烹飪搵食今日: 6|主題: 139005

收藏本版

發帖

返回列表

跳至頁

查看: 2203 | 回覆: 1

[搵食推介] 我鐘意佢有創意 (蘭桂坊) [複製鏈接]

恰多陣

別墅

積分: 736

1^#

發表於 17-6-2 11:19 |只看該作者 |倒序瀏覽 |打印

3個人食，叫左4樣野，平均每人200蚊。重點唔係平唔平或者抵唔抵，而係碟碟都有新鮮感兼好味。

頭盤，地獄七重天花枝，辣嘅，非常薄切嘅花枝片，唔太辣，有種清新feel，落單時服務員強調加左墨西哥辣椒，話好珍貴，總共七種唔同辣香料，雖然我唔識咩係墨西哥辣椒，不過真係辣中帶香，亦會啖啖都食到相似但不相同嘅辣味，而且花枝片亦高質兼彈牙，好食。

水煮海班球烏冬
第一眼望落去嘅感覺就係嘩駛唔駛咁多舊魚，份量真係好足，估唔到會多成咁。而一般水煮魚要好食其實都要預先煎一煎，即係傳說中嘅水煮油封，所以會比起清蒸更惹味，咁呢碟水煮魚嘅魚肉都仍然幾結實，有味得來亦有口感，亦冇遮到魚嘅鮮味，非常唔錯，而且用嘅烏冬底都幾彈牙，成碟都好有水準。

香茅脆皮炸子雞，睇個賣相，真係好靚仔！呢隻雞嘅味道，又係好有新鮮感，不過我對香茅冇特別好感(係朋友揀)，都係好味嘅，不過最想知係佢點樣整到D香茅味入到雞入面，醃得好入味，至於炸子雞本身都做得唔錯，出面真係脆卜卜，一定好過普通酒樓好多(反而大排檔通常都正)，香茅配炸子雞其實真係冇乜人試過，至少我未見過先，JM都可以參考下呢個配搭，係work嘅。

香菌海蝦墨魚麵，呢個麵好好食好好食好好食！有墨汁香味(即係咸咸地少少龔鼻)，好彈牙！牛肝菌汁就好濃、不過唔太咸、配呢個麵啱啱好，至於D牛肝菌都大大塊，份量都OK足，重點都係好味，一來好少有得食墨魚麵，二來通常得個咸字，而呢碟係very good嘅！

每人200蚊，我覺得其實抵食，話晒都中環，同埋質素好好！

Fovea@中環蘭桂坊