自由講場今日: 106|主題: 1302622

收藏本版

發帖

返回列表

跳至頁

查看: 146836 | 回覆: 1056

12 3 4 5...53

積分: 1151

1^#

發表於 17-2-6 04:14 |只看該作者 |倒序瀏覽 |打印

今日返工夜晚7點幾左右去TOLIET(鵝頸橋公廁),去去下，突然有人好大力拍門，話留左個電話喺入面，我話等陣先，我去緊TOLIET, 佢繼續好大力拍門，我再話等陣先，之後已經接近拆門咁濟，出到去，我話痴線架，呢度香港嚟架，可唔可以有D 禮貌，我唔介意你報警搜身，之後佢搵左個人講我偷電話，我冇理佢，繼續洗手，之後洗完手諗住走，佢擋住個門口，大叫我打人，我冇理，我話＂走開，你可以報警，咪郁手＂之後佢郁手，打左我幾把，扯住頭髮將我條頸扭去另一面，再㩒底我，用一隻腳踩住我一隻腳，因為頸扭住，我出唔到聲，我唯一出左幾次聲係＂報警＂＂點解咁多人睇住佢打我，可以唔過黎幫手＂，佢不停講＂你肯定成日偷人電話＂＂你肯定成日打人＂，每次我出聲，就用膝撞撃我左邊肋骨，到10-15分鐘左右(有人講點解可以成十幾分鐘先到)警察嚟到，落口供，有一個香港女人(証人?)喺佢身邊。之後去醫院驗傷，佢被我抓損塊面，而我！冇表面傷痕！佢拉低我件衫果陣，我記得有反抗，但係唔係我抓，我唔肯定。
之後用＂打鬥＂＂拘捕＂我去到差館，等左好耐，見第一個警察，佢話＂對方有表面傷痕而你冇，你考慮簽守行為一年，可以下次簽保再答覆＂。
到打指摸，有一個CID 話＂呢個世界而家好發達架，呢幾日應該有好多片睇，我唔知你放左幾多人落嚟啦，總之因為你地都有郁手，所以你地係打鬥＂，我話＂你話我放左幾多人落嚟係咩意思?＂，CID話＂你自己諗下我講嘅係咩意思＂，我話＂返返下工去TOLIET 比人打，你唔幫冇所謂，但唔係咁囉＂，CID 話＂我有唔X幫你咩，咁你而家坐喺度做乜X嘢＂之後不停用粗口閙，我忍唔住喊，我喊，唔係因為我驚、我懦弱，係因為我覺得好委屈!！一個返返下工嘅人比人咁打冇人幫、比警察屈，呢個係咩地方！
就因為對方係一個四、五十歲左右嘅阿婆！
一個大我身型一倍，手瓜可以㩒低一個人，再用膝撞嘅四、五十歲嘅大陸人阿婆！ (續)

0 0 0

私人傳訊

christy12

大宅

積分: 1151

2^#

發表於 17-2-6 04:16 |只看該作者

回覆樓主：

本帖最後由 christy12 於 17-2-6 13:04 編輯

所以我變左犯人? 所以我偷左人電話? 所以我比人打到咁都冇人肯行過嚟幫手? 所以我比個CID 講我唔知放左幾多人落嚟都要接受???

呢度係香港！!！

如果有人拍到片，可唔可以聯絡我，還我一個公道，一個香港應該有嘅治安！！！

跪求！！！

時間：2017-2-5，夜晚7:20左右，鵝頸橋公廁門口

私人傳訊