懷孕前後今日: 29|主題: 329782

收藏本版

發帖

返回列表

跳至頁

查看: 9126 | 回覆: 58

流啡/血 + 遇著個向錢看醫生！好depress (長篇）

[複製鏈接]

12 3

KwongYuki

大宅

積分: 3425

1^#

發表於 17-5-15 18:34 |只看該作者 |倒序瀏覽 |打印

本帖最後由 KwongYuki 於 17-5-15 19:03 編輯

話說我之前試過小x (詳細我唔講啦，大家可以睇返我舊post)
咁當我5月7日（約5w) 晚上流啡（約一張護墊）、搞M痛；我擔心不已，不幸我平時睇開嗰個婦產科醫生(黃X新）個期去到5月尾先有位；逼不得已打電話去約咗另外一個婦科醫生。
點解我會搵佢？諗住雖然佢口臭，但因為佢易約，冇辦法底下而我又危急，所以都約咗佢！
打電話去約嘅時候，姑娘已經問長問短，問返我上次小X最後點樣，比我嘅感覺係如果上次唔係搵佢做最後產檢/接生，佢今日唔會接我個case！

總算約左星期一下午（5月8日）去睇，一如所料，問返我上次如何引產，佢用詞又衰衰格格，詳情我唔在這裡提了，因為真的很傷心！
第一次見已經sell我驗DNA (nifty / T21)，我心諗「大佬呀，今日先得個五週又唔穩定，咁快就講呢啲！」
我問佢，個胎點呀？位置低唔低，佢講野好似專登要嚇死人咁講「低！好低！低到打個乞嗤就會出左來！」
例牌照陰照+打安胎針+食安胎藥+止血藥+開病假紙比我；叫我星期四再覆診！
Okay! BB 最緊要，睇密d就睇密d!

星期四（5月11日）再去，話止左血是因爲佢功勞！我心諗「你鍾意啦！」
今次呢，又sell我開刀，佢串到死話「不過你咁矮，盆骨一定細，到時唔可以順產，要開刀；順產唔係唔得，會焗死佢囉！」
（其實我肥底，我覺下身盆骨唔算窄）
心諗「想sell野咪sell野囉，無情白事做乜踩我!」
照陰照時又話「照左有無心跳先算啦！」
最後，做陰照+打針+食安胎藥。

5月12日剛巧有期去見威記E生，E生都無特別講咩野！

（待續）

0 0 0

私人傳訊

janede1314

男爵府

積分: 7814

開心吸收勳章

2^#

發表於 17-5-15 18:48 |只看該作者

KwongYuki 發表於 17-5-15 18:34
話說我之前試過小x (詳細我唔講啦，大家可以睇返我舊post)
咁當我5月7日（約5w) 晚上流啡（約一張護墊）、 ...

希望你可以快d轉返個好醫生，醫德差的醫生真的好影響媽媽心情

介不介意pm 我告之個衰醫生系邊個等我同d朋友防範下？

私人傳訊

KwongYuki

大宅

積分: 3425

3^#

發表於 17-5-15 19:02 |只看該作者

這兩天我乖乖的的瞓在床上！

不過昨晚（5月14日）去VV時抺到血絲（好似平時流鼻涕損左咁有一條血絲），沒有肚痛；晚餐我都唔敢出街食了，c6買返來比我！諗住今日都覆診，唔差在等多半日吧！

今日（5月15日），知道要照陰照，到達診所時，去多一次洗手間，VV完時，抹到有啡！
當然，我同個醫生講，佢都未幫我檢查就話「咁樣你要入院住喎！」
我心諗「雖然流啡流血唔係一件好事，但我冇肚痛，份量真係好少好少，不至於要入醫院吧」
咁我就話安多一個禮拜胎先再睇情況吧！
下身檢查完就做陰照，佢又黎料又話「照下睇下仲有冇心跳先啦，冇嘅話都唔使安胎啦!」
好感恩，bb心跳ok，胎囊形狀都比之前的圓！
誰不知，佢對住個mon又彈左一句「咦！？！又有心跳喎，佢都命大喎！」
我當下真係唔開心，sell我野唔緊要、踩我唔緊要、但我介意你對住我bb講埋啲咁嘅說話！
之後佢又講多次週數大d要驗DNA 之類。
又話再小X就會變左慣性流產，以後生唔到！
我都聽唔入耳，諗住快快趣趣幫我打埋支針+開藥+開假紙就離開！

而家等今個星期尾再覆診！

我相信大家對陀bb 一定係好小心，事事以佢為先！
更何況我之前試過小X，樣樣野都會擔心一餐！
可能佢講嘅每一樣野都係事實，但佢講嘢嘅方式真係好衰格，我真係好嬲佢點解每一樣野都要恐嚇個病人，咁樣恐嚇完個病人，病人心情唔好，對個胎都唔好，就算講嘢崛/情況當真唔樂觀，都可以換過另外一個方式去表達？

我每次睇完醫生，講返俾我先生聽，佢都又嬲又俾佢嚇到個鼻哥窿都冇肉！

請大家比正能量一下我吧！