傾電話時間，我問m係咪曾經鐘意過q
佢話係,不過q對佢無感覺，而家淨係鐘意我一個...
當時我半信半疑，不過我真係好鐘意m呢
有日m同我講，佢同q都想報興趣班，我話好呀，咁就約埋一齊去報名啦！
出到去我地就報名，不過我地唔係好識行，係旺角迷路，期間我腳痛，越行越慢，開始跟唔上佢地步伐，我遠遠望住佢地玩得好開心，又唔可以喊，好辛苦。
佢地終於發現我行得好慢，埋我之後，好快我又跟不到步伐，如是者，終於行到報名，結果我同m報左剪頭髮，m同q報左畫畫，然後我就含住一泡眼淚返part time ,而佢地繼續係旺角行街。
之後m就開始對我冷淡，電話依然無日都講，但佢好趕住入線，一係就有電話入。就算同m出街都是好冷淡，終於拍拖2個月後，我同m講分手，m都好平淡咁應承左，收左線之後，我喊得好緊要，家人問我咩事，我唔敢講..
之後仲要趁無人果陣攞把刀(emoji)手（果陣真係好傻），好彩屋企嘅刀唔利，我無傷到，但當時更加唔開心，點解我想要皮肉痛嘅感覺黎忘記心痛都唔得？？
喊左幾日加上朋友的安慰，情緒已經好了好多，但當自己一個人的時候，又無不自覺地哭..

私人傳訊

積分: 812

5^#

發表於 16-6-24 23:58 |只看該作者

（3）冷靜過後，我真係係放唔低，唔知邊到黎嘅，我決定要追番m，點樣追，我唔係好記得了，我淨係記得佢點令我死心..
之前一路都有繼續講電話，所以我覺得佢唔抗拒我，有一日我就等m收工，諗住俾我驚喜佢，不過裝到佢之後又唔敢係m面前出現，一直跟到佢搭地鐵，直到佢拎個電話出黎想打俾人，我怕佢打俾q，所以立即出現，佢果樣好驚訝，點解我會係到，我話我專登等你嘅⋯⋯
M:你唔好咁樣做啦
我：我想同你搭車咋，唔會阻住你（而家諗番都覺得自己好變態）
M:你返屋企啦
跟住去到個站（我返屋企就要係呢個站轉線），m一手推我出車，今次我真係無咁厚面皮再上車，因為其他乘客都望住我地，同埋都應該聽到我地嘅對話，我忍住眼淚，望住車門關上，望住佢寧轉身，望住車開走了，又哭了...雖然只係2個月時間，不過都好痛好痛...
之後我無再搵m，而m間中會打俾我，但我已經無心機同佢講野，怕自己又再投入一次，令我最煩惱的是就快year 2開學，又面對m同q起碼一齊嘅畫面..
Year2開學，因為無人知我同m曾經拍過拖（淨係得q知道），所以我同m如常同一班同學玩，不過我會避開我同m的獨處
我以為自己已唔再心痛，點知見到m同q一齊拎住畫簿，我又知佢地一齊返學，又可以獨處了，果心依然一陣陣痛。我逃避不到m，因為某些科我地依然係同組..
大給9月尾時，我係圖書館做功課順便等時間返工，而m就一齊做功課（還有其他人係到），之後我出去洗手間，m就係門口等我，佢係褲袋到拎住支益力多俾我，我話係你褲袋拎出黎嘅，我唔要呀！佢係咁迫我要，糾纏一輪，我終於發脾氣，你唔好一時對我咁好，一時對我咁差，我好辛苦架！講完就轉身走，因為我d眼淚又忍唔住流出黎...
第二晚，m打俾我，佢話會證明俾我睇，佢唔會再令我傷心，而我仲鐘意m,所以俾多次機會俾大家..
續

私人傳訊

hamsubbb

積分: 3062

6^#

發表於 16-6-25 00:30 |只看該作者

回覆樓主:

你俾人玩。

私人傳訊

Tangbee11298

積分: 2395

7^#

發表於 16-6-25 02:01 |只看該作者

樓主你初戀好痛苦喎

私人傳訊

kawai35

積分: 4275

BK Milk勳章親子王國15週年勳章

8^#

發表於 16-6-25 04:06 |只看該作者

等

私人傳訊

katkatyy

積分: 2017

9^#

發表於 16-6-26 12:56 |只看該作者

等

私人傳訊

kawai35

積分: 4275

BK Milk勳章親子王國15週年勳章

10^#

發表於 16-6-26 22:42 |只看該作者

私人傳訊

pollyly

侯爵府

積分: 22559

11^#

發表於 16-6-27 12:42 |只看該作者

回覆：我的故事

條仔想點

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

12^#

發表於 16-6-27 17:07 |只看該作者

私人傳訊